машка ракометна репрезентација – Kurir.mk

Лазаров: Во репрезентацијата вратата секогаш е отворена за Стоилов!

Бошко Тасиќ — Mon, 30 Oct 2023 17:58:23 +0000

Македонскатамашка ракометна репрезентација го имаше првиот собир за ЕХФ-неделата во која ќе одигра два натпревари против Грција. Селекторот Кире Лазаров ги кажа своите очекувања и одговори на шпекулациите дека Стојанче Стоилов ќе се приклучи во неговиот стручен штаб. „Стоилов секогаш има отворена врата. Јас разговарав со него, тој во моментов има обврски во Вардар. За него секогаш е отворена вратата во репрезентацијата“, кажа Лазаров. Да потсетиме, Стоилов во 2022 година ја заврши репрезентативната кариера.

Филип Кузмановски на прегледи во Германија

Бошко Тасиќ — Mon, 01 May 2023 16:59:41 +0000

Македонскиот ракометен репрезентативец Филип Кузмановски не го заврши последниот квалификациски меч и заедно со своите соиграчи од репрезентацијата да го прослави пласманот на Европското првенство 2024. Во 22. минута беше изнесен од теренот на носилка откако незгодно доскокна и го превитка скочниот зглоб по што беше изнесен на носилки од салата. Кузмановски веќе е во Германија каде ќе му бидат извршени дополнителни лекарски прегледи по кои ќе биде познато колку време ќе треба да паузира и секако за каква повреда станува збор.

Георгиевски: Во мислите ми беше само со победа да ја завршам репрезентативната кариера

Бошко Тасиќ — Sun, 30 Apr 2023 18:51:01 +0000

Гоце Георгиевски беше во центарот на вниманието на денешниот квалификациски меч со Турција, последен натпревар во фантастичната репрезентативна кариера на десното крило на Вардар. Тој пред дуелот доби пригоден подарок од претседателот на РФМ, Живко Мукаетов, по мечот се најде во воздух на рацете на соиграчите, а во изјавата за медиумите откри дека чувствувал голем притисок да се прости со победа од националниот тим. „Беше тешко, некако бев емотивно испразнет, а во мислите ми беше само со победа да завршиме, триумфално да ја завршам репрезентативната кариера. Некако чувствував голем притисок, но на крај се излезе како што требаше. Среќен сум што вака заврши и испадна, со победа да се простам од дресот на националниот тим. Беше тежок меч, а очекувавме вакво нешто, зашто Турција е добра селекција. Ја бркавме таа негатива од почетокот на вториот дел и мислам дека последните 10 минути одигравме подобро во одбрана, во напад исто така, Митев даде доста важни голови. Среќен сум што завршивме со победа и што триумфално го заверивме овој пласман на ЕП“, изјави Гоце Георгиевски.

Миркуловски: Има само еден победник-македонскиот народ кој покажа големо срце

Бошко Тасиќ — Wed, 04 Jan 2023 06:08:48 +0000

Дел од од спектакл сосема очекувано беше Филип Миркуловски во свој стил порача дека има само еден победник-народот кој покажа големо срце. -Некој да ми кажуваше дека ќе се случи ваков натпревар, организиран и да изгледа вака добро, немаше да му верувам. На крајот ќе има еден победник, македонскиот народ кој покажа големо срце, ја исполни салата за до последно место за да бидат донирани средства на оние на кои им се многу потребни, децата од СОС Детското село, -истакна популарниот Жути кој сега е дел од стручниот штаб на германскиот бундеслигаш Вецлар.

ИХФ го потврди распоредот, познати новите саатници за Македонија на СП

Бошко Тасиќ — Tue, 01 Nov 2022 06:19:03 +0000

Светската ракометна куќа (ИХФ) ги потврди промените во саатниците за претстојниот Мундијал. Иако Македонија требаше да настапи само во главниот вечерен термин, тоа нема да биде така, па предност добија домаќините и најквалитетните селекции на светот. Македонија ќе тргне против Норвешка во „Таурон Арена“ во Полска, на 13 јануари во терминот од 20:30 часот. Тоа е единствен термин кој остана непроменет, бидејќи дуелите со Холандија на 15 јануари и Аргентина на 17 јануари се закажани во 18:00 часот. Термините не менуваат премногу, па така Македонија ќе има само два ипол часа помалку за подготовка меѓу првите два натпревари. Групата е тешка, една победа веројатно води понатаму, меѓутоа нема да биде лесно против силните и квалитетни ривали. Мундијалот кој се одржува во Полска и Шведска стартува на 11 јануари со пресметката меѓу Полјаците и Французите. Групната фаза се игра до 17, а главната фаза од 18. до 23. јануари. Големото финале е закажано за 29. јануари во Стокхолм.

