маскота – Kurir.mk

ФОТО: Ова е маскотата на СП во Катар

Ристе Здравков — Sun, 20 Nov 2022 15:33:18 +0000

Во градот Ал Хор на стадионот „Ал Бејт“ попладнево спектакуларно е отворено 22. фудбалски Мундијал. На Светското првенство Катар 2022 ќе учествуваат 32 репрезентации поделени во осум групи. Во првиот и единствен денешен натпревар од 17 часот ќе се сретнат, домашната репрезентација на Катар и селекцијата на Еквадор. Состав на групите: А-група: Катар, Еквадор, Сенагал и Холандија. Б-група: Англија, САД, Иран и Велс. Ц-група: Полска, Аргентина, Мексико и Саудиска Арабија. Д-група: Франција, Данска, Тунис и Австралија. Е-група: Германија, Шпанија, Костарика и Јапонија. Ф-група: Хрватска, Белгија, Канада и Мароко. Г-група: Швајцарија, Србија, Бразил и Камерун. Х-група: Португалија, Уругвај, Гана и Јужна Кореја. Двете првопласирани од секоја група одат во осминафиналето. Мундијалот во Катар е прв во историјата кој ќе се игра во зима. Ќе трае до 18 декември, прв што некогаш се одржал во арапскиот свет и прв во земја со мнозинско муслиманско население, како и второ Светско првенство кое целосно ќе се одржи во Азија. Трофејот од минатиот Светски шампионат одржан во Русија 2018 година, го брани репрезентацијата на Франција.

Претставена и маскотата за Мундијалот во Катар

Ристе Здравков — Fri, 01 Apr 2022 16:31:28 +0000

Мундијалот во Катар е се поблиску денес се добиваат и групите, а на церемонијата на која се влечеа групите беше претставена и официјалната маскота на турнирот. Светското првенство во Катар започнуван 21. ноември и ќе се трае до 18. декември.

The Final Draw will set the scene for the @FIFAWorldCup Qatar 2022™️.

The show will embrace and highlight Qatari culture, the unveiling of the Official Mascot, and much much more... #FinalDraw pic.twitter.com/2Vlp8er66a
— Road to 2022 (@roadto2022en) April 1, 2022

Денес беа познати и термините за натпреварите. Првите две кола на Мундијалот ќе донесат натпревари од 11:00, 14:00, 17:00 и 20:00 часот по средноевропско време. Во третото коло од групната фаза и нокаут фазата натпревари ќе има од 16:00 и 20:00 часот. Закажан е и терминот за финалето кое ќе се игра во попладневен термин од 16:00 часот, вакво нешто е невообичаено со оглед на тоа што досега „нормален“ термин за финале на СП бил вечерен.

ФОТО: Украинската војска ја доби својата маскота, има две години

Ристе Здравков — Tue, 15 Mar 2022 10:01:36 +0000

Украинската војаска на социјалните мрежи објавија фотографија од куче кое е старо две години и го прогласија за нивна маскота. На фотографијата кучето е застанато до тенковска мина. Украина веќе 20 дена се брани од руските напади во кои двете страни претрпеа големи загуби. Во тек се преговори за постигнување на мировен договор.

ФОТО: Македонија промовирана на европското првенство во ракомет

Магдалена Андонова — Mon, 17 Jan 2022 16:42:08 +0000

Додека европското првенство во ракомет е во тек и се играат средбите од групната фаза, собирот на најдобрите репрезентации во Европа е шанса и за промоција. Па така, еден од најверните македонски навивачи Кипре, ја промовира Македонија, сега и преку маскотота на ЕУРО, со промотивен материјал во раце, порачува: „ПОТСЕТЕТЕ ЈА МАКЕДОНИЈА“

ФОТО: Почнува ЕП 2020, дознајте кој е Скилзи

Ивона Петрова — Fri, 11 Jun 2021 07:50:03 +0000

Вечер од 21 часот стартува Европското фудбалско првенство со натпреварот Турција-Италија кој ќе се игра на „Олимпико“ во Рим и е од 1.коло во А-групата во која се наоѓаат и селекциите на Швајцарија и на Велс. На ЕВРО 2020 ќе настапи и македонската фудбалска репрезентација. „Црвено-жолтите“ дебито на континенталните првенства ќе го имаат в недела од 18 часот против Австрија во Букурешт како дел од Ц-групата каде се сместени и репрезентациите на Холандија и на Украина. Скилзи е официјалната маскота за ова Европско првенство која беше претставена во мај 2019 година. Маскотата симболизира хуманоид во слободен стил на фудбал, како и културата на уличниот фудбал пана. Скилзи е претставен од страна на изведувачите на слободниот стил на фудбалот — Лив Кук и Тобијас Бек. ЕВРО 2020 ќе се игра во 11 града: Рим, Букурешт, Баку, Копенхаген, Санкт Петербург, Лондон, Амстердам, Глазгов, Севилја, Будимпешта и Минхен. Од 24 репрезентации, во следната фаза ќе се пласираат двете првопласирани од секоја од шесте групи, како и четири третопласирани кои ќе имаат најдобар биланс. Европското првенство ќе трае до 11 јули.

Маскота почина од жештина играјќи во костум тежок 16 кг

Предраг Кукиќ — Thu, 01 Aug 2019 18:13:43 +0000

Меѓу 11-те настрадани во топлотниот бран во Јапонија е и маскота од забавен парк во Осака, кому му се слошило од жештината под тешкиот костум. Дваесет и осумгодишниот маж кој во Забавниот парк работел пола работно време, бил облечен во тешка облека. Умрел од топлотен удар во неделата вечер во паркот Хираката во Осака, откако 20 минути играл во костум тежок 16 килограми. По оваа несреќа, во паркот е прекината забавата, а на сите маскоти им било речено да не ги носат повеќе костумите. Во текот на денот температурата во Осака изнесувала 33 степени. Повеќе од 5.000 лица се во болница како последица од високите температури во Јапонија, а 65 проценти од хоспитализираните имаат над 65 години. Највисоката температура од 37 степени била забележана вчера во префектурата Грифу во централниот дел на земјата.