мартин томовски – Kurir.mk

Томовски: Тешко е да се најде мотивација, но кога станува збор за Македонија

Бошко Тасиќ — Mon, 23 Jan 2023 21:08:21 +0000

Ракометната репрезентација на Македонија одигра одличен натпревар против Мароко во кој беше подобар противник во текот на сите 60 минути и заслужено стигнаа до убедлив триумф од 40-25. Со него „црвено-жолтите“ го осигураа второто место во групата во „Президент купот“. Еден од најрасположените на денешниот натпревар беше голманот Мартин Томовски кој забележа двоцифрен број на одбрани па го доби признанието за најдоар играч . Томовски вели и покрај тоа што е тешко да се најде мотивација во овој дел од натпреварувањето, на секој натпревар за репрезентацијата мора да се даде се од себе. „Во овој Призидент Куп тешко е да се најде мотивација. Но, секогаш мора да се бориш и да го дадеш најдоброто од себе. Секако, ние сакавме да победиме, исто така и на претходниот натпревар со Тунис. Беше навистина тешко и сега ни преостанува уште еден меч за играње и ние ќе направиме се за да победиме. На таков начин ќе имаме подобра слика за да може да ги анализираме нашите грешки за во иднина”, изјави Томовски.

Селекторот Лазаров го посочи голманското дуо како слаба алка на овој Мундијал

Ристе Здравков — Tue, 17 Jan 2023 20:46:52 +0000

Македонија доживеа своевиден дебакл и беше елиминирана по првата фаза на ракометниот Мундијал. По неуспесите со Норвешка и Холандија, избраниците на Кирил Лазаров одиграа катастрофално и против Аргентинците, па тука заврши патот низ турнирот во Полска и Шведска. По третиот пораз, селекторот Лазаров во разговор за македонските медиуми анализираше неколку теми. Тој посочи дека една од главните слабости на ова Светско првенство биле голманите, кои немаа свој ден на ниту еден од натпреварите. „Во овој период, одигравме четири пријателски и три официјални натпревари. На вкупно седум средби, голманите ниту еднаш не ја минаа границата од десет одбрани, дури некогаш комбинираа и по пет или шест. Тоа нам секогаш ни било заштитен знак, дури и кога одбраната била послаба, голманите нè ваделе. Сепак, тоа се случи. Имам тотална одбрана во Митревски и Томовски. Одбраната беше слаба, меѓутоа некогаш треба да заслужиш и да те погоди некоја топка“, изјави селекторот Лазаров. Иако одбраната беше навистина порозна и Николче Митревски и Мартин Томовски беа практично како на стрелиште, во репрезентативниот табор веројатно очекуваа повеќе од нив. Македонија го продолжува настапот на Мундијалот во Президент купот и ќе разигрува за пласман. извор: gol.mk

Томовски: Веруваме во нас,но не треба да „летаме во облаци

Бошко Тасиќ — Fri, 30 Dec 2022 06:17:04 +0000

Мартин Томовски се подготвува и го очекува со нетрпение СП во ракомет. „Ќе почнам од атмосферата, одлична е, ја надоградуваме. Еве сега веќе не сме млади, туку сме тие што треба да преземеме одговорност, ние сме сега во тој дел, каде што ние сме постари и треба да им помогнеме на помладите. Секој има своја задача, напорно е, но во одличен амбиент се тренира. Мора ова да се одработи, ова е таква фаза на подготовки. За противниците, засега специфично не се подготвуваме, нашето време е посветено на нас, на нашата игра, на тој систем на селекторот. Има разни идеи, брзи напади, нормално и сигурна игра до позиции и можам да кажам дека се е во ред. Засега сите се здрави и тоа ми е најголема желба, да останеме сите така. Потоа, селекторот ќе одлучува кој ќе оди натаму“, ни изјави Томовски. Засега најголем акцент се става на одбраната. Впрочем формулата за добар напад „лежи“ во добрата дефанзива. „Посветуваме големо внимание на играта на одбрана. Ако имаме добра дефанзива ќе бидеме сите поефективни и сите можеме повеќе да придонесеме во целата игра, да не се трошат премногу сите. Веруваме во нас, но да не летаме во облаци. Во овој момент сме фокусирани на подготовките, турнирот во Хрватска, па ќе добиеме јасна слика, ќе направиме последни корекции и да се претставиме во најдобро светло“. Нашите ракометари утре се враќаат од Маврово, по ден одмор се враќаат во сала и продолжуваат со вториот дел од подготовките. Пред СП ќе одиграат уште две пријателски средби против Хрватска и Израел во рамките на „Кроација Купот“. На СП, Македонија е во групата со Норвешка, Холандија и Аргентин

