масимилијано алегри – Kurir.mk

Алегри: Медиумите го претворија Јувентус од ривал на Интер за Скудетото во губитник

Ивона Петрова — Wed, 27 Sep 2023 08:22:24 +0000

Тренерот на Јувентус, Масимилијано Алегри побара покоректен однос од медиумите кон неговиот тим кои изминатиот период често го критикуваа. - Во последните неколку дена од ривали на Интер за Скудето преминавме во аутсајдери, така што треба малку да се избалансира начинот на кој се зборува за нас. Не сакам да кријам дека Интер, Милан и Наполи имаат повеќе ресурси од нас за да ја освојат титулата. Имаме многу играчи без големо искуство, но тие можат да растат. Потребно е трпение и време за да се разберат грешките и да се учи од нив, рече Алегри. Јувентус синоќа го победи Лече со 1:0 во натпреварот од 6. коло на Серија А. - Беше важно да се победи, особено по хаотичниот пораз од Сасуоло со 2:4. Бевмесигурни против Лече и не дозволивме да бидеме изненадени, изјави, изјави Алегри за „Football Italia“. Јувентус е на второто место во Серија А. Во следното коло торинскиот тим на 1 октомври гостува кај Аталанта.

Спинели: Алегри ќе го напушти Јувентус

Ивона Петрова — Tue, 22 Aug 2023 17:42:36 +0000

Поранешниот претседател на Ливорно, Алдо Спинели и пријател на главниот тренер на Јувентус, Масимилијано Алегри зборуваше за иднината на фудбалскиот стручњак. - Тој сака да се „извади“ по многу тешка година и на крајот на сезоната ќе замине во Саудиска Арабија, Америка или каде и да е потребно. Летово доби понуди, но секогаш беше решен да остане за да ја докаже својата вредност. Фудбалот стана комплексен, понудените суми не се споредуваат. Само англиските тимови можат да се натпреваруваат со Саудијците и Американците, изјави Спинели за „Football Italia“. Во летото 2023 година, Ал Хилал му понуди на Алегри договор со плата од 30 милиони евра годишно. Педест и шестгодишниот Алегри се врати во Јувентус во мај 2021 година и потпиша договор до крајот на јуни 2025 година. Пред тоа, специјалистот веќе работеше во клубот од јули 2014 до јуни 2019 година. Минатата сезона Јувентус го зазеде седмото место во италијанскиот шампионат со 62 поени на 38 натпревари.

Алегри: Наша цел е враќање во Лигата на шампионите

Ивона Петрова — Mon, 24 Jul 2023 06:08:05 +0000

Тренерот на Јувентус, Масимилијано Алегри зборуваше за целите на „Старата дама“ во новата сезона. - Треба да се стремиме да се вратиме во Лигата на шампионите – тоа е нашата цел. Играњето во најелитното фудбалско натпреварување е многу важно за нас и за приходите на клубот. Имаме многу млади играчи кои се покажаа добро минатата сезона, но можеме да очекуваме тие да направат уште еден чекор. Сега треба да останеме фокусирани за најдобар почеток во Серија А, изјави Алегри за „La Gazzetta dello Sport“. Во мај оваа година на Јувентус му беа одземени 10 бода во италијанското првенство. Тимот заврши на седмото место во поредокот на крајот од сезоната. Јувентус прв пат по 12 години нема да игра во Лигата на шампионите на УЕФА.

Ал Хилал му нуди 40 милиони евра на Алегри

Ивона Петрова — Sun, 25 Jun 2023 15:56:07 +0000

Саудискиот прволигаш Ал Хилал покажува голем интерес за италијанскиот фудбалски стратег Масимилијано Алегри. Откако стратегот на Јувентус ја одби првата понуда, Саудијците го зголемиле износот. Како што јави Раи Спорт, Алегри со претставниците на Ал Хилал остварил средба во Монте Карло каде му бил понуден тригодишен договор вреден 30 милиони евра, плус бонус од 10 милиони евра веднаш по потпишување на договорот. Засега не е познато како 55 – годишниот италијански тренер одговорил на последната понуда на Ал Хилал. Саудискиот клуб досега го предводеше Аргентинецот Рамон Дијаз.

Алегри доби неверојатна понуда и ќе го напушти Јувентус

Бошко Тасиќ — Sat, 10 Jun 2023 08:12:25 +0000

Италијанскиот весник „Газета дело Спорт“ излезе со информација дека италијанскиот фудбалски стратег добил атрактивна понуда од клуб од Саудиска Арабија и би можел да се пресели во азиската земја, каде договор веќе имаат Кристијано Роналдо и Карим Бензема. Според овој медиум, викендов Алегри ќе има средба со претставниците на неименуваниот клуб во Монте Карло и таму ќе му биде претставена понудата и целиот проект, по што Макс ќе треба да даде одговор дали би ја прифатил. Се чини дека Јувентус не може да си дозволи да го отпушти Алегри додека има договор, но нема да се противи на разделба на барање на тренерот, а во тој случај во игра се неколку потенцијални наследници. Самиот Алегри досега уверуваше дека не планира да замине, но медиумите пренесоа и изјави од негови блиски соработници на кои им признал дека е исцрпен од проблематичната сезона, во која во клубот најмногу се зборуваше за казни. Медиумите ги споменуваат Игор Тудор и Антонио Конте кои се без ангажман, додека фановите никогаш не го забораваат и Зинедин Зидан, кој исто така во моментов е без обврски кон некој клуб.

