машка кошаркарска репрезентација – Kurir.mk

Кошаркарска лекција од Естонија за Македонија на турнирот во Талин

Бошко Тасиќ — Sun, 13 Aug 2023 18:15:51 +0000

Кошаркарската репрезентација на Македонија го запиша вториот пораз на претквалификацискиот турнир за пласман на Олимписките игри. Во Талин, момците на Александар Јончевски сега беа поразени од домаќинот Естонија со убедливи 83-59. Триер уфрли 14, по 12 имаа Дрел и Раиесте, колку што даде и Војдан Стојановски, а тука беше со поен помалку и Ти Џеј Шортс. Последниот натпревар на овој претквалификациски турнир, Македонија го игра во вторник во 15:00 часот против Чешка.

Андоноски: Имаме план кој што треба да ни донесе успех

Бошко Тасиќ — Fri, 04 Aug 2023 03:59:32 +0000

Македонската машка кошаркрска репрезентација се подготвува за новиот предизвик, а дел од селекцијата е и членот на МЗТ Скопје, Андреј Андоноски. Андоноски е дел од новата генерација кои заедно со заедно со Марко Миловановиќ, Петар Бошалески и Теодор Симиќ треба да донесет свежина, нова крв. -Добиваме шанса за да се покажеме и во сениорскиот тим. Во оваа екипа има, како искусни, така и млади играчи кои што сме желни да се покажеме. И дека доколку добиеме шанса, можеме да направиме успех. Повеќето од нас добро се знаеме. Имаме играно и во некои претходни циклуси од прет-квалификациите. И дека овој период е доволен за да се соединиме. Имаме и некој нов план кој што треба да ни донесе успех, -вели Андоноски. Нашата селекција овој викенд ќе одигра две пријателски средби против Полска во Белград, контроли кои ќе ни покажат до каде сме пред претквалификациите за Олимписките Игри.

Македонските кошаркари во група со Естонија,Чешка и Израел за настап на Олимпијадата во Париз

Бошко Тасиќ — Mon, 01 May 2023 16:54:40 +0000

Македонската машка кошаркарска репрезентација денеска со жрепка во главниот град на Филипини, Манила, ги дозна противниците со кои ќе се соочи во претквалификациите за пласман на Летните олимписките игри (ЛОИ) кои идната година ќе се одржат во Париз. Македонските кошаркарите патот за дебитантски настап на ЛОИ ќе ги стартуваат против Естонија, Чешка и Израел во рамки на претквалификациската група А. ФИБА одлучи претквалификацискиот турнир да се одржи од 12 до 20 август во естонската престолнина Талин.

Вајли: Сакаме и можеме да ја победиме Грузија

Бошко Тасиќ — Tue, 22 Feb 2022 13:52:10 +0000

Машката кошаркарска репрезентација на Македонија ќе патува за Тбилиси каде што за два дена ја очекува дуел против Грузија во рамките на третото коло во квалификациите за Мундобаскетот. Пред патувањето, своите очекувања кратко ги изнесе еден од најдобрите во тимот, Џејкоб Вајли. „Верувам во групата и покрај многуте повреди кои ни го попречија патот. Имаме силен и отпорен тим. Нема да биде лесно, па мора да бидеме најдобри. Сакаме и мислам дека можеме со многу борба да ги добиеме двата натпревари со Грузија“, изјави Вајли. Првата пресметка меѓу Грузија и Македонија ќе се одигра во „Тбилиси спортс палас“ в четврток од 16:00 часот, додека в недела се игра возвратниот дуел во Скопје. foto:gol.mk

Кошаркарите го одработија првиот тренинг во Киев (ФОТОГАЛЕРИЈА)

Бошко Тасиќ — Sun, 28 Nov 2021 20:17:47 +0000

Машката кошаркарската репрезентацијата на Македонија го одработи единствениот тренинг во „Палатата на спортовите“ во Киев во пресрет на дуелот со селекцијата на Украина во рамки на квалификациите за Светското првенство 2023. Македонија на стартот беше поразена од Шпанија, па мечот со Украина е шанса нашите најдобри кошаркари да ја забележат првата победа во овие квалификации.