Мартин Томовски официјално останува во Вардар 1961

Бошко Тасиќ — Thu, 21 Jul 2022 17:54:44 +0000

Марин Томовски (25), голманот на РК Вардар 1961, реши да остане во клубот и да си го доработи договорот кој му истекува со крајот на идната сезона. Откако настана познатата ситуација со исклучувањето на Вардар од Лигата на шампионите за претстојната сезона од страна на ЕХФ, дилемата беше дали репрезентативниот голман ќе остане во Вардар или ќе побара нова средина каде ќе може низ европски натпревари да ги искористи своите вредности.

– Останувам во клубот. Потполно сум сигурен во тоа. Од понеделник почнуваат подготовките. Ќе може да ги одредиме и целите за идната сезона. Но сигурно ќе бидат одбрана на двете титули, во Првенството и во Купот. Пред тоа ни следува и Суперкупот. Ќе сакаме и него да го освоиме – вели Томовски.

Неговиот договор со Вардар е една плус една година и му останува уште една сезона да го доработи. – Имав и други понуди за идната сезона. Интерес покажаа и други клубови, но не ги задоволуваа моите критериуми. Вардар минува низ тешки моменти, но решив да бидам дел од тоа и да си го одработам договорот до крај – изјави Томовски.

Томовски: Среќни сме затоа што одиме понатаму, а ќе дадеме се од себе да се подобриме

Бошко Тасиќ — Sat, 19 Mar 2022 18:20:21 +0000

Мартин Томовски беше сигурен меѓу стативите на Македонија и со вкупно седум одбрани, повеќето во второто полувреме имаше допринос на нашиот национален тим да ја одбрани предноста од Скопје. Сега следува двомечот со Чешка, за која Томовски вели дека мора да се подготвиме добро. „Имавме мало растеретување поради предноста, но за разлика од првиот меч противникот тука ја имаше под контрола нашата игра и лесно доаѓаа до нашиот гол. Во нападот тешко реализиравме, дојде и мала нервоза и тоа резултираше да имаме негатива и пораз. Но, од убавите работи ќе извлечеме што пројдовме понатаму и ќе анализираме да ги поправиме грешките. Чешка е квалитетна селекција, исто како и Романците. Среќни сме затоа што одиме понатаму, а ќе дадеме се од себе да се подобриме. Одбраната беше наша посилна страна од нападот на овој натпревар, иако имавме мали проблеми со неа во првиот дел. Тоа не држеше во оваа средба. Против Чешка ќе мора да бидеме едно ниво погоре“, изјави Томовски.

Томовски: Одбраната со блоковите и добрата анализа многу ми помогнаа

Бошко Тасиќ — Fri, 14 Jan 2022 19:23:08 +0000

Еден од најдобрите на мечот со Словенија на ЕП, голманот на Вардар Мартин Томовски изјави иако мечот е загубен, имаат многу позитивни моменти: „Загубивме, но имаше многу позитивни моменти. Игравме побрзо и поубедливо. Одбраната беше на едно повисоко ниво. Едноставно некои моменти на невнимание нè чинеа пораз. Денес е нов ден и ќе се обидеме да ги коригираме сите наши грешки и недостатоци. Верувам дека ќе искористеме што можеме да се радуваме на победа против . Не би се издвоиил јас како заслужен. Одбраната со блоковите и добрата анализа многу ми помогнаа. Очекувавме од каде доаѓаат словенечките шутеви и едноставно бевме спремни на овој предизвик“.

