масерати – Kurir.mk

Готово е: И „Maserati“ им кажа збогум на „V8“ моторите (ФОТО)

Ристе Здравков — Mon, 15 May 2023 09:15:16 +0000

„Maserati“ во склад со наредбите од врвот се определи за електрична иднина. И додека „Ferrari“ ќе продолжи со дружењето со октанските ѕверови, во „Maserati“ наскоро нема да има место за љубителите на класични мотори на бензин. Последниот поздрав компанијата ќе го има наскоро во Гудвуд на фестивалот на брзината. По тој повод „Maserati“ ќе ги претстави „Ghibli 334 Ultima“ и „Levante V8 Ultima“ верзиите, додека „Trofeo“ од производство ќе излезе до крајот на годината. Со тоа „Масерати“ ќе се збогува од „V8“ моторот на „Ferrari“ и ќе продолжи уште некое време го нуди посебниот „Nettuno V6“. Збогувањето со „V8“ е навистина голема работа. Од 1959-та година „Maserati“ оживеал повеќе од 100.000 автомобили со „V8“ мотори. Актуелниот 3.8 V8 twin-turbo дава 580 коњски сили, а од понудата излегува откако „Ferrari“ ја сопре испораката за „Maserati“. Компанијата тажната вест за заминувањето на „V8“ моторот во историјата ја објави во текот „Motor Valley Festivalot“, кој овие денови се одржува во Модена. Прикажале посебни изведби вклучувајќи го уникатниот „GranTurismo Zèda“, но и електричната изведба „Folgore“.

Гостиварец бил киднапиран од пет скопјани, барале да им го препише скапоценото „Масерати“, а потоа следувало вистинска драма

Дарко Андоновски — Thu, 17 Sep 2020 08:02:48 +0000

Пет скопјани се осомничени дека киднапирале гостиварец, го нападнале и присилиле на нотар да потпише лажен купопродажен договор за својот автомобил. СВР Скопје – Единица за насилен криминал поднесе кривична пријава против Р.А.(32), Ј.И.(36), Б.Џ.(27), С.И.(34) и Л.Р.(31), сите од Скопје, поради постоење основи на сомнение дека извршиле кривично дело „грабнување“, казниво по член 141 од Кривичниот законик. МВР соопшти дека на 8 септември околу 22 часот на автопатот Скопје-Тетово, на наплатната рампа кај село Глумово, двајца од пријавените со патничко возило му го пресекле патот на 34 годишниот Б.М. од Гостивар, кој бил со своето патничко возило „масерати“. Потоа им се приклучил уште еден од нив и сите заедно физички го нападнале гостиварецот, по што насилно го внеле во неговото возило и го однеле на автоплац во село Кондово, сопственост на првопријавениот, каде повторно физички го нападнале. „Прво, второ и третопријавениот, поради наводен долг од 20.000 евра, го присилиле оштетениот да влезе во возилото „бмв Х5“ и го однеле во нотарска канцеларија во Тетово, каде го присилиле да направи купопродажен договор за неговото возило „масерати“ да се префрли на име на првопријавениот. После тоа, го однеле оштетениот на бензинска пумпа кај село Желино. По пријавување на настанот, СВР Скопје презеде мерки и бил извршен претрес во домот на првопријавениот, при што со потврда било одземено возилото „бмв Х5“. Од слобода биле лишени второ и третопријавениот, а на разговор била повикана петтопријавената. На 10.09.2020, по претходен распишан распис, сам се пријавил првопријавениот и со него бил извршен разговор, по што бил задржан за понатамошна постапка, а по претрес на две локации во Кондово приведен и С.И.“, соопшти МВР.

Ќе ви се слоши од глетката: Од луксузните „Масерати“ остана само пепел, стотици нови автомобили изгореа во пожар во Италија (ВИДЕО)

Дарко Андоновски — Fri, 02 Nov 2018 09:00:35 +0000

Стотина скапи автомобили „Масерати“ и „Фиат 500Л“ произведени во Крагуевац изгореа во пожар во вторникот на пристаништето Савона во Италија. Како што наведуваат локалните медиуми, пожарот во пристаништето избил во вторникот околу 3 и 30 часот наутро и зафатил стотина нови возила меѓу кои биле автомобили од марката „Масерати“ наменети за пазарот на Блискиот Исток.