Багатскис: Не очекува тежок меч со Македонија

Бошко Тасиќ — Sun, 28 Nov 2021 19:22:05 +0000

Кошаркарската репрезентација на Македонија ќе се сретне со Украина во рамките од квалификациите за пласман на Светското првенство 2023 година и втор натпревар во својата група по воведниот пораз од фаворитот Шпанија. Неуспех остварија и Украинците, но селекторот Аинарс Багатскис вели дека неговиот тим нема време да жали за случувањата на првиот натпревар против Грузија. „Немаме време да жалиме за поразот од Грузија. Нè очекува нов тежок меч против Македонија. Се надеваме дека моите кошаркари нема долго време да ги држат главите наведнати. Мора да се вратиме во колосек и да мислиме на опасностите кои ги носи македонската репрезентација. Тоа е шанса да се поправиме за почетниот пораз во квалификациите“, рече литванскиот стручњак. Против украинската репрезентацијата сме одиграле четири меча. Традицијата е на наша страна, со оглед на тоа што победивме на три и загубивме на еден судир. Натпреварот во Киев се игра во понеделник и ќе започне во терминот од 18:00 часот.

Србија шокирана од Белгија

Бошко Тасиќ — Sun, 28 Nov 2021 19:11:44 +0000

Кошаркарската репрезентација на Србија неочекувано зауби на гостувањето кај Белгија со 73:69 во меч од квалификациите за пласман на Светското првенство 2023 година. Србите добро го почнаа мечот и по првата четвртина водеа со 21:13, а веќе во вториот квартал стигнаа и до водство од 36:22. Гостите на полувреме водеа со 12 разлика (41:29). Србите и во третата четвртина постојано имаа контрола на резултатот и во пресрет на последните 10 минути влегоа со предност од 63:54. Кога се очекуваше фаворитот рутински да ја одработи последната четвртина, се случи чудо. Со серија од 12:2, Белгија успеа да поведе со 66:65, а потоа во драматична завршница, при нерешен резултат 69:69, домаќините постигнаа тројка и тоа беше потврда за големиот пресврт. Србите во последната четвртина дадоа само шест поени, а примија дури 19 поени. Белгија стигна до втората победа во групата и има 4 бода, Србија е втора со 3 бода, а вечерва играат Летонија и Словачка кои имаат по еден бод.

OKTA e главен спонзор на машката кошаркарска репрезентација во кOKTA e главен спонзор на машката кошаркарска репрезентација во квалификациите за Светскиот куп 2023

Бошко Тасиќ — Thu, 18 Nov 2021 20:09:26 +0000

ОКТА потпиша нов договор за спонзорство на машката сениорска репрезентација, пред стартот на првата фаза од квалификациите за пласман на Светскиот куп во кошарка (2023 FIBA Basketball World Cup).

Со новиот договор ОКТА го потврди своето долгогодишно партнерство со Кошаркарска Федерација на Северна Македонија (КФСМ), што преку различни активности во континуитет се спроведува изминативе седум години. На официјалното потпишување на договорот беше презентиран и новиот дрес на националната репрезентација со логото на ОКТА.

= Како долгогодишен партнер, ОКТА континуирано ги поддржува сите репрезентативни селекции во рамки на кошаркарската федерацијата. Оваа година, среќни сме на можноста да бидеме главен поддржувачскиот куп. Искрено посакуваме оваа соработка да донесе големи успеси на сениорската репрезентација во претстојните исклучително значајни натпревари, со кошаркарските супер-сили на најдобрата национална машка селекција во главните квалификации за пласман “, изјави Вук Радовиќ, главен извршен директор на ОКТА.

Сениорската репрезентација ги почнува квалификациите за Светскиот куп во кошарка на 26. Ноември 2021 г., со натпревар против актуелниот светски шампиони Шпанија, што ќе се одржи во Скопје.

