Маруан Фелаини – Kurir.mk

Мурињо сака да го види Фелаини во Тотенхем

Тале Кристо — Mon, 12 Apr 2021 09:18:01 +0000

Играчот за врска на Шандонг Луненг, Маруан Фелаини, може да се врати во Англија, објави „Би-би-си Спорт“. Според британскиот медиум, тренерот на Спарс, Жозе Мурињо планира да го купи 33-годишниот Белгиец со кого работеше во Манчестер јунајтед. Во февруари стана познато дека Шандонг Луненг е суспендиран од азиската Лига на шампиони поради финансиски проблеми. Фелаини игра за Шандонг Луненг од февруари 2019 година. За кинескиот клуб, играчот од средниот ред одигра 57 натпревари, на кои постигна 20 гола и направи 5 асистенции.

Големата афро фризура на Фелаини замина во историја: Со новиот имиџ ни родената мајка нема да го препознае (ФОТО)

Дарко Андоновски — Wed, 14 Nov 2018 13:05:54 +0000

Играчот од средниот ред на Манчестер јунајтед, Маруан Фелаини реши да го смени имиџот, повеќе ја нема неговата препознатлива афро фризура. Белгискиот фудбалер во текот на целата негова досегашна кариера беше синоним за човек со голема афро фризура, но тоа веќе не е така. Фелаини преку својот инстаграм профил го објави новиот имиџ, а под него останатите фудбалери коментираа: „Неееееееееее“, напиша неговиот соиграч Ерик Баи. Капитенот на Сити, Винсент Компани пиша: „Фотошоп е ова, не може да биде вистина!!“. Фелаини му е корисен на Мурињо кога ќе го стави од игра во финишот од мечот. А кога е стартер неговиот ефект не е така моќен. Тоа го призна и Португалецот кој по поразот од Сити рече дека му фалел тој ефект на Фелаини во финишот, бидејќи морал да го игра како стартер поради повредата на Пол Погба.

View this post on Instagram

New year, new look #birthdaytomorrow @mitchells_coiffure

A post shared by Marouane Fellaini (@fellaini) on Nov 14, 2018 at 3:00am PST

Фелаини бара повисока плата за да остане во Манчестер јунајтед

Даниел Василев — Wed, 02 May 2018 19:19:04 +0000

Фудбалерот на Манчестер јунајтед, Маруан Фелаини, се уште нема потпишано нов договор со клубот, а според британските медиуми, причина за тоа е незадоволството од понудената плата од 140.000 фунти неделно. Договорот на Фелаини истекува ова лето, но и покрај взаемната желба за продолжување на соработката таков договор се уште не е потпишан. - Минатата година бев кај тренерот и му реков дека сакам нов договор. Потоа имавме уште еден состанок, но јас не сум човек кој ќе праша десетпати една иста работа. Во меѓувреме станав важен за екипата, а денес важните играчи чинат по 50 милиони евра. Луѓето во клубот знаат дека згрешија тогаш, бидејќи не ми понудија продолжување на соработката, истакна Фелаини. Британските медиуми наведуваат дека на 30-годишниот фудбалер му е понудена неделна плата од 140.000 фунти, но дека тој бара значително повеќе. - По изјавата на Жозе Мурињо дека сака да ме задржи се наоѓам во добра позиција. Добро ги познавам соиграчите и членовите на стручниот штаб, знам колку сите ме ценат. Сите знаат дека играв значајна улога. Имам 30 години и преговарам со Јунајтед. Уште неколку клубови пројавија интерес за мене. На пример, немам проблем да живеам во Кина. Сакам да истражувам разни места и поинакви култури, наведе фудбалерот. Маруан Фелаини на „Олд трафорд“ дојде во 2013 година од Евертон за 32 милиони фунти. МИА