машка одбојкарска репрезентација – Kurir.mk

Ѓорѓиев: Од ден во ден сме се подобри, горд сум на момците

Бошко Тасиќ — Tue, 08 Aug 2023 04:21:10 +0000

Капитенот на машката одбојкарска репрезентација Никола Ѓорѓиев не го криеше задоволството од прикажаното на теренот. Зад одбојкарската репрезентација се два добри натпревари во подготовките за Европското првенство од 30. август до 6. септември на кое коорганизатор ќе биде и Македонија. „Третиот микроциклус е завршен со два натпревари против Романија. Првиот многу потежок бидејќи беше со контри и различни тешки топка каде што поените траеа многу подолго и не исцрли за разлика од вториот кој беше вистински натпревар. Одигравме два одлични натпревара и многу сум среќен со квалитетот кој го поседуваме во овој момент. Сигурно дека сме далеку од формата која ја сакаме, меѓутоа од ден на ден како што кажа и селекторот ќе бидеме се подобри и подобри. Здравје Боже да бидеме здрави. Имаме ден пауза па продолжуваме со пријателските натпревари. Можам да кажам од капитенска гледна точка дека се оди десет, горд сум на момците за ова што го одработивме не само овие два натпревари туку целите три недели. Се надевам дека така ќе продолжиме и во останатите три микроциклуси и ќе истрчаме максимално подготвени за победа против Данска“, изјави капитенот.

Триумф на македонските одбојкари во Златната одбојкарска лига

Бошко Тасиќ — Sun, 04 Jun 2023 06:46:59 +0000

Македонските одбојкари во драматичен меч ја остварија втората победа во Златната европска лига откако со 3-2 ја совладаа селекцијата на Хрватска. Нашата репрезентација одлично го започна мечот, а првиот сет заврши во наша корист со 25-17, а откако избраниците на Јошко Миленкоски го добија и вториот со 25-22 поведовме со 2-0 во сетови. Но, потоа хрватските одбојкарски репрезентативци го подигнаа нивото на играта, и возвратија со 25:22 во третиот сет, а го добија и драматичниот четврти сет со 31:29. И во петтиот решавачки сет се водеше голема борба, кој го добивме со 16-14, со што победивме со 3-2.Никола Ѓорѓиев со 30 поени беше нашиот најдобар поединец на мечот, одличен беше и Љафтов со 15 поени.

Двајца одбојкари на нашата репрезентација се во изолација

Бошко Тасиќ — Sat, 04 Sep 2021 06:47:08 +0000

Македонската машка одбојкарска репрезентација загуби во три сета од Холандија, а по натпреварот, на јавниот национален сервис се сподели информација дека двајца репрезентативци се во изолација. На мечот против „лалињата“ македонскиот ростер беше пократок за Васе Михаилов и Стојан Илиев. Двајцата се во изолација и се чекаат корона-тестовите, па по нив ќе биде појасно каква ќе биде нивната судбина на ова ЕП. Нашата репрезентација на стартот доживеа два порази, а покрај од Холандија загуби и од Финска. Следниот дуел е в недела од 13:00 часот против репрезентацијата на Турција.

Тестовите негативни: Одбојкарите комплетни патуваат за Финска

Бошко Тасиќ — Sat, 28 Aug 2021 15:07:35 +0000

Maкедонската одбојкарска репрезентација нема да има проблеми и во комплетен состав заминува за Финска каде што ќе настапи на Европското првенство. Утрово беа направени ПЦР тестовите и на задоволство сите беа негативни, па така комплетни ќе патуваат на ЕП. Денес пред тргнувањето беше одработен и последниот тренинг. На ЕП ќе играме во група со домаќинот Финска, Русија, Шпанија, Турција и Холандија. Групата е тешка, но сега имаме поголемо искуство од дебитантскиот настап пред две години.Европското првенство стартува на 1. септември.

Николиќ: Имаме желби и дострели кои сакаме да ги достигнеме

Бошко Тасиќ — Sat, 28 Aug 2021 07:00:26 +0000

Селекторот на македонската одбојкарска репрезентација, Душко Николиќ зборуваше за медиумите во пресрет на заминувањето за Тампере. Нашата репрезентација ги заврши подготовките во Скопје и истите ќе ги продолжи во Финска, во пресрет на првиот натпревар пред четири дена. Селекторот е оптимист, иако не сакаше да зборува за очекувањата, најави борба на секој натпревар. „Се надеваме дека сме подготвени. Имавме доволно време за припреми и сметам дека го искористивме на добар начин. За жал, не ги исполнивме сите зацртани планови, бидејќи сакавме да играме уште неколку тестови, но поради ковид-проблемите не успеавме. Не можам да предвидам како ќе ја завршиме групата, зависи од многу фактори. Зависи од противниците, расположението на нашите играчи, но најважно е сите да бидат здрави. Се подготвувавме, имаме желби и дострели кои сакаме да ги достигнеме, знаеме со кои ривали да ја бараме шансата. Во групата има изразити фаворити, но ние никому не му признаваме додека не нè победи на теренот“, започна селекторот. Мора да одиме од меч во меч и да бараме шанса за место во осминафиналето. Сите кои ја следат репрезентацијата ги знаат предностите и слабостите. Финска игра борбено и брзо, можеби и пребрзо на моменти. Сепак, брзата игра ја намалува прецизноста и точноста. На наша несреќа, имаат двајца добри техничари кои одлично ја водат селекцијата, Тервапорти кој е европска класа и Мико Еско кој се врати во репрезентацијата. Во однос на тимот од пред две години, добија млад примач чие време треба да дојде, а станатите играа против нас пред две години. Јас сметам дека претходното првенство со Финска не го отворивме на нивото на кое можевме и тука ќе барам да се подобриме и да ги надополниме ситните детали“, заврши Николиќ. Првата пресметка на второто Европско првенство за Македонија е закажана за први септември против домаќинот Финска, со почеток од 18:00 часот.