маска за лице – Kurir.mk

Хали Бери ја откри тајната за нејзиното убаво лице: ОВАА маска може секоја од вас да ја направи дома

Ивана Ефремовски — Tue, 20 Dec 2022 14:17:14 +0000

Актерката Хали Бери често објавува фотографии на Инстаграм во нејзиниот природен изглед. Мажите и жените ширум светот се воодушевени од изгледот на оваа убавица. Не е тајна дека напорно тренира, се грижи за исхраната, секако, а сега на Инстаграм сподели рецепт за маска за лице што секој може да ја направи. Потребни ви се само четири едноставни состојки и околу 15 минути време, а резултатите се одлични, барем ако и се верува на прекрасната Хали. Таа тврди дека оваа маска ја осветлува кожата, ги намалува брчките и го промовира природниот сјај на кожата. Потребни состојки: 1/4 чаша јогурт (грчки или друг погуст), прстофат куркума, половина лажичка сок од лимон, две лажици зелен чај (сварен). Подготовка и употреба: Измешајте ги сите состојки. Нанесете половина од смесата на лицето и оставете да отстои 3 минути. Потоа нанесете го остатокот од маската и оставете да делува уште 10 минути. Исплакнете го лицето со ладна вода и нанесете ја хидратантната крема што вообичаено ја користите.

Домашна маска за вашата кожа: Ви требаат 3 состојки и помалку од 30 минути

Ивана Ефремовски — Fri, 02 Sep 2022 19:47:47 +0000

Факт е дека маските за лице што ги правиме дома често се инфериорни во однос на оние во салоните, но во исто време тие се понежни и со редовна употреба можат целосно да ја трансформираат кожата. Покрај тоа, ако немате време и пари за посета на салон, сѐ што ви треба за домашна маска е околу 30 минути од вашето време, а истовремено можете да извршувате и други задачи. Маска за лице од банана Дали знаевте дека обичната банана може да биде природна замена за ботокс? Оваа маска е погодна за сите типови на кожа. Ја навлажнува и негува и не ја прави кожата мрсна. Наједноставниот начин да ја направите е да ја измешате бананата во каша со вилушка или во блендер. Во бананата додадете малку природен јогурт и 2 лажици мед. Нанесете ја маската на лицето, вратот и деколтето и почекајте 10 до 20 минути. После тоа, исплакнете ја маската за лице од банана под ладна вода.

Маска за лице со кокосово масло и мед за блескава и здрава кожа

Магдалена Андонова — Fri, 19 Aug 2022 07:26:14 +0000

Ако сте скептични околу ставањето мед и кокосово масло по целото лице - не грижете се, бевме и ние. Но, оваа маска убедува дека никогаш повеќе не треба да се сомневаме во моќта на комбинирањето на ова корисно масло и мед. Маските за лице се корисни бидејќи обезбедуваат концентрирани хранливи материи за кожата. Тие обично се направени со една хранлива материја, како глина или мед, или комбинација на состојки во зависност од потребите на вашата кожа. Додека суровиот мед служи како засладувач во кујната, тој исто така може да биде неверојатен за вашата кожа кога се меша со кокосово масло и се нанесува локално. Медот е хигроскопски, што значи дека ги апсорбира молекулите на водата од воздухот и ја задржува влагата. Исто така, има силни антибактериски, антивирусни и антигабични својства, што го прави одличен за кожа склона кон акни и други воспалителни состојби. Накратко, бидејќи медот има навлажнувачки, антимикробни и регенеративни својства, одлично е да се користи како домашна маска за лице.Тој исто така може да помогне во подобрување на различни кожни состојби, што го прави одличен за сите типови на кожа. Состојки: -2 лажици кокосово масло -1.5 лажичка мед -1 до 2 капки есенцијално масло од лаванда Инструкции: Измешајте суров мед со кокосово масло и есенцијално масло од лаванда (по избор) со мешање со чепкалка за заби или мала лажица. Ако смесата е премногу течна, ставете ја во фрижидер пет до 10 минути. Кога малку ќе се стегне, извадете го од фрижидер и изматете го со лажица. Откако ќе ја исчистите кожата, нанесете ја маската со прстите со мали кружни движења и оставете ја да делува 10-15 минути. После тоа, измијте го лицето со млака вода. Оваа маска можете да ја нанесувате два до три пати неделно.

ДЕТОКСИКАЦИЈА НА ЛИЦЕ ЗА САМО 5 МИНУТИ: Се што ви треба се неколку природни состојки за неверојатни резултати

Магдалена Андонова — Mon, 11 Jul 2022 14:24:25 +0000

Маска за извлекување на токсини Оваа маска лесно се прави, а доколку ви се случи да ви остане, можете да ја чувате во затворен сад. - Глината има моќ да ја прочистува и детоксицира кожата. Зелената глина е најдобриот избор за апсорпција на токсините и нечистотиите од кожата. Се бори против акните, го регулира лачењето на себум, ја матира кожата и и помага на кожата побрзо да зарасне раните. Добар е и за косата, поточно е природен лек против првут. Од оваа количина ќе имате маска за 5-8 употреби, а ви треба: 2 полни лажици зелена глина 2 ½ лажици маслиново масло 3 капки есенцијално масло од чајно дрво 1 капка есенцијално масло од лаванда Подготовка: Сите состојки измешајте ги со лажица. Нанесете ја маската рамномерно на чисто лице, во тенок слој. Измијте се по 20 минути.

