марухуана – Kurir.mk

ВИДЕО: Откриен насад со марихуана во кумановско, приведено едно лице

Тале Кристо — Tue, 20 Sep 2022 15:29:02 +0000

На 19.09.2022, полициски службеници од Одделот за криминалистичка полиција, Сектор за недозволена трговија со дрога, оружје и опасни материи во координација и соработка со СВР Скопје-Единица за недозволена трговија со дрога и СВР Куманово во пределот на село Винце, кумановско, открија место со насад со растението канабис сатива.По насоки од Јавен обвинител од ОЈО Куманово растенијата биле подигнати за понатамошна постапка. Додека, по преземени мерки и активности, денеска (20.09.2022) полициски службеници од СВР Куманово утврдиле дека П.С.(44) од с.Винце го сторил кривичното дело, односно вршел садење и одгледување на насадот со марихуана. Тој бил лишен од слобода и по целосно документирање и расчистување на случајот, СВР Куманово во координација со ОЈО Куманово ќе поднесе кривична пријава по член 215 од Кривичниот законик.

Истрага против дилер на дрога од Битола, дрогата ја криел во бебешка количка

Ивона Петрова — Mon, 11 Apr 2022 10:16:49 +0000

Основното јавно обвинителство Битола донесе Наредба за спроведување истражна постапка против едно лице за кого постои основано сомнение дека сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. -При претрес во домот на осомничениот на 8 април, во стан на улицата „Димитар Илиевски-Мурато“ во Битола, полицијата пронашла 24,77 грама марихуана, во стаклена тегла скриена во бебешка количка. Осомничениот дрогата ја препродавал на наркозависници од Битола, за што е обезбеден доказ и во форма на вербални искази на сведоци, кои во периодот од 06.12.2021 до 08.04.2022 година набавувале марихуана и амфетамини од осомничениот, инфомираат од Обвинителството. Поради опасност од бегство на осомничениот, можност за влијание врз сведоците и повторување на делото, јавниот обвинител пред надлежниот суд поднесе предлог за определување мерка притвор.

Албански државјани внеле дрога во Македонија: Сакале да ја продадат во Гостивар

Катерина Бојаџиева — Thu, 13 Jun 2019 12:45:02 +0000

Основното јавно обвинителство Гостивар поведе постапка против две лица, државјани на Република Албанија за сторено кривично дело неовластено производство и пуштање во промет наркотични дроги, психотропни супстанции и прекурсори. -Осомничените на 11 јуни се движеле со патничко моторно возило Фолксваген голф со регистарски ознаки од Република Албанија. При рутинска контрола од страна на полициски службеници возилото било сопрено, при што во багажниот дел бил пронајден ранец во кој имало најлонско пакување со опојна дрога марихуана во вкупна нето маса од 1,7 килограми. Осомничените ја внеле дрогата во Република Северна Македонија преку граничниот премин Блато – Дебар со намера да ја продадат на купувачи од Гостивар, се наведува во соопштението од Јавното обвинителство. Надлежен јавен обвинител до Основниот суд Гостивар доставил предлог за определување мерка притвор против осомничените. Судот го прифатил предлогот на обвинителството и на осомничените им определи притвор во времетраење од 30 дена.