масажа – Kurir.mk

Позната докторка препорачува: Петминутна масажа може да ви помогне да ја ублажите надуеноста (ВИДЕО)

Ристе Здравков — Wed, 23 Aug 2023 07:21:15 +0000

Ако имате проблеми со надуеност, не е лоша идеја да пробате масажа за да се обидете да ја ублажите непријатноста. 5-минутната масажа, која ја открила д-р Линдзи Шмит, може да ве ослободи од тоа страшно чувство на надуеност од кое страда речиси секоја жена, дури и оние кои се грижат за своето здравје и исхрана. „Главната придобивка од масажата против надуеност е тоа што ја стимулира подвижноста на цревата (варењето), што помага при празнењето на цревата и надуеноста“, вели д-р Линдзи. „Другите придобивки вклучуваат лимфна дренажа, намалување на надуеноста на долниот дел на стомакот, емоционално ослободување и ублажување на менструалните грчеви. Не е лошо, нели? Еве како да го направите тоа: Користејќи масло за масажа по ваш избор, почнете од горната лева страна на абдоменот и лизгајте надолу на левата страна со лесен до среден притисок. Повторете го ова два до три пати. Движете се до попречното дебело црево и лизгајте од горе десно преку и надолу кон долниот лев дел на стомакот. Повторете два до три пати. На крај, направете го последното лизгање од долниот десен дел на стомакот, нагоре и наоколу до долниот лев агол. Повторете го ова два до три пати. Видеото како се изведува масажата може да го погледнете ТУКА. Д-р Линдзи забележува дека масажата на абдоменот треба да се прави „нежно и претпазливо“ и да се консултирате со вашиот лекар доколку сте бремени или имате какви било здравствени проблеми. Ако неодамна сте имале абдоминална операција, најдобро е да не ја правите оваа масажа додека целосно не закрепнете. За повеќето луѓе, ова може да се прави секојдневно по желба, но д-р Линдзи обично се држи до два до четири пати неделно или секогаш кога се чувствува дополнително надуено.

КОГА МИСЛЕШЕ ДЕКА КАМЕРИТЕ СЕ ИСКЛУЧЕНИ СÈ СЕ СНИМАШЕ – Цеца гола на масажа, пејачката вака ужива во спа центар

Дарко Андоновски — Fri, 10 Mar 2023 21:02:29 +0000

Балканската ѕвезда Светлана Цеца Ражнатовиќ пред извесно време одржа спектакуларен концерт на Копаоник, а додека уживаше таму таа беше уловена како ужива во еден спа центар. Имено во нејзината документарно играна серија која се емитува секој петок овој пат Цеца може да се види како се опушта во еден спа центар на најпознатата планина во Србија. Познато е дека Цеца води голема сметка за својот изглед, а кога може малку да избега од професионалниот ангажман обожува да прави масажи. -Кога имам слободно време сакам да си угодам на себе си. Доста ме опушта масажата по напорните настапи, бидејќи секогаш сум на високи потпетици, изјави во една своја прилика пејачката. Таа додава дека со масажите повторно и циркулира телото и ги смалува отоците како и болките од патувањата или стоењето на високи потпетици со часови.

Речиси сите ја прават оваа ГРЕШКА: Масажата на лицето ја подмладува и опушта кожата, под услов ТОЧНО да се изведе

Ристе Здравков — Tue, 20 Dec 2022 06:43:29 +0000

Ако не сте сигурни како да ја изведете, оставете го тоа на професионалците Иако можеби мислите дека тоа навистина не е потребно и дека е подобро да нанесувате разни креми на лицето, масажата е исто така многу важна за кожата. Не само што ја поттикнува циркулацијата и ги отвора порите, туку и го забавува стареењето на кожата, па добро е тоа да го правите еднаш или двапати неделно пред спиење. Доволно е да одвоите 7 до 15 минути за да ги видите ефектите, но мора да следите и одредени правила. – Лицето секогаш го масираме нагоре – инсистира Изабеа Ото, клинички дерматолог. Прв чекор Започнете со темелно чистење на лицето. Потоа нанесете масло или серум избрани за вашиот тип кожа. Ова е важно бидејќи кога има подлога, полесно е да се масира кожата. Започнете со загревање – нежно стискајте ја кожата за да ги опуштите мускулите. Тогаш ефектите од масажата ќе бидат многу подобри. Раце или масажер Масирањето на лицето со раце може да постигне многу добри резултати. Нивните движења ја стимулираат циркулацијата на крвта и лимфата. Меѓутоа, кога не се чувствувате сигурни, масажерите со жад или кварц ја олеснуваат оваа процедура. Добро е да ги чувате во фрижидер, бидејќи кога ќе се изладат го намалуваат отокот. За зрела кожа, обрнете посебно внимание на: Назолабијалните набори – масирајте ја линијата помеѓу брадата и носот. Исто така, масирајте ги аглите на устата, нежно кревајќи ги и правејќи кругови околу устата. Очни капаци – притиснете го надворешниот агол на окото и следете го долниот капак до внатрешниот агол. Масирајте го горниот очен капак во иста насока. Овално лице – од брадата нагоре најмногу масирајте ја кожата под ушите. Чело – силно движете ги врвовите на прстите преку него, од центарот кон страните на челото. Поминете повеќе време на точката помеѓу веѓите, каде често се формираат брчки. Ретинолот зацврстува, подмладува и ја намалува промената на бојата. Најчести грешки при масажа Сè уште се случува жените да го масираат лицето со масло, на пример, за деца. Премногу е мрсно и не е погодно за масажа на лице, може да се користи само за масажа на тело. Уште една грешка е сувото масирање, т.е. без козметика. Овој тип на масажа е потежок, се користи, на пример, за време на Кобидо масажата, а подобро е да се избегнува дома.

