маслинки – Kurir.mk

НАПРАВЕТЕ ДОМАШНА ТАПЕНАДА, вкусен намаз од маслинки

Ристе Здравков — Mon, 05 Jun 2023 08:06:51 +0000

Тапенадата е всушност паста од маслинки. Изворно, се користат црни маслинки, иако зелените или мешаните маслинки исто така можат доста добро да послужат. Купената тапенада чини околу 200 денари (220 грама), додека домашната тапенада чини околу 100 … Состојки: 200 гр зелени маслинки лажица и пол сок од лимон лажица коњак три чешниња лук 100 мл маслиново масло Подготовка: Исчистените маслинки убаво измијте ги и исушете ги со кујнска крпа. Префрлете ги во блендер и кратко блендирајте. Додадете го свежо цедениот сок од лимон, коњакот и лукот и мешајте додека не се добие еднолична, но не премногу фина смеса. Потоа додадете го маслиновото масло, измешајте со лажица, па префрлете во претходно стерилизирана тегла и чувајте во фрижидер до една недела.

Со помош на овие 3 намирници можете да внесете доволно витамин Е во организмот

Ристе Здравков — Mon, 13 Mar 2023 08:55:32 +0000

Урамнотежениот внес на витамин Е е добра превенција за одржување на добро здравје Витаминот Е е антиоксиданс, а неговото дејство го ослободува организмот од штетното влијание на слободните радикали од надворешната средина, кои ги оштетуваат клетките и можат да придонесат за развој на кардиоваскуларни заболувања и рак. Витаминот Е има корисен ефект врз изгледот на кожата и го забавува нејзиното стареење. Исто така, има извонредно влијание врз имунолошкиот систем, клеточните функции, а експертите веруваат дека витаминот Е и плодноста се директно поврзани, бидејќи витаминот Е игра важна улога во процесот на созревање на спермата. Најмногу го има во зелен лиснат зеленчук, јаткасти плодови, семки, морска храна и овошје. Бидејќи го немаме во организмот, можеме да го добиеме само преку правилна исхрана која ги вклучува овие намирници. Храна богата со витамин Е: Маслинки Семки од сончоглед Блитва

ПОГАЧИ СО МАСЛИНКИ: Остануваат свежи и до три дена, но толку се вкусни што веднаш ќе ги изедете!

Ристе Здравков — Fri, 17 Feb 2023 10:59:45 +0000

Состојки: За тестото: 250 гр путер 1 прашок за пециво 2 лажички сол 2 дл павлака 500 гр брашно 100 маслинки За облогата: 1 јајце 2 лажички млеко Подготовка: За тестото измешајте путер на собна температура со прашок за пециво, сол и павлака. Постепено додавајте просеано брашно и сечканите маслинки, па замесете мазно тесто. Расукајте на набрашнета површина до дебелина од 1 сантиметар, па погачите исечете ги со калап. Се ставаат на плех обложен со хартија за печење. Премачкајте со мешавина од изматено јајце и млеко. Се пече на 200 степени 10 минути.

СТАПЧИЊА СО МАСЛИНКИ: Едноставни и ефтини за правење, а и превкусни!

Ристе Здравков — Mon, 13 Dec 2021 14:25:28 +0000

Ова прекрасно пециво одлично оди со ајвар, разни намази, таан, може да се јаде наместо леб, како закуска, како сакате. Потребно е: 500 гр брашно (тип 500) 200 гр маслинки 1 кесичка сув квасец 1 лажичка сол 1 лажичка шеќер Подготовка: Измешајте брашно во сад со квасец, сол и шеќер. Се меси со млака вода за тестото да не биде многу тврдо. Вклучете ја рерната на највисоко. Распоредете го тестото на набрашнета работна површина и кратко замесете. Направете правоаголник и исечете го на 6 еднакви делови. Секој од 6-те парчиња развлечете го во стап. Маслинките исечкајте ги на прстени и притиснете ги во стапчињата за убаво да се напикаат. Стапчињата префрлете ги во плех обложен со хартија за печење. Можете да исцедите уште неколку маслинки одозгора само заради вкус. Стапчињата премачкајте ги со влажна четка за печење за да не се многу брашнести. Ставете тенџере со вода на дното од рерната за стапчињата да станат крцкави. Печете околу половина час, додека не поруменат. Пријатно!

Министерството за одбрана ќе троши скоро 900.000 денари на маслинки и модри сливи

Катерина Бојаџиева — Fri, 19 Mar 2021 15:56:20 +0000

Министерството за одбрана ќе троши скоро 900.000 денари за набавка на маслинки и сливи. Така во делот на Назив на договорниот орган стои министерство за одбрана - сектор за логистика, додека во делот на предмет на договорот за јавна набавка стои брашно пченично, оцет, маслинки, сушени модри сливи и шеќер. Вредност на склучениот договор со вклучен ДДВ изнесува 889.560,00. Радмила Шекеринска од кога е дојдена на чело на министерството за одбрана го следат скандали со набавки на морски плодови на шкампи, а исто така скандалозна беше и набавката на апетисани и чоколадо. Министерството за одбрана на чело со Шекеринска познато е по скандалозните нарачки и трошење на државни пари. Така само пред некој ден излезе иформација дека министерството за одбрана склучило договор за набавка на ајвар, тестенини, печурки и путер за скоро 800.000 денари. Според критичарите неодговорното трошење на парите на граѓаните од страна на првите луѓе на иснтитуциите е скандалозно, посебно во време на пандемија и економска криза кога 60.000 луѓе ги загубија работните места. Државата континуирано се задолжува и се наоѓа пред банкрот додека првите луѓе на државата уживаат во луксуз.

Ќе ги пробате еднаш, па често ќе ги правите: Вкусни лепињи со маслинки и лук

Ивана Ефремовски — Sun, 09 Dec 2018 16:45:45 +0000

Воздшести и вкусни …

Потребно е: 500 гр брашно 400 мл млака вода 20 гр свеж квасец 1 лажиче сол 1 лажиче шеќер 5 лажици маслиново масло 100 гр маслинки 5 чешниња лук Подготовка: – Во еден подлабок сад разматете го квасецот со малку топла вода. – Потоа додадете ги целото брашно, сол, шеќер, масло и вода и со дрвена лажица крато убаво измешајте. Тестото оставете го на топло да стаса околу 30 минути. – За тоа време исецкајте ги маслинките и издробете го лукот. – Нараснатото тесто ставете го на набрашнета работна површина и со шпатула неколку пати преклопете го. Потоа со прсти истенчете го. – Одозгора распоредете ги исецканите маслинки и лукот, па повторно со шпатула неколку пати преклопете го и со прсти притиснете го за да се распоредат маслинките и лукот. – Тестото поделете го на 5 делови за 5 лепињи. – Во тавата во која ќе ги печете лепињите ставете хартија за печење и премачкајте ја со маслиново масло. – Секој дел истенчете го со прсти и обликувајте лепиња. Ставете ги во тавата. Покријте ги и оставете ги уште 15-тина минути да одморат. – Ставете да се печат во загреана рерна на 220 целзиусови степени околу 20 минути, односно додека не поруменат.