мартин – Kurir.mk

Потрагата по Мартин на Халкидки прекинува на терен, но не запира

Тале Кристо — Thu, 28 Jul 2022 13:23:45 +0000

По 20 дена интензивна потрага во море, на копно и од воздух, откако спасувачите волонтери од ОФКАТ го „прочешлаа“ Солунскиот залив, делот околу Халкидики, но и целото Егејско море, потрагата по Мартин прекинува на терен, но не запира, јави дописничката на МИА од Атина. Од ОФКАТ за МИА објаснуваат дека потрагата не запира, туку прекинува на терен, но продолжува на друго ниво, односно преку адвокати, сослушувања и слично. За досегашната потрага велат дека пребарале насекаде, во Солунскиот залив и по крајбрежјето од спротивната страна, на Халкидики, но и во Егејското море. Преку нивниот официјален Фејсбук, од волонтерски спасувачки тим соопштија дека денеска се навршуваат 20 дена без Мартин, а напорите за негово пронаоѓање во изминатиот период не вродија со плод, иако бараа насекаде и со сите средства што им се на располагање. -Мартин не „припаѓа“ во морето, Мартин припаѓа на земјата и таму, во некој момент треба да се „врати“. Да оставиме неколку дена морето да ја завшри својата рабта со надеж дека ќе ни го врати. Сочувствуваме со неговото семејство и тоа е причината што нема да оставиме случајот да се затвори. Им дадовме ветување на неговата мајка Лидија и на неговиот брат Горан дека ќе го најдеме Мартин. Потрагата веќе продолжува и на… „друго ниво“, напишаа од ОФКАТ. Членовите на ОФКАТ од првиот момент беа на терен, во различни делови, како на копно, така и во вода, а нивната потрага продолжи и по завршувањето на официјалната потрага што ја водеше крајбрежната служба на Грција. Мартин исчезна на 9 јули кај Посиди на првиот крак на Халкидики, откако со двајца пријатели влегле во морето и оттогаш му се загуби секаква трага. Спасувачката акција првично беше за пронаоѓање на тројцата пријатели, кои поради лошото време се нашле во беспомошна ситуација и се оддалечиле од брегот. Првиот, 25-годишниот Васил беше спасен истиот ден по поминати околу два часа во вода, додека пак ден подоцна, по околу 20 часа во морето беше пронајден и 30-годишниот Иван. Иако вообичаена пракса на грчката крајбрежна служба е потрагата да трае 72 часа, односно три дена по исчезнувањето, овој рок беше продолжен по официјалното барање од македонска страна и телефонскиот разговор меѓу шефовите на двете дипломатии Бујар Османи и Никос Дедниас. Официјалната потрага на Крајбрежната служба на Грција заврши минатиот четврток на 14 јули, а акцијата продолжи од волонтерски спасувачки тимови.

Потрагата по Мартин продолжува – како работи подводниот дрон?

Ристе Здравков — Tue, 12 Jul 2022 15:50:05 +0000

Продолжува потрагата по македонскиот државјанин Мартин, кој продолжува да се води како исчезнат во морскиот предел на Халкидики. Големата операција на крајбрежната стража и волонтерите е во тек од вторник рано наутро, но без никакви резултати. На лице место се мајката и роднините на младиот момче од Северна Македонија. Во битката за пронаоѓање на младото момче, кое од саботата попладне се води како исчезнато, од моментот кога со пријателите нурна на познатата плажа „Митис“ во Посеиди, Халкидики и беа однесени од морските струи, е и подводен дрон. Како што може да се види на снимката снимена од дното со модерниот дрон на тимот и објавена од protothema.gr, од младиот човек не е пронајден никаков знак. Претседателот на ОФКАТХ, Христос Рамос, операцијата со подводниот дрон се одвива на местото кое на волонтерите им го посочи 30-годишниот Иван кој денеска беше пуштен од болница. „Скениравме голема површина, но не најдовме никаква трага. Причината е што струите на дното се многу силни. Истрагата на ОФКАТ се отвора уште малку. Мајката и роднините се излезени на копно и нетрпеливо чекаат вести и се грижиме тие постојано да се ажурираат за напредокот на истрагите. Попладне ќе се обидеме повторно бидејќи денес, поради временските услови, е можност да дадеме се од себе“, рече г-дин Рамос во изјава за грчка Прототема.

Актерката Нина Деан бремена: Среќата нѐ одбра нас

Ивона Петрова — Thu, 12 Dec 2019 08:23:14 +0000

Актерката Нина Деан, за неколку месеци ќе стане мајка, а приновата заедно со Мартин ја очекуваат напролет, пренесува 7дена.мк. -Пресреќна сум. Никогаш не ми било вака и сигурна сум дека Мартин се појави за да го исцртаме и затвориме кругот. Не се двоиме, се смеееме, се сакаме, едноставно знаеме дека сме еден за друг и тука нема некоја филозофија. Среќата не одбра нас, а и ние неа. Бебето само е потврда дека нештата се таму каде што им е местото, вели Нина. На оваа убава вест, многу се радува и мајка и на Нина, Гордана Деан како и нејзиниот сопруг, актерот Кирил Поп Христов – Кили. Инаку, втората ќерка на Гордана, Јоана која живее во Еквадор летово стана мајка.