маски за заштита – Kurir.mk

Казнети 25 лица за само еден ден: Внимавајте со заштитните маски

Катерина Бојаџиева — Thu, 09 Dec 2021 10:47:06 +0000

Во текот на изминатото деноноќие на територијата на Македонија, за мерката за носење лична заштита на лице, регистрирани се 25 прекршоци. Инаку, мерката за носење на заштитна маска на отворено е укината, со препорака за носење на маска кога лицата се во поголема група, а останува на важност мерката за задолжително носење на заштитна маска во јавен превоз, такси превоз и во сите затворени простори.

ВНИМАВАЈТЕ СО НОСЕЊЕТО НА МАСКИ: Казнети 37 лица за еден ден

Катерина Бојаџиева — Sun, 14 Nov 2021 10:54:42 +0000

Во текот на изминатото деноноќие на територијата на Македонија, за мерката за носење лична заштита на лице, регистрирани се 37 прекршоци. Инаку, мерката за носење на заштитна маска на отворено е укината, со препорака за носење на маска кога лицата се во поголема група, а останува на важност мерката за задолжително носењето на заштитна маска во јавен превоз, такси превоз и во сите затворени простори.

Италијанците поретко купуваат маски и средства за дезинфекција

Дарко Андоновски — Fri, 31 Jul 2020 14:49:41 +0000

Продажбата на заштитни маски во аптеките во Италија е преполовена во последните сто дена, а Италијанците купуваат десет пати помалку средства за дезинфекција отколку на почетокот на епидемијата на коронавирусот во земјата, покажаа податоци на компанијата Иквиа, која ја следи потрошувачка во аптеките. Метеж на плажите, преполни аперитив барови, а Италијанците постепено се ослободуваат од маските што понекогаш ги чуваат во џебовите или на брадата, пишува италијанскиот весник „Ил Соле 24 Оре“. – Ова е сериозен факт затоа што тоа е еден од ретките начини за одбрана од вирусот што ни е достапен, рече претседателот на фармацевтското здружение Федерафарм, Марко Косоло. Пред два месеци луѓето трчаа во аптеките и супермаркетите да купат маски, особено хируршки, што понекогаш ги немаше, а денес кога нема проблеми со резервите и со стабилна цена од 50 центи за хируршка маска, Италијанците се чини дека се уморни од ова клучно средство за запирање на вирусот, пишува италијанскиот дневен весник. Според податоци на Иквиа, кривата на купување маски во Италија достигна врв во седмицата меѓу 6 и 13 април, околу еден месец откако почна блокадата, кога Италијанците потрошија 5,5 милиони евра на маски во текот на една недела. Од тогаш се бележи континуиран пад со најниска точка на 20 јуни, а потоа и мало зголемување со последната анализирана недела до 20 јули, при што е забележана набавка на заштитни маски за вкупно 2,2 милиони евра. Врвот на набавка на средства за дезинфекција во Италија беше на 9 март, на почетокот на рестриктивните мерки, додека на 20 јули продажбата падна на најниско ниво од воведувањето на блокадата поради Ковид-19. Со 35.132 смртни случаи од Ковид-19, Италија е шеста земја во светот по бројот на жртви од коронавирусот, по САД, Бразил, Мексико, Велика Британија и Индија.

Филипче се разбуди: По истражувањето на плунката воочи дека воздухот навистина е загаден

Ивана Ефремовски — Tue, 05 Feb 2019 09:02:07 +0000

Венко Филипче, министер за здравство вчера на мини интервју на „360 Степени“ рече дека според истражувањето на плунката воочил дека навистина воздухот што го вдишуваме е загаден. Скоро цела зима како Македонија и главниот град Скопје се на топ местото по светските и европските листи за загадување. Додека граѓаните алармираа, надлежните молчеа и си ја префрлаа топката од едно на друго министерство. Или пак, воведуваа превентивни општи мерки кои траеја само по 2-3 дена. По обелоденувањето на анализата дека плунката на непушач е еднаква плунката на пушач, граѓаните започнаа со протести пред Собрание со цел да се преземат одредени мерки. По ова истражување вчера на „360 Степени“ говореше и министерот за здравство кој посочи дека разговарал со професорката која го направила истражувањето да направи некое друго попрецизно истражување. -Секако дека резултатите загрижуваат на некој начин заради тоа што значи дека воздухот кој што го вдишуваме е навистина загаден. Во таа смисла тоа е едно испитување кое што се прави наназад со години, дури и за време на моите студии ги правевме тие анализи на плунката. Би било интересно доколку тие резултати негде би биле запишувани да ги споредиме со сите овие години. Има други многу посовремени методи кои што можеби и поспецифични анализи да се прават, рече Филипче. Сепак, Филипче не рече ништо за даденото ветување кое изгледа го има заборавено, дека ќе додели заштитни маски на болните лица. По револтот на граѓаните дека не можат да земат заштитна маска, Министерството за здравство излезе со соопштение дека постапката за набавка на заштитни маски за лицата со здравствен ризик е во подготвителна процедура и дека штом ќе биде завршена набавката, маските ќе бидат поделени на пациентите. Дури наведуваат дека поради законските процедури за набавка на маските кои се долги, оваа процедура се одвива со мало доцнење. Филипче изгледа заборавил дека загаденоста на воздухот го допре врвот многу одамна, граѓаните алармираат секој ден, и поради сето ова можел процедурата за заштитни маски можеше да ја започне порано за да им излезе во пресрет на болните луѓе.

Лекарите советуваат: Помагаат ли маските во заштита од загадениот воздух?

Катерина Бојаџиева — Fri, 16 Nov 2018 14:46:24 +0000

Воздухот урива рекорди на загаденост, а граѓаните дишат на шкрги. Со цел да се заштитат граѓаните бараат чаре и во маските, но колку тие всушност можат да ни помогнат? Иако не можеме целосно да се заштитиме од загадениот воздух во градските средини, сепак неколку корисни совети од експертите ќе помогнат да го минимизираме внесот на штетните честички во нашиот организам. 1. Следете го нивото на загадување во вашето населено место и доколку е над дозволените граници, надвор движете се само доколку е неопходно и носете маска со филтер. 2. Избегнувајте движење, трчање и вежбање во периодите кога нивото на загаденоста на воздухот е високо. Потребно е нашите читатели да знаат дека загадувањето на воздухот во текот на денот е највисоко во периодот од 11-18 часот, па затоа доколку планирате какви било активности најдобро е истите да се извршат рано наутро или доцна навечер. 3.Избегнувајте физичка активност во близина на сообраќајници со голема концентрација на возила, особено во периодите со погуст сообраќај. Познато е дека прометните автопати го загадуваат воздухот во пречник од 1км. 4.Формирајте здрави навики. Не користете автомобил доколку се работи за блиска дестинација. Препорачливо е пешачење или возење велосипед. 5. Не смее да се гори отпад бидејќи во голем процент придонесува за загадување на воздухот. 6. Не користете фосилни горива(нафта, прегорено автомобилско масло, јаглен, ќумур и сл.) за загревање на ваште домови. 7. Не дозволувајте пушење во просториите во кои престојувате. Во моментов во Македонија се употребуваат повеќе видови на маски како заштита од воздушното загадување (хируршки, со активен јаглен) но, само неколку сертифицирани за таа намена се ефикасни. Маската не смее да пропушта партикли поголеми од 2.5-3 микрони, заради тоа што најштетни воздушни партикли се со големина од 2.5 микрони.Маските само со активен јаглен не штитат од партикли туку тие се наменети за заштита од хемикалии.За маската е важно:мора добро да налегнува на лицето, и најмал простор кој пропушта воздух ја прави маската неефикасна, за скопската средина се препорачува маска со N95,N99,FFP2,FFP3 стандард, доколку носите очила и истите се замаглуваат значи дека маската пропушта нефилтриран воздух, доколку маската има валвула таа полесно налегнува и помали се шансите да пропушта нефилтриран воздух. Маските за еднократна употреба можат да се употребуваат се додека може лесно да се дише преку нив, а тоа е околу 10-30 часа ефективно користење, иако често производителите препорачуваат почеста замена. Маските за повеќекратна употреба содржат филтер кој може да се замени со нов, а се одржува со перење. За подетални информации во врска со набавка на маски за заштита од аерозагадување, читателите можат да се обратат на Клиниката за пулмологија и алергологија. Извор: Скопје инфо