„Соишувањето на овој нов договор, ОКТА уште еднаш докажува дека е наш верен партнер. Од името на целата федерација сакам да се заблагодарам на ОКТА за нивната целокупна досегашна поддршка, која продолжува и за време на претстојните квалификациски натпревари за Светскиот куп. Ваквиот вид на долгорочна поддршка ни дава дополнителна енергија да ги надминеме сите предизвици со кои се сочуваме. Воедно претставува силен мотив за играчите да го дадат својот максимум во сите претстојни натпревари и одново да креираат нови спортски успеси и приказни кои долго ќе се паметат и прераскажуваат“,истакна претседателот на КФСМ, Перо Антиќ.

Бајиќ: Не ја гледам разликата, најважни ми се победите

Бошко Тасиќ — Mon, 16 Aug 2021 20:04:50 +0000

Селекторот на машката кошаркарската репрезентација на Македонија, Драган Бајиќ, по победата над Швајцарија (61-67) даде свој коментар за пласмананот во квалификациите за Светското првенство (СП) кое ќе се игра во 2023 година. „Морам да им честитам на момците, одговорија на задачите кои ги поставив за мечот. Морам да бидам презадоволен од тоа прво полувреме и од самиот меч во кој противникот го спуштивме на 60 поени. Нервозата се јави во вториот дел, но таа е сосема нормална во вакви важни натпревари. Не ја гледам разликата, најважна е победата. Овие кошаркари покажуваат напредок од меч во меч и сигурно е дека ова ќе биде една сјајна екипа во следниот период. Публиката беше голем ветер во грбот за нас. Во последните две минути момците покажаа карактер. Се фрлаа на паркетот, имаа контрола на скокот и во одбраната. Тие се виновни за овој резултат кој го имаме. Ни останува уште еден натпревар до крајот, се надевам дека и тој ќе го победиме. Кога говорам за трите натпревари кои ги одигравме досега, задоволен сум од одбраната. Мора да бидеме свесни за квалитетот на тимот кој го имаме во моментов. На пример, на плејмејкерската позиција го имаме младиот Николов кој немаше ни 45 минути во МЗТ, а доби голема улога да игра натпревари за репрезентацијата. Се трудам тој да напредува и работам со него, тој е одличен играч. Напаѓачки, треба да ги поправиме работите, вечерва беше многу подобро во однос на оној прв меч со Швајцарија. Знаевме да ги казниме сите грешки. Но, не смееме да имаме таква нервоза додека играме важен меч, посебно кај некои играчи кои се поискусни“, изјави Бајиќ.

Македонија убедлива против Словачка за прв триумф во претквалификациите

Бошко Тасиќ — Sat, 14 Aug 2021 19:11:41 +0000

Македонија ја забележа првата победа во претквалификациите за Светското првенство, „црвено-жолтите" вечерва забележа убедлива победа над Словачка од 69-47. По поразот од Швајцарија на стартот, избраниците на Драган Бајиќ вечерва се рехабилитираа со висок триумф над Словачка.

Македонија одлично го отвори натпреварот, првата четвртина ја доби со 22-10, а на стартот од вторите десет минути, стигна и до +19 (34-15). Словачка сепак не се предаде, до крајот на полувремето намали на 11 негатива (35-24), а во третата четвртина успеа целосно да се врати во игра и да се доближија на само -4 (46-42).

Сепак, „црвено-жолтите“ блеснаа во завршните 10 минути, направија серија од 20-0, противникот првите поени ги реализираше дури по седум минути игра, па на крајот Македонија славеше со убедливи 69-47.

Бојан Трајковски со 16 поени и осум скокови беше најдобар поединец во редовите на Македонија, двоцифрен учиник уште забежаа Џејкоб Вајли (12 поени), Адем Мекиќ (12 поени, Бојан Крстевски (10 поени) и Кристијан Николов (10 поени).

Со ова беше ставен крај на првиот круг од турнирот по кој трите селекции имаат по една победа, но првото место засега е за нашата репрезентација со оглед на подобрата кош-разлика.