машиновозач – Kurir.mk

„ТЕ ЧЕКАМ ДА СЕ ВРАТИШ ДА ГИ ОСТВАРИМЕ СОНИШТАТА“ – сопругата на машиновозачот кој загина во Грција неутешна (ФОТО)

Дарко Андоновски — Fri, 03 Mar 2023 08:10:12 +0000

Сопругата на машиновозачот (28) кој загина вчера во смртоносната железничка несреќа кај Лариса, се огласи на социјалната мрежа „Фејсбук“ неутешна за смртта на нејзиниот сопруг. „Љубов моја, чекам да се вратиш, заедно да ги оствариме нашите соништа, тука сум и те чекам. Чувај ме од горе. Ќе те сакам засекогаш“, напиша таа. Меѓуградскиот патнички воз кој сообраќал од Атина до Солун со голема брзина се судри со товарен воз надвор од градот Лариса во централна Грција. Од ударот настана пожар во дел од патничките вагони, при што најмалку 57 лица загинаа, а десетици се повредени.

Во прекин железничката линија Скопје -Табановце поради недостиг на машиновозачи

Ивона Петрова — Wed, 27 Jul 2022 09:08:37 +0000

Кумановци и жители на соседните села, пред сè Табановце и Романовце, се жалат дека извесен период немаат железнички превоз кон Скопје, а информацијата денеска ја потврдија од ЖРСМ Транспорт АД-Скопје од каде кусо информираа дека проблемот е поради недостиг на машиновозачи. Оттаму најавија решавање на проблемот од август, годинава. Од македонски железници во кусото соопштение информираат дека линијата Скопје – Табановце – Скопје е во прекин. – Линијата Скопје – Табановце е во прекин од 23.06.2022 година поради недостаток на машиновозачи. Правиме напори линијата Скопје – Табановце – Скопје да се нормализира во август 2022 година, кусо информираа од ЖРСМ Транспорт АД – Скопје. Кумановци и жителите на селата кои патуваат за Скопје укажуваат дека имаат и месечни билети и дека ќе бараат поврат на средствата. Тие бараат побрзо решавање на проблемот, бидејќи цената на дневниот билет и повратна карта со воз е поевтина од цената за превоз со автобус.

Железничкиот сообраќај во прекин, бојкот на машиновозачите поради неисплатени плати

Ивона Петрова — Wed, 04 Aug 2021 09:00:42 +0000

Железничкиот сообраќај од вчера е во прекин поради бојкот на машиновозачите. Тие денеска очекуваат да се сретнат со менаџментот на претпријатието со цел да се најде решение за нивните барања. – Сообраќајот сеуште е во прекин. Го чекаме состанокот во 11 часот. Ние сме тука и го чекаме менаџерскиот тим, изјави денеска за МИА Тони Димовски, претставник на машинскиот персонал во Железници на Република Северна Македонија- Транспорт“. Машиновозачите бараат да им биде исплатен вториот дел од платата за јуни, а најавуваат дека до УО на претпријатието и до Министерството за транспорт и врски ќе испратат допис во кој ќе побараат и исплата на надомест за квалитет. Бојкотот започна вчера во 16 часот кога беше стопиран товарниот и патничкиот железнички сообраќај.

Машиновозач забележал машки труп на пругата Велес – Градско

Дарко Андоновски — Sat, 02 Feb 2019 16:50:52 +0000

На пругата Велес – Градско кај железничката станица „Згрополци“ вчера во 18.45 часот машиновозач забележал тело на маж на пругата, информира СВР Велес. Како што појасни портпаролот Верољуб Додевски, по извршeниот увид утврдено е дека се работи за шеесет и двегодишен жител на Велес М.О., а лекар од Итна медицинска помош констатирал смрт без траги на насилство.

Машиновозачот на возот кој преполови автобус кај Ниш преживува кошмар, побарал психијатриска помош

Ивона Петрова — Tue, 25 Dec 2018 07:46:31 +0000

Петмината патници од „автобусот на смртта“ кои починаа откако воз го преполови автобусот кај Ниш, вчера биле погребани, а еден дел од својот живот загуби и младиот машиновозач. Човекот кој управувал со композицијата со судирот со автобусот по трагедијата отворил боледување поради шок и стрес. Како што неофицијално дознава „Блиц“, се работи за помлад човек, на кого состојбата му се влошила по трагедијата и побарал психијатриска помош. Еден од неговите колеги, кој побарал да биде анонимен, во разговор за „Блиц“, вели дека колку и да се машиновозачите во ткот на школувањето подготвени за вакви работи, стресот не може да се изостави. -Кога ќе се одлучиме за овој повик, свесни сме што се може да не чека на пругата. Во овој случај, ќе се осмелам да кажам дека колегата не можел ништо да направи. Страшно е кога одеднаш пред себе ќе видите возило како стои, а уште повеќе кога се работи за полн автобус. Секако дека му е тешко, потресен е, но не можеше ништо да направи, вели за „Блиц“ колегата на машиновозачот. Од „Србија возови“ за „Блиц“ рекле дека вработениот отворил боледување и дека телефонот му е исклучен. -Се надеваме дека ќе биде добро и дека брзо ќе се опорави од шокот и целокупната ситуација. Ви благодариме на разбирањето, кусо одговориле. Колегата на машиновозачот додава дека ретко кога трагедијата може да се спречи и апелира до сите учесници во сообраќајот да бидат внимателни. -На пругите се случуваат лоши работи, од оние кои извршуваат самоубиство, до оние кои страдаат од невнимание. Разбирам и жал ми е за колегата, сите му посакуваме брзо опоравување. А сликите...Сликите секогаш се враќаат, ние машиновозачите мора да живееме со тоа, вели колегата. Во несреќата животот го загубија пет лица, меѓу кои двајца малолетници, додека 27 се повредени. Тројца од повредените се уште се во тешка состојба.