Томовски: Сакам да се радуваме заедно со нашите навивачи

Бошко Тасиќ — Tue, 23 Nov 2021 19:46:49 +0000

На прес-конференцијата покрај тренерот Веселин Вујовиќ во пресрет на мечот Вардар-ПИК Сегед, зборуваше и младиот голман Мартин Томовски. „Имавме шанса да се радуваме на борови во Сегедин. Игравме добро, ама сопствените грешки нè чинеа пораз. Што се однесува за овој натпревар, не може да бидеме безгрешни, ама ќе се обидеме да ги сведеме на минимум. Ова е последен меч на домашен терен во Лигата на шампионите. Сакаме да се радуваме заедно со нашите навивачи, кои се надевам ќе ни дадат поддршка во голем број. Добрите партии се склоп на сите околности во клубот. Добро се чувствувам во Вардар, се трудам секогаш да дадам најдобро од себе, за мене и екипата. Сакам да помогнам и победуваме“, изјави голманот на Вардар.

Мартин Томовски е избран за голман на месецот во Бундеслигата (ФОТО)

Бошко Тасиќ — Tue, 01 Jun 2021 20:01:53 +0000

Македонскиот ракометен репрезентативец Мартин Томовски брани во фантастична форма во дресот на Лудвигсхафен и тоа во периодот кога тимот се бори за опстанок во германската ракометна елита. Благодарение на неговите одлични настапи, Лудвигсхафен, фатим ритам во клучниот дел од сезоната и е на само еден бод од излез од опасната зона на табелата во Бундеслигата. На дуелот против Балинген нашиот голман забележа 17 интервенции, поради кои беше избран за голман на колото во германскиот шампионат, а денес доби уште едно индивидуално признание. Името на Томовски се најде меѓу најдобрите, односно тој е најдобриот голман во Бундеслигата за месец мај.

Мартин Томовски собра 17 одбрани на меч во Бундес-лигата

Бошко Тасиќ — Sun, 09 May 2021 15:55:47 +0000

Македонскиот ракометен голман Мартин Томовски го одигра својот најдобар меч во кариерата предводејќи го Лудвигсхафен до победа на гостувањето против Ерланген со 19-24. Томовски собра вкупно вкупно 17 интервенции, со што беше најзаслужен за триумфот со кој Лудвигсхафен си ги зголеми минималните шанси за опстанок во елитното германско ракометно друштво. Само за потсетување, ова се последните натпревари на Томовски во Бундес-лигата бидејќи македонскиот репрезентативец веќе го договори својот камбек во мак-ракометот, во редовите на шампионот Вардар. Победите на македонските репрезентативци во Бундес-лигата ги комплетираше Филип Кузмановски, кој со Хановер триумфираше на гостувањето против Лемго (24-26), меч на кој македонскиот бек постигна три погодоци.

Германскиот бундеслигаш Лудвигсхафен го потврди заминувањето на Мартин Томовски

Бошко Тасиќ — Mon, 15 Mar 2021 20:44:21 +0000

Македонскиот репрезентативен голман Мартин Томовски одби продолжување на договорот со германскиот бундеслигаш Лудвигсхафен и следи враќање на домашната сцена, каде ќе го носи дресот на Вардар. Лиса Хеслер, управниот директорот на Лудвигсхафен, истакна дека Томовски е голман кој има голем потенцијал уште да напредува, а доколку го одбрал Вардар, тоа навистина радува затоа што се работи за врвен клуб. „Мартин пристигна во нашиот клуб премногу млад, но тој уште е млад и има потенцијал да напредува уште повеќе. Доколку ја прифати понудата на интернационално успешниот и врвен клуб од неговата земја, тогаш тоа сосема го разбираме и ги почитуваме неговите амбиции“, изјави Хеслер.