мас – Kurir.mk

ЕУ размислува за воведување санкции кон Турција поради нејзините активности во Источен Медитеран

Тале Кристо — Thu, 19 Nov 2020 11:02:24 +0000

Германскиот министер за надворешни работи Хајко Мас денеска изјави дека лидерите на Европската унија размислуваат за воведување санкции кон Турција поради нејзините активности во Источен Медитеран. Мас претходно разговараше со францускиот министер за надворешни работи Жан-Ив Ле Дријан и двете страни се согласија за справување со проблематичното однесување на Турција во Источен Медитеран и пошироко, што вклучува взаемна соработка во „борбата против тероризмот и радикализацијата“ кои ја загрозуваат безбедноста на ЕУ. Спорот на Турција со ЕУ, особено со Франција, има врска со различни прашања, вклучувајќи ги и забелешките на францускиот претседател Емануел Макрон во врска со исламот и постапките на Анкара на истокот на Средоземното Море. Во официјалното соопштение пред состанокот на министрите за надворешни работи на ЕУ, Мас наведе: „Секој пат има нови провокации, за жал, така што тоа зависи од Турција. Освен ако има некои позитивни сигнали од Турција до декември, ако провокации како што е посетата на Ердоган на Северот на Кипар продолжи, ќе има тешка дискусија на самитот на лидерите на ЕУ во декември“.

Мас: ЕУ мора да прецизира стратегија кон Русија

Тале Кристо — Thu, 05 Mar 2020 16:16:55 +0000

Европската унија мора да прецизира своја стратегија за изградба на односите со Русија, бидејќи без Москва многу прашања не можат да бидат решени, изјави денеска германскиот министер за надворешни работи Хајко Мас на неформалниот состанок на шефови на дипломатии на ЕУ во Загреб. – Знаеме дека сериозни судири, како сирискиот, важни прашања, како климатските промени и разоружувањето, не можат да се решат без Русија. Поради тоа мора да прецизираме наша стратегија кон Русија, истакна шефот на германската дипломатија.

Мас: Протестите за отворено и слободно општество се важен сигнал за единство

Ивана Ефремовски — Sat, 13 Oct 2018 13:16:13 +0000

Германскиот министер за надворешни работи Хајко Мас смета дека протестите за отворено и слободно општество најавени за денеска во Берлин се важен сигнал за единство. - Ние нема да дозволиме да се разделиме, особено од десничарските популисти, изјави Мас за весниците од медиумската група „Функе“. Тој рече дека мнозинството Германци ја поддржуваат толеранцијата и отвореноста кон светот и додаде дека новиот национализам нема да реши ниту еден проблем. - Разновидноста на културното наследство, бојата на кожата, религијата го збогатуваат секојдневниот живот, а не нѐ загрозуваат, рече Мас. Се очекува на демонстрациите да присуствуваат десетици илјади демонстранти. Тие се насочени против говорот на омраза, дискриминацијата и опасностите на бегалците во Медитеранот при нивните обиди да стигнат до Европа. Организатори се групи активисти обединети под името „Независни“.(МИА)