марвел – Kurir.mk

Скарлет Јохансон децидна: Завршив со „Марвел“

Ристе Здравков — Mon, 24 Apr 2023 12:00:45 +0000

Скарлет Јохансон не планира да се врати во филмскиот универзум на „Марвел“. Славната актерка (38) – која дебитира како Црна вдовица во „Ајрон мен 2“, пред да глуми во серијалот „Одмаздници“ (Avengers) заедно со „Црната вдовица“ од 2021 година – не планира да глуми суперхеројка на „Марвел“ во иднина. Во текот на поткастот на „Гуп“, Скарлет разговараше со Гвинет Палтроу, која глуми како Пепер Потс во филмовите за железниот човек (Iron Man). „Беше прекрасно, најдоброто време досега. Мислам, снимањето на ‘Одмаздници’ беше многу забавно. Имав 26 години, бев сингл, ми беше забавно! Немав никаква одговорност кон никого, освен само да уживам“, рече Скарлет. „И потоа на секои две години се враќавме назад и го правевме тоа повторно и сите бевме на разни места во нашите животи. Некој доби дете, некој се венча или разведе, или повторно се венча или што и да е. Сето тоа беше летен камп за возрасни. И беше интересно… едно од најдобрите искуства“, откри актерката. „Уникатно искуство, но завршувам со ова поглавје. Направив сè што требаше да направам. Го глумев истиот лик повеќе од една деценија, доста беше“.

Бугарската актерка Марија Бакалова во филм на „Марвел“

Тале Кристо — Wed, 03 Aug 2022 08:12:29 +0000

На годинашната Стрип-конференција во Сан Диего, САД, ѕвездата на „Борат 2“ (за којшто беше номинирана за „Оскар“), Марија Бакалова го официјализираше своето деби во универзумот на „Марвел“. Имено, таа им се придружи на режисерот Џејмс Ган и екипата на суперхеројскиот филм „Чувари на Галаксијата, 3. дел“ (Guardians of the Galaxy Vol. 3), додека го претставуваа новиот трејлер за вселенската авантура. – Причината поради која станав обожавателка на продукциската куќа „Марвел“, се „Чуварите на галаксијата“. Има хумор, срце и има мигови кога навистина можеш да плачеш. Да можеш да се приклучиш на последниот дел од овој серијал ми беше најголемиот подарок, изјави бугарската актерка. Во звучната актерска екипа на третиот дел се и Крис Прат, Зои Салдана, Вин Дизел, Бредли Купер, Карен Гилан, Силвестер Сталоне, Елизабет Дебицки и други познати глумци. Киноприкажувањата се закажани за од 5 мај 2023 година.

Бен Афлек ќе режира филм на „Марвел“

Ивона Петрова — Thu, 14 Jul 2022 10:14:21 +0000

Холивудскиот глумец Бен Афлек, откако го толкуваше ликот на Бетмен во филмовите на „Ди-си комикс“, за што доби многу пофалби од обожавателите ширум светот, сега добил понуда да режира филм на конкурентската стрип-компанија „Марвел“. Бен Афлек (49), инаку, и досега веќе повеќепати бил продуцент, сценарист и режисер. Можеби еден од неговите најуспешни филмови е „Добриот Вил Хантинг“, за којшто тој и неговиот колега и близок соработник Мет Дејмон во 1998. добија „Оскар“ за најдобро сценарио. Но, тука е и филмот „Арго“, исто така режиран од Афлек, којшто доби „Оскар“ за најдобар филм во 2012 година. Според ИМДБ, следат уште филмови со Афлек како режисер, а во еден од нив, тој и ќе глуми со Мет Дејмон, Крис Такер и Марлон Вејанс. Освен тоа, најавени се и „Чуварот на изгубените градови“ (Keeper of the Lost Cities) и „Сведок на Обвинителството“ (Witness for the Prosecution).

Познато е кој ќе биде првиот ЛГБТ-суперхерој на Марвел

Предраг Кукиќ — Tue, 23 Jul 2019 12:03:49 +0000

Продукциската куќа Марвел го откри својот прв ЛГБТ-суперхерој, што ќе се појави во наредниот, четврти „Тор“ филм. Се работи за ликот Валкири што го глуми Теса Томпсон. Љубителите на Марвел-стриповите веќе знаат за Валкири – дека таа е бисексуалка, но во досегашните филмови, таа се криеше. Во „Тор 2“ дури била и исфрлена сцена каде што таа станува од кревет во којшто има друга жена. Според Марвел, ЛГБТ-ликови ќе има и во филмот „Бесмртните“, кој е во фаза на снимање, но засега не се откриваат детали.

Марвел најави 10 филмови, овој актер ќе биде новиот Блејд

Ивона Петрова — Mon, 22 Jul 2019 09:15:03 +0000

Американското филмско студио Марвел најави 10 нови филмови. На годишната конференција посветена на стрипот Комик-Кон, директорот на компанијата, опкружен со голем број холивудски ѕвезди ја објави оваа вест. Едно од најголемите изненадувања е дека оскаровецот Махершала Али ќе го игра ловецот на вампири, Блејд, лик кој во филмот од 1998 година го играше Весли Снајпс. Натали Портман потврди дека ќе се врати во четвртото продолжение од филмот "Thor: Love and Thunder". Најавен е и филм „The Eternals“ во кој ќе играат Анџелина Џоли и Селма Хајек. На публиката и е откриено и дека ќе се снима прв филм за азиско-американскиот суперхерој Шанг-Чи. По неколкумесечни шпекулации, Марвел конечно објави мали детали околу исчекуваниот „Црва вдовица“ со Скарлет Јохансон како Наташа Романо. Филмот се снима веќе 30 дена, а во трејлерот се откриени првите сцени од Будимпешта.