Потребни ви се неколку состојки: Антицелулитна маска

Ристе Здравков — Tue, 15 Nov 2022 20:31:59 +0000

Најголемата ноќна мора за секоја жена – целулитот. Проблем со кој се соочуваат дури и оние жени кои немаат вишок килограми. Целулитот се јавува најчесто поради постојаното седење, нездрава и нередовна исхрана, физичка неактивност и недоволно внесување на вода. Иако не можеме во целост да ја спречиме појавата на целулит сепак одредени техники, методи и трикови навистина можат да ви помогнат да го намалите. Користењето на пилинг 2-3 пати неделно може да биде ефикасна техника за намалување на целулитот затоа што на тој начин ги отстранувате мртвите клетки од кожата и ја зголемувате циркулацијата. Нашиот денешен рецепт за подготовка на пилинг за намалување на целулит содржи кафе, токму поради моќта на кофеинот да ја забрзува циркулацијата. Користење на овој пилинг 2-3 пати неделно во комбинација со масажа, физичка активност и доволно внесување на течности гарантира видливи резултати за 2-3 недели. Овој пилинг се подготвува навистина лесно и брзо, од состојки кои веќе ги имате во кујната и има неверојатен ефект. Потребни состојки: 6 лажици кафе (обично турско кафе) 6 лажици кафеав шеќер 1 лажица цимет 3 – 4 лажици маслиново масло (можете да го замените и со кокосово). Начин на подготовка: Измешајте ги сите состојки убаво дури не добиете еднолична смеса. Складирајте го пилингот во стаклена тегличка и користете го пред да се туширате 2-3 пати неделно. Правете масажа на критичните делови со лесни движења без притоа да предизвикате иритација и црвенило на кожата.

Ова е најдобрата работа која може да ја направите пред спиење, одлично е за вашето тело

Ивана Ефремовски — Fri, 15 Jul 2022 20:26:22 +0000

Најдобрата техника за опуштање е масажата. Уште подобро е кога можете сами на себе да си пружите масажа. Масирањето на стапалата има позитивни ефекти на целокупното здравје. Масажата го подобрува протокот на крв, го стимулира лачењето и потта, го подобрува метаболизмот, ги редуцира мастите и го забрзува протокот на крв низ ткивото. Исто така е добра поради убавината на кожата и ја прави еластична и здрава. Со самото тоа добиваме младешки изглед. Масирањето го подобрува држењето, состојбата и изгледот на мускулите. Влијае на мускулите да се истегнат и опуштат. Ја елиминира киселината која создава грчеви и го олеснува варењето. Познато е дека масирањето и притисокот врз одредени точки на стапалата влијае на лекувањето на болестите и помага во работата на органите. Потребно е да ги масирате стапалата пред заминување во кревет секој ден. Третманот кој можете на себе да си го подарите е потребно да трае околу 10 до 15 минути.

Едноставен совет за побрз раст на вашата коса

Ивана Ефремовски — Sat, 05 Mar 2022 19:05:36 +0000

Доколку Ве загрижува спориот раст на вашата коса, не очајувајте, бидејќи постои решение. Секојдневната масажа на кожата на главата го стимулира дотокот на крв во главата, а тоа придонесува за побрз раст на вашата коса. Масажата се покажала како најдобар начин за сите витамини кои ги внесувате преку храната, а и оние кои ги има во шампоните и регенераторите кои ги користите, побрзо да стигнат до коренот на влакното, а со тоа и да се забрза неговиот раст. Масажата исклучиво треба да се прави со меките делови на прстите, а не со ноктите, затоа што во тој случај би дошло до оштетување на влакната и на нивните корени. Најдобро е да ја масирате вашата глава додека ја миете косата, почнувајќи со кружни движења од задниот дел на главата, па сé до пределот околу челото. Со сé почестите масажи, резултатите ќе бидат неизоставни.