ДЕЛУВА ПОЈАКО ОД БОТОКС: Оваа маска за лице може да ја подготвите сами, потребни ви се само три состојки

Магдалена Андонова — Sat, 29 Jan 2022 18:37:44 +0000

Младешкиот изглед е она кон што се стремат сите жени, а добрата вест е дека не ви се потребни скапи третмани за да постигнете совршени резултати дома. Сите дерматолози едногласно се согласуваат, но истражувањата покажаа и дека куркумата е многу моќен сојузник на затегнатото лице. Од овој зачин можете да направите квалитетна домашна маска за само неколку минути. Еве како: Потребни состојки: Половина лажичка куркума 1 лажичка јогурт Половина лажичка кокосово масло (може и друго масло, маслиново, арганово...) Подготовка: Измешајте ги сите состојки и нанесете на исчистено лице. Оставете ја маската да делува 30 минути и потоа исплакнете. Треба добро да го измиете лицето со топла вода, тоник или сапун. Еве што велат дермаролозите, зошто куркумата е добра за лицето и како делува: Куркумата одамна е ценет зачин и долго време неговата употреба не е ограничена само на подготовка на храна. Богат е со антиоксиданси и антибактериски својства, поради што е одличен за кожата. Куркумата штити од УВ оштетување, ги отстранува акните, ја враќа еластичноста на кожата и младешкиот изглед. Дерматологот Ширази вели дека куркуминот содржан во овој зачин е одговорен за регулирање на воспалителните процеси на кожата. Тања Кормејли, дерматолог, додава: „Бидејќи куркуминот е богат со антиоксиданси и антиинфламаторни компоненти, се покажа дека е корисен за лекување на разни кожни заболувања како егзема, псоријаза и витилиго. Се користи и за отстранување на флеки“.

Потребни ви се две состојки: Со оваа маска ќе ги избришете брчките од лицето

Дарко Андоновски — Tue, 02 Nov 2021 15:06:52 +0000

Лимонот е одличен сојузник кога женската убавина е во прашање. Состојките од маската кои ќе ги прочитате во продолжение се одлична комбинација во борбата против ситните брчки и разните дамки на лицето. Потребно е: -лимонов сок -две лажички сода бикарбона (содата е одлична за пилинг. Експертите советуваат дека содата е добра и за пилинг за рацете). Подготовка: Промешајте лажичка лимонов сок со две лажички сода бикарбона. Мешајте додека не добиете бледо жолта паста. Намачкајте го лицето и вратот. Нанесената маска држете ја 15 минути. Користете топла, влажна крпа и избршете ја маската од лицето. Со студена вода, затворете ги порите и потхранете ја кожата со крема. Доколку имате проблем со проширени пори во маската наместо сода ставете изматена белка од јајце. Ефектот ќе биде неверојатен.

Ова може да биде интересно и корисно: Направете маска за лице со лимон и банана

Дарко Андоновски — Sun, 29 Aug 2021 19:44:17 +0000

Правењето маска за лице дома може да биде интересно затоа што сами сте направиле корисен производ. Ако се прашувате каква маска би можеле да направите, денес предлагаме маска со лимон и банана. Ова овошје најчесто го имаме дома, па веднаш го олеснува рецептот. Маска за лице од лимон и банана Лимонот е полн со витамин Ц, кој може да биде решение за многу проблеми со кожата, како што се хиперпигментација и знаци на стареење. Бананата не е само добра за нашето здравје, туку има и одлични ефекти врз состојбата на кожата. Состојки: Половина зрела банана 1 лажица разреден сок од лимон 1 лажичка мед Постапка: Исечете зрела банана, додадете мед и лимон на неа. Измешајте се добро. Нанесете ја смесата на целото лице. Оставете 15-20 минути или додека не се исуши. На крајот, исплакнете го лицето со топла вода.

Дарко Лазиќ објави чудна фотографија со маска за лице, па предизвика илјадници коментари- од еден и самиот остана стаписан (ФОТО)

Дарко Андоновски — Thu, 10 Jan 2019 08:00:47 +0000

По тешката сообраќајна несреќа која ја доживеа Дарко Лазиќ тој празниците ги помина дома во кругот на семејството откако претходно излезе од бања. Пејачот по долгата пауза се врати и на социјалните мрежи, па така на Инстаграм ги изненади фановите. Најновата фотографија која ја објави пејачот е потполно необична, па така Дарко се фотографираше со маска за лице. Коментарите се нижеа од минута во минута, а најмногу на сите им остави впечаток тој дека пејачот би можел да остане без веѓите, погледнете.

View this post on Instagram

????

A post shared by Darko Lazić (@new_me911) on Jan 9, 2019 at 12:20pm PST

Моќна маска од две состојки која го брише уморот од лицето

Ивона Петрова — Mon, 12 Mar 2018 16:59:52 +0000

Лимонот е одличен сојузник кога женската убавина е во прашање. Состојките од маската кои ќе ги прочитате во продолжение се одлична комбинација во борбата против ситните брчки и разните дамки на лицето. Потребно е: -лимонов сок -две лажички сода бикарбона (содата е одлична за пилинг. Експертите советуваат дека со содата е добра и за пилинг за рацете). Подготовка: Промешајте лажичка лимонов сок со две лажички сода бикарбона. Мешајте додека не добиете бледо жолта паста. Намачкајте го лицето и вратот. Нанесената маска држете ја 15 минути. Користете топла, влажна крпа и избршете ја маската од лицето. Со студена вода, затворете ги порите и потхранете ја кожата со крема. Доколку имате проблем со проширени пори во маската наместо сода ставете изматена белка од јајце. Ефектот ќе биде неверојатен.