Талески: Време е младината да ја преземе репрезентацијата

Бошко Тасиќ — Tue, 11 Oct 2022 07:08:42 +0000

Репрезентативниот бек Филип Талески пред стартот на квалификациите за ЕП изјави дека е време е младите да ја преземат репрезентацијата и верува во оваа група на ракометари дека може да го продолжи континуитетот на настапи на големите натпреварувања. „Нов циклус, но идејата и целите се исти. Без разлика на тоа кој е во составот и на списокот, мислам дека заслужуваме да бидеме на големи натпреварувања. Имаме група каде што може да го оствариме тоа што ни е зацртано, а тоа е да бидеме повторно на Европско првенство. Има многу измени во составот, ги нема повеќе Стоилов и Миркуловски кои беа предводници и мотиватори, но сега дојде време кога младината треба да преземе сe. Мислам дека во последните месеци покажавме дека може да го носиме тој товар на нашиот грб. Можам да кажам дека ракометарите на Алкалоид, каде што Лазаров е тренер, играат еден динамичен ракомет и мислам дека сите играчи сме подготвени физички за предизвиците. Ќе треба да се договори тактиката и мислам дека ќе може да играме квалитетен ракомет. Во денешниот ракомет нема фаворити, сите играат ракомет и може да се случат изненадувања. Треба да бидеме фокусирани и да ги одработиме нашите задачи, па тоа ќе ни помогне. Сакаме да одиме на две победи во овој циклус за потоа да бидеме подготвени за дуелот против Португалија“, изјави Талески.

Турција ја чека Македонија во град близу границата со Иран

Бошко Тасиќ — Sat, 16 Jul 2022 07:12:24 +0000

Од октомври стартуваат квалификациите за Европското првенство 2024 година во Германија, а машката селекција на Македонија ќе се соочи со Турција, Луксембург и Португалија. Квалификациите ќе ги почнеме со Луксембург на домашен терен, на 12 или 13 октомври, додека вториот меч, Македонија ќе го игра на гостински терен кај Турција на 16 октомври во градот Ван. Помалку изненадува изборот на турската федерација за одигрување на квалификациски меч во град каде што ракометот не е популарен. Домашните натпревари селекцијата на Турција, барем оние во последно време, најчесто ги играше во Ескишехир.

МИ: Македонија ја совлада Турција

Бошко Тасиќ — Fri, 01 Jul 2022 21:36:44 +0000

Денеска во четвртиот натпревар од групата „Б“ македонската репрезентација триумфираше над Турција со 31:22 за втора победа на Медитеранските игри во Оран. Најефикасен во нашата селекција беше Петковски со 11 голови, по четири имаа Атанасијевиќ и Ѓоргиев. Важни бодови за избраниците на селекторот Кирил Лазаров кои ќе обезбедат место во полуфиналето, доколку Шпанија в сабота го совлада и домаќинот Алжир. На табелата води Шпанија со девет бодови, пред Македонија која има седум, а исто толку има и Алжир на третата позиција. Доколку Алжирците излезат како непоразени против „црвената фурија“, тогаш нашите ракометари ќе играат за петтото место на МИ. Македонија доколку биде второпласира во полуфиналето ќе ги одмери силите против Египет.

МИ: Македонија промаши пенал за победа против Алжир во последните секунди

Бошко Тасиќ — Tue, 28 Jun 2022 19:16:02 +0000

Ракометната репрезентација на Македонија пропушти голема шанса да го совлада домаќинот Алжир, мечот заврши 24-24, а ние имавме пенал во последните секунди но Џонов не го реализираше. По убедливата победа над Грција, малку фалеше македонските ракометари да дојдат до триумф и над Алжир, за жал шансата која ја имавме пред самиот крај, ја пропуштивме. Натпреварот беше неизвесен во целиот тек, но и двете репрезентации имаа свои периоди. Првото полувреме заврши 15-15. Во вториот дел Алжирците отворија со 3-0 и поведоа со 18-15, но потоа застанаа. Македонија за некое време дојде до водство од три разлика 22-19. Репрезентациите продолжија да си ги менуваат периодите, па Алжир со серија од 5-0, дојде до предност од 24-22. Следуваа два гола на Македонија и напад за победа. На секунди до крајот имавме пенал, но Џонов не го реализираше и мечот заврши 24-24.

Селекторот Кирил Лазаров го скрaти списокот со 18 ракометари за дуелот со Чешка

Бошко Тасиќ — Tue, 12 Apr 2022 15:12:51 +0000

Селекторот и капитен на македонската ракометна репрезентација, Кире Лазаров, го скрои конечниот список на играчи со кои ќе патува во Злин, за утрешната пресметка против селекцијата на Чешка. Од 23-те имиња кои се најдоа на проширениот список, Лазаров уште еднаш го прекрои и ги избра 18-те ракометари со кои ќе патува Македонија на ова гостување. Во 18-те кои ќе патуваат за Чешка, место има и за дебитантот Петар Атанасиевиќ, инаку ракометар на Еурофарм Пелистер 2, кој е опција за Ненанд Костески, кој е повреден. Од списокот дополнително отпаднаа Марко Кизиќ, Дарко Кондев, Марко Стојковиќ и Павле Атанасиевиќ. Мечот против Чешка ќе се игра утре со почеток од 20:15.