Тројца фудбалери на Јуве незадоволни од Алегри

Бошко Тасиќ — Sun, 21 May 2023 05:23:48 +0000

Тројца фудбалери на Јувентус беа многу незадоволни од тактиката што ја подготви Масимилијано Алегри за натпреварот против Севиља. Имено, Јувентус по продолженијата доживеа елиминација во полуфиналето на Лига Европа и остана без можност да се бори за трофејот во ова натпреварување. Италијанските медиуми објавија дека тројца фудбалери биле многу незадоволни од тактиката што ја постави Алегри за овој натпревар. Станува збор за Хуан Квадрадо, Анхел ди Марија, и Федерико Киеза, кои се шокирани од елиминацијата од Лига Европа. Иднината на овие тројца играчи е под знак прашалник откако решија да му се спротивстават на тренерот кој има свој начин на игра. Договорот на Квадрадо истекува ова лето и мали се шансите да остане во тимот, а италијанските медиуми тврдат дека едвај чека да замине. Договорот на Киеза трае до 2025 година, но тој е под знак прашалник, не само поради коментарите кои ги даде, но и поради честите проблеми со повредите.

Алегри: Кога сте толку блиску до целта, сакате да стигнете до неа

Дарко Андоновски — Thu, 18 May 2023 10:18:57 +0000

Тренерот на Јувентус, Масимилијано Алегри ги сподели своите очекувања од реваншот од полуфиналето во Лигата на Европа против Севилја. - Кога сте толку блиску до целта, сакате брзо да стигнете до неа, но треба да останете смирени. Играчите покажаа дека го разбираат ова. Направивме многу за да стигнеме до оваа фаза, а вечер ќе имаме можност да заработиме билет за Будимпешта и да стигнеме до уште едно финале. Севилја е силен тим кој одигра добро во Торино. Примениот гол малку не вознемири, но во вториот дел се подобривме. Знаеме дека Севилја ќе биде поддржана од своите навивачи, но ние ќе бидеме подготвени на се, изјави Алегри. Првиот натпревар се одржа во Торино и заврши нерешено (1:1). Реваншот ќе се игра вечер од 21 часот на теренот на шпанскиот претставник.

Алегри не брза да се радува на влегувањето на Јувентус во зоната на Лигата на шампионите

Ивана Ефремовски — Sun, 07 May 2023 14:53:10 +0000

Тренерот на Јувентус, Масимилијано Алегри, откако ја совлада Аталанта (2:0) во натпреварот од 34. коло на Премиер лигата, изјави дека е рано да се радуваме на Лигата на шампионите. - Дали е завршена борбата за Лигата на шампионите? Не, има уште многу натпревари и многу бодови пред нас. Победите на миланските тимови не ни даваат простор за опуштање, изјави Алегри. Јувентус со 66 бода поени и се искачи на второто место во Серија А. Трет е Лацио со два бода помалку. Потоа следуваат Интер (63 бода) и Милан (61). Шампионскиот трофеј веќе го обезбеди Наполи. (МИА)

Алегри за ремито со Интер: Реален резултат, реваншот ќе биде решавачки

Ивона Петрова — Wed, 05 Apr 2023 06:25:58 +0000

Тренерот на Јувентус, Масимилијано Алегри смета дека нерешените 1:1 со Интер во првиот натпревар од полуфиналето на Купот на Италија се реален резултат. Јувентус поведе во 83.минута преку Квадрадо, изедначи Ромелу Лукаку од пенал во 90+5. минута. Прославувајќи, го голот тој покажа гест со кој ги повика навивачите на противникот да бидат тивки. После тоа настана конфликт меѓу екипите, по што Белгиецот доби втор жолт картон на овој натпревар. По последниот судиски свиреж играчите повторно почнаа да се расправаат. Судијата Давиде Маса им покажа црвени картони на дефанзивецот на Јувентус, Хуан Квадрадо и на голманот на Интер, Самир Хандановиќ. - Не знам што се случи таму, бидејќи отидов во просторијата под трибината по последниот судиски свиреж. Малку хаос на крајот. Знаевме дека ќе биде тешко. Интер имаше тежок период, но останаа присебни. Натпреварот заврши како што заврши. Беше малку досадно но нерешениот резултат е фер резултат. Знаеме дека реваншот ќе биде решавачки, но гол на 20 секунди пред крајот на натпреварот можеше да се избегне, изјави Масимилијано Алегри. Другата полуфинална двојка е Кремонезе – Фиорентина.

Алегри збесна на сугестијата од студиото на „Скај“: Ме полудувате со тие глупости

Ристе Здравков — Fri, 17 Feb 2023 10:00:09 +0000

Јувентус не успеа да го победи Нант на домашен терен и ќе има потешка задача во обидот да обезбеди пласман во следната фаза на Лига Европа. Домаќините не искористија многу шанси, на крајот не добија ниту пенал по ВАР проверката, а на крајот Макс Алегри се налутил и на стручните коментатори во студиото на „Скај Спорт“. Од нивна страна било сугерирано дека идејата на Алегри се базира на победа од 1:0, што го разбеснило тренерот на „бјанконерите“. – Никогаш не сум рекол дека сакам да победуваме со 1:0, ме полудувате со вакви глупости. – Не е точно дека сакам да победуваме на таков начин, се работи за клише, треба само да ја погледнете статистиката на моите тимови кои постигнувале по 80 голови по сезона. – Нема поента да се жалиме поради резултатот или некоја судиска одлука. Ќе мора да одиграме подобро на реваншот и да го заработиме пласманот во Франција, – изјавил Алегри.