Вечерва пред спиење посветете си 15 минути: Еве што да направите, многу ќе ви помогне

Ивана Ефремовски — Thu, 01 Jul 2021 19:17:50 +0000

Од оваа масажа сигурно би побегнале: Со сатари во близина на вратот ви ја враќаат енергијата?! (ВИДЕО)

Ивана Ефремовски — Mon, 22 Feb 2021 21:38:50 +0000

На Тајван е сè популарен третманот „dao liao“ – бизарна масажа со сатари која ја враќа енергијата и балансот во телото. Иако изгледа опасно, за оваа терапија се смета дека е стара повеќе од 2.000 години. Научниците сметаат дека овој третман го изведувале монасите во древна Кина. Третманот се проширил во Јапонија, па потоа и на Тајван, пишува BBC. Луѓето го бараат овој третман со сатари за да ги олеснат тегобите во телото и да го подобрат квалитетот на сон.

Александра Накова прво го поплави базенот, па му се препушти на уживањето во туѓи раце! (ФОТО+ВИДЕО)

Ристе Здравков — Mon, 27 Jul 2020 08:54:42 +0000

Кога ја нема, ја нема, ама кога ја има , таа не престанува да биде во фокусот на јавноста. Ова лето особено, Александра Накова постојано го привлекува вниманието, а интересот за неа и нејзиниот начин на живот како магнет се лепи за нејзините обожаватели, следбеници и сеирџиите на социјалните мрежи. Ноќните журки по Белград, дружбите и проводот со најпознатата балканска старлета Станија, корона аферата, наводното бегство од карантинот и нејзиното апсење на базенот… Јавноста секој нејзин потег или кажан збор речиси секојдневно го следи во чекор. Веројатно тоа е дел од судбината на убавите жени, особено ако се јавно експонирани, постојано да бидат „скенирани“, а нивната приватност да ги скокотка љубопитните. И сето ова уште повеќе што Накова дел од своето секојдневие постојано споделува на социјалните мрежи. Расната гевгеличанка дури и јавно одговараше на прашањата на своите следбеници, па тоа го обзнани на својот Инстаграм профил во „приказните“ од кои сите можеа да го дознаат она што ги интересира за Александра Накова. Се разбира, само она, што нејзе и одговара, толку, колку што убавицата им дозволи… Деновиве летото влегува во својот зенит, а Гевгелија е не само најјужниот, туку и најтоплиот град во Македонија, па атрактивната убавица во неможност да тркне до морето кое и е така близу, а сепак така далеку заради затворените граници на јужниот сосед во шпицот на корона кризата, Накова се распакува, па правец на базен. И тоа оној најзе најблискиот, отворениот базен на едно од најпознатите гевгелиски казина. А базенот како да работи само за неа, па затоа атрактивната убавица иако овој пат не беше цел на влажните машки погледи на самото место, реши на истите да им приреди одложено задоволство, споделувајќи ги своите жешки фотографии на својот Инстаграм. Било кој модел во било која боја, на Нанкова и стои совршено, зашто на така извајано тело и бујни телесни облини прилегаат бикини во кои се крие „тајната“ која сите би сакале да ја дознаат и видат! А расната убавица спуштајќи ги гаќичките за капење надолу или кревајќи ги високо нагоре, длабоко врежани во најпосакуваната ерогена зона, само на миг им овозможи призор што ќе им ја разбранува страста, разбуди мечтите, засили копнежите, помати умот… Доволно за експлозија на адреналинот! И додека некому му е пеколно од жешкиот призор, на Накова сонцето ја натера на ладење, па со елегантен скок „го полави“ базенот нуркајќи од крај до крај во неговата широчина. И тука нема ништо изненадувачки, зашто не би не чудело со таков раскошен „капацитет на плуќа“ , Александра да може долго да остане под вода, нуркајќи од едниот до другиот крај на базенот и во должина!

