Маша – Kurir.mk

Маша од Скопје преку Валенсија тргнува да го освојува светскиот музички пазар: Ова е нејзината нова песна „Voices“ (ВИДЕО)

Дарко Андоновски — Mon, 17 Jan 2022 14:17:16 +0000

Русинката Маша се појави пред неколку години на македонската сцена и по неколкуте одлични песни покажа дека е зрела за крупни чекори. Со оглед на тоа дека за музиката нема граници, младата пејачка од Валенсија, Шпанија започнува да ги прави првите чекори по светскиот музички пат. Ако се прашувате зошто токму од Валенсија, затоа што Маша пред неколку месеци се запиша на реномираниот „Berklee College of Music“ за целосно да се посвети на својата најголема љубов - музиката. „Voices“ е насловот на нејзината најнова песна, но овојпат на англиски јазик. Токму Маша е текстописец на текстот, додека пак на музиката и аранжманот се потпишуваат Панче Касапски, Маша и Лазар Цветкоски. - Морам да кажам дека сум горда на ова што го направивме со тимот. Благодарна сум и на Панче, Лазе, Даниел, бидејќи го добив тоа што одамна го замислував во мојата глава. Се надевам дека песната ќе и се допадне на публиката, до мене веќе пристигнуваат доста позитивни критики. Ова е само мотив за мене да продолжам понатаму и дека сум на вистинскиот пат - вели младата Маша. Се разбира, Маша за „Voices“ сними и видеоспот, а довербата и овојпат му ја даде на добро познатиот Даниел Јовески кој направи одлично ремек-дело. Да не должиме многу, слушнете, погледнете и споделете на вашите социјални мрежи:

Доаѓа нејзиното време: Русинката Маша пее песна на македонски јазик, слушнете ја „Дали ти ќе дознаеш“ (ВИДЕО)

Дарко Андоновски — Tue, 26 Jan 2021 13:43:29 +0000

Македонската музичка сцена и тоа како има потреба од нови имиња кои ќе ја освежат и ќе создадат нешто ново и поинакво од она што сме навикнати да слушаме и гледаме веќе со години. Факт е дека на поп-сцената во нашата земја и недостигаат млади артисти кои ќе донесат еден нов и модерен звук, а токму еден таков артист е младата пејачка Маша. Ако се прашувате од каде ова специфично име, одговорот е во тоа што Маша е Русинка која веќе неколку години живее во нашата земја. Неодамна таа сними песна на македонски јазик со наслов „Дали ти ќе дознаеш“, на која како автор на музиката се потпишува Панче Касапски, односно текст на Огнен Неделковски, а пак аранжманот и миксот се дело на Лазар Цветковски. Несомнено одлична екипа за „влез“ на македонската музичка сцена, а дека е задоволна од новата песна потврди и лично Маша... - Многу сум задоволна од тоа како звучи песната. Искрена да бидам, јас не ги познавам многу луѓето кои работаат музика во Македонија, но по консултација со неколку мои блиски пријатели, решив да изберам да работам со оваа екипа. Исто така не смеам да го заборавам и режисерот, Даниел Јовески, кој направи одличен видеоспот – изјави Маша. И се разбира, прашањето кои многумина би сакале да и го постават: Зошто на македонски јазик, а не на руски? Одоговрот на Маша е следен: - Јас тука живеам, тука се образувам, го научив одлично македонскиот јазик и немав дилеми за тоа дали да пеам на руски или на македонски – вели накусо Маша. Инаку ова е само почеток. Маша планира да биде доста продуктивна кога е во прашање создавањето на новa музика и тоа се разбира, на македонски јазик... А, сега слушнете ја и погледнете го спотот за „Дали ти ќе дознаеш“:

По Снежана, џуџињата и Покемон, од продажба повлечени Маша и Фрозен- биле штетни по здравјето на децата

Катерина Бојаџиева — Wed, 19 Dec 2018 10:59:01 +0000

Црногорската компанија „Ковачи“ соопшти дека од своите продавници ги повлекла од продажба куклите Маша, Фрозен и девојката на Фрозен, затоа што содржеле супстанци кои може да им наштетат на здравјето на децата и да предизвикаат оштетувања на нивните репродуктивни органи. Компанијата ги повикаа граѓаните кои веќе купиле такви играчки, да ги вратат на продажните места, при што ќе им бидат вратени парите. -Ви благодариме на соработката и се извинуваме поради непријатностите што ги предизвикавме, се наведува во соопштението на компанијата, без при тоа да се посочи земјата на потекло на играчките. Штетноста на играчките ја потврди и Здравствено-санитарната инспекција на Црна Гора, која посочи дека продлжува со контроли на продажните места на играчки. Ова не е прв случај на повлекување играчки во Црна Гора, поради нивната штетност по здравјето. Минатиот месец од продажба беа повлечени и новите серии кукли на Покемон, девојчето Меџик и Снежана и седумте џуџињата, кои содржеле супстанца штетна по детското здравје.