масовна гробница – Kurir.mk

Во украинскиот град Изјум пронајдена масовна гробница со над 440 тела

Дарко Андоновски — Fri, 16 Sep 2022 06:42:08 +0000

Во североисточниот украински град Изјум, што пред неколку дена беше повторно ослободен, украинските власти пронајдоа масовна гробница со повеќе од 440 тела, изјави синоќа полициски претставник, додавајќи дека дел од луѓето биле убиени од гранатирање и воздушни напади. Во текот на изминатиот викенд под налетот на украинската војска Изјум го напуштија илјадници руски војници, откако претходно го имаа окупирано и го претворија во логистички центар за регионот Харков. Тие зад себе оставија големо количество муниција и опрема. Главниот полициски истражител за регионот Харков, Серхи Болвинов, изјави за Скај њуз дека ќе биде спроведена форензичка истрага за секое тело. -Можам да кажам дека тоа е еден од најголемите гробници во голем град во ослободените подрачја… На едно место беа закопани 440 тела, рече Болвинов. Некои биле убиени од артилериски оган, а некои од воздушните напади, додаде тој. Британските медиуми не можат веднаш да ги потврди украинските наводи, а засега нема ниту коментар од Русија. Украинскиот претседател Володимир Зеленски, кој пред два дена дојде во ненајавена посета на Изјум за да ги поздрави украинските војници, ја обвини Русија и го спореди откривањето на гробот со она што се случи во Буча, предградието на Киев, на почетокот на инвазијата на руските сили на крајот на февруари.

Украински форензичари почна ексхумација на тела од масовна гробница во Буча

Тале Кристо — Fri, 08 Apr 2022 16:30:34 +0000

Форензичари денеска почнаа ексхумација на тела од масовна гробница во украинскиот град Буча, завиткувајќи ги во црна пластика и изложувајќи ги телата на цивилите, за кои официјални лица тврдат дека загинале за време на руската инвазија. Руслан Кравченко од обвинителството во Буча изјави дека се ексхумирани 20 тела, од кои 18 биле со прострелни рани и рани од шрапнел. Тој потврди дека се идентификувани две жени, а една од нив работела во супермаркет во центарот на градот. – Постојат сведоци кои можат да потврдат дека овие луѓе биле убиени од руските сили. Без никаква причина, тие само се движеле по улицата или биле евакуирани. Некои од нив само зборувале на украински јазик, додаде обвинителот.

Во масовната гробница во Буча пронајдени 57 тела на цивили

Магдалена Андонова — Sun, 03 Apr 2022 15:37:01 +0000

Во масовната гробница во украинскиот град Буча, во близина на Киев, пронајдени се 57 тела на убиени цивили, изјави денеска шефот на локалниот спасувачки тим Серхи Каплични. - Тука, во оваа долга гробница, се закопани 57 луѓе, изјави Каплични за АФП, кој ја организираше ексхумацијата. Претходно, на социјалните мрежи се појавија видеа на кои се гледаат безживотни тела на улиците на градот Буча. Дел од западните медиуми објавија дека најмалку 20 мртви мажи во цивилна облека биле пронајдени на една улица откако украинските сили вчера ја вратија контролата врз Буча. (МИА)

Во Буча откриена масовна гробница: Закопани 280 луѓе, меѓу нив и деца

Ивона Петрова — Sun, 03 Apr 2022 07:07:43 +0000

Советникот на украинскиот министер за надворешни работи Антон Герашченко вчера на Твитер објави видео од разурнатиот град Буча, што вчера беше ослободен од руска окупација. – Буча пред еден месец – прекрасно модерно предградие на Киев. Буча сега – штали бомбардирани и изгорени, куќи ограбени до последната лажица или уништени до земја, млади семејства убиени, мажи исчезнати, жени силувани, наведе Герашченко. Додека градоначалникот на Буча, Анатолиј Федорук изјави дека во градот е откриена масовна гробница, каде се закопани 280 луѓе. – Некои од убиените имаа само 14 години. Сите тие луѓе се убиени, застрелани во задниот дел од главата, истакна Федорук, додавајќи оти голем број од жртвите носеле бела лента, што е знак дека се невооружени. Претходно, на социјалните мрежи се појавија видеа на кои се гледаат безживотни тела на улиците на градот Буча. Според дел од западните медиуми, најмалку 20 мртви мажи во цивилна облека биле пронајдени на една улица откако украинските сили вчера ја вратија контролата врз Буча.

Во масовна гробница во Киев закопани 67 цивили: Лицата биле завиткани во црни пластични кеси (ФОТО)

Магдалена Андонова — Sun, 13 Mar 2022 17:10:47 +0000

67 цивили беа закопани во масовна гробница во Буча, Украина, во близина на Киев, област која беше место на жестоки борби. Видеото објавено од новинската агенција UNIAN покажува тела во црни пластични кеси како се пренесуваат од камион во јама. Во позадина е црквата. Лекарот рекол дека не се идентификувани сите жртви, пишуваат украинските медиуми. Станбени згради се уништени во гранатирање во град северозападно од Киев. Претходно, видеото кое прикажува масовна гробница во опколениот град Мариупол стигна на насловните страници ширум светот и ги покажа последиците од руската инвазија која започна на 24 февруари. ОН неодамна објавија дека загинале повеќе од 570 цивили, но украинската влада смета дека бројот на загинати е многу поголем. Речиси 125.000 луѓе се евакуирани преку хуманитарни коридори од конфликтните зони во Украина, изјави претседателот Володимир Зеленски во видео обраќањето во неделата. Хуманитарниот коридор сега е оддалечен околу 80 километри од јужниот пристанишен град, кој со денови беше уништен од руските напади, а населението, кое пред војната броеше околу 400.000, е опкружено без храна, вода и лекови. Во руски воздушен напад врз најголемата украинска воена база во близина на границата со Полска, членката на НАТО, загинаа 35 лица, а 134 се ранети, изјави украински официјален претставник. Зеленски рече дека руските сили ќе се соочат со борба до смрт доколку се обидат да го окупираат Киев.

НЕМА ДА МОЖЕ ОКО ДА СКЛОПИТЕ ПО ОВИЕ СНИМКИ – во масовна гробница се закопуваат загинатите од гранатирањето во Мариупол (+18)

Дарко Андоновски — Fri, 11 Mar 2022 08:18:33 +0000

Градските власти на Мариупол ископале ров на старите градски гробишта со цел да ги закопаат мртвите кои никој не можел да ги собере со денови. На видеото кое го објави Радио Слободна Европа се гледа ров на старите гробишта, на кои во моментов има 70 мртви. Половина биле убиени од гранатирањето на градот, а некои умреле од природна смрт. – За деветте дена од опсадата загинаа 1.200 – тврди Киев. Преживеаните чекаат во редици за вода, долго време нема греење, а храната исчезнува, пишува Радио Слободна Европа. Погледнете го вознемирувачкото видео:

Либија: Пронајдена уште една масовна гробница

Ивона Петрова — Sun, 24 Oct 2021 07:07:27 +0000

Либиската влада продолжува да открива посмртни останки од масовни гробници во градот Тархун, 90 километри од Триполи, кои зад себе ги оставиле силите предводени од Калиф Хафтар, наведува агенцијата Анадолија