View this post on Instagram

??‍♀️

A post shared by Aleksandra Nakova (@nakovaaleksandra__official) on Jul 25, 2020 at 2:23am PDT

А, по сончевиот и опуштен ден на гевгелискиот базен, македонстиот модел помина на вториот дел од својата релаксација, селејќи се на друга дестинација. Накова набрзина се дислоцираше во македонската престолнина, каде му се препушти на уживањето во туѓи раце. И додека тие нежно минуваа по нејзината мазна, исончана кожа, убавицата легната на стомак уживаше цво секој допир, во секое движење по нејзиното тело. Впрочем , можеби втората „тајна“ на совршената градба и балансираната килажа токму лежи во ваквото опуштање во релаксирачко-естетска масажа, по што многумина се прашуваат: „Што би дале да се на нејзино место?“ Само на чие? На она на Накова или на личноста што ја масира? Зависи… Кој како нештата ги перцепира!

Што се случува со телото кога редовно одите на масажа?

Ристе Здравков — Thu, 23 Jul 2020 20:25:13 +0000

Пријатен начин за ослободување од стресот и постигнување на хармонично и здраво тело. Масажата е една од најстарите практики за лекување на телото. Влијанието врз проблематичните области помага да се решат голем број на проблеми, а не станува збор само за болка во мускулите. Ефектите од соодветна масажа се различни, па за да го постигнете посакуваниот резултат, треба да ја изберете вистинската техника за себе. Каков ефект има масажата врз функционалната состојба на телото? Во зависност од различните техники и области на влијание, благодарение на масажата, можете да постигнете видливи резултати по само неколку сесии. Масажата има трофичен ефект врз телото. За време на сесијата за масажа, се подобрува протокот на лимфата, интерстицијална течност, крвта и ткивата, се добива повеќе кислород, елементи во трагови, витамини, како резултат на што работата на мускулите се обновува и подобрува. За време на масажата, метаболизмот се зголемува, кожата дише во погодената област. Енергетски стимулирачки ефект на масажата се манифестира во подобрување на метаболизмот во мускулите, забрзување на ензимски процеси, создавање на ацетилхолин, што го забрзува спроведувањето на нервните импулси од нерви до мускули. Ацетилхолин проширува мали артерии. За време на сесијата за масажа, брзо се формира хистамин, кој ги проширува крвните садови, а исто така, дејствувајќи на надбубрежните жлезди, предизвикува зголемено лачење на адреналин и со тоа го тонизира телото. Заедно со аминокиселините, хистаминот се пренесува преку крвта и лимфата низ целото тело и има позитивен ефект врз крвните садови и внатрешните органи. За време на масажата во кожата, хормоните на ткивата се синтетизираат и се лачат во крвотокот, што го подобрува текот на васкуларните реакции, преносот на нервните импулси, како резултат на што се зголемува стапката на мускулна контракција. Во текот на постапката, рецепторите за тетивите, мускулите и лигаментите го зголемуваат протокот на нервните импулси во мозокот. Ова доведува до активирање на ретикуларната формација на мозокот, што има освежувачки ефект врз луѓето. За подобрување на тонскиот ефект, масажата се изведува кратко и со енергично темпо. За да се елиминира прекумерниот невромускулен и психолошки стрес, се користи смирувачки ефект на масажа. Смирувачкиот ефект се развива со ритмички и долготрајни движења низ целото тело. Смирувачкиот ефект е последица на ослободување на ендорфини (природни лекови против болки) и развој на инхибитивни процеси во централниот нервен систем, што се постигнува со ритмичка и пролонгирана иритација на рецепторите лоцирани во лигаментите, мускулите и тетивите. За нормализирање на телесните функции се користи сегментална масажа на одредени рефлексогени зони. Масажата овозможува подобрување на нервно-мускулниот систем, намалување на затегнатоста на мускулите на тетивите и подобрување на општата состојба на телото како целина. Во срцето на секоја техника на масажа е зголемување на лимфата и циркулацијата на крвта, што активира многу витални процеси. Особено е важно кога, под влијание на движењето на греењето, штетни токсини и метаболички производи се елиминираат од организмот: на тој начин стануваме заштитени од агресивни услови на животната средина. Благодарение на стимулацијата на одредени рефлексогени зони, исто така е можно директно да се зголеми отпорноста на телото на инфекции. Ваквите биоактивни дамки се наоѓаат по целото тело: на главата и лицето, вратот, грбот и екстремитетите. Со правилниот притисок, воспалението се намалува, болката се елиминира и се нормализира централниот нервен систем, функционира внатрешниот орган и крвниот притисок. Покрај тоа, масажата влијае на производството на хормони кои се спротивставуваат на болести. На пример, серотонинот придонесува не само за добро расположение, туку и за брзо заздравување на ткивата, а намалувањето на кортизолот го зачувува интегритетот на клетките одговорни за борба против вируси.