Бил позитивен на коронавирусот па за да полета со авион се маскирал во жена му – приведен Индонезиец, против него ќе биде покренета и постапка

Магдалена Андонова — Fri, 23 Jul 2021 09:50:05 +0000

Маж од Индонезија, позитивен на коронаворус, се маскирал со облеката на неговата сопруга и влегол во авион, а бил откриен дури откако авионот полетал. Според Би-Би-Си, тој носел никаб, облека што ја користат жените во муслиманските земји за да ги покријат лицата. Со себе ги имал пасошот на неговата сопруга и нејзиниот негативен тест за коронавирус. Можеби и немало да биде откриен доколку не се пресоблекол за време на летот, што им било чудно за стјуардесите, кои забележаа дека нешто не е во ред. Повеќето авиокомпании ги ограничија патувањата за време на празникот Курбан Бајрам, што почна на 19 јули. Полицијата соопшти дека мажот бил приведен откако авионот слетал и веднаш бил тестирал. Откривајќи дека е позитивен на коронавирусот, мажот добил наредба да се изолира во домот. Полицијата соопшти дека ќе покрене постапка против него веднаш штом ќе заврши неговиот карантин. Инцидентот се случи во време и услови на сериозни ограничувања на патувањата во Индонезија, земјата која многу брзо станаа епицентар на коронавирусот во Азија. Земјата од Југоисточна Азија секој ден бележи по речиси 50.000 нови случаи на заразени. Во последните неколку недели, болниците се преплавени со пациенти и недостаток на ресурси, вклучувајќи и кислород. Досега во оваа земја има регистрирано речиси три милиони заразени, како и повеќе од 72.000 умрени.

Првата дама на САД се маскираше како стјуардеса, а ова што им го направи на новинарите ги шокираше сите

Магдалена Андонова — Fri, 02 Apr 2021 10:57:37 +0000

Првата дама на САД, Џил Бајден, по повод вчерашниот Ден на шегата, се облече како стјуардеса и ги почести новинарите по еден сладолед, како дел од својата шега. Во своите мемоари објавени пред две години, г-ѓа Бајден пишува: „Секогаш велам – укради си радосен миг, секогаш кога можеш.“ Таа вели и дека сака да се шегува… Така, вчера покани група новинари на лет со неа од Калифорнија до главниот град Вашингтон. Среде летот, стјуардесата Џазмин со маска преку долната половина на лицето и црна перика, ги почести новинарите со сладолед и се повлече во својот простор. Кусо потоа, „стјуардесата“ се врати меѓу патниците, без маска на себе и сите сфатија дека таа е, всушност, г-ѓа Бајден. Како што велат, освен новинарите, и соработниците на првата дама биле исто толку изненадени од шегата. (МИА)

маскирање – Kurir.mk

Бил позитивен на коронавирусот па за да полета со авион се маскирал во жена му – приведен Индонезиец, против него ќе биде покренета и постапка

Првата дама на САД се маскираше како стјуардеса, а ова што им го направи на новинарите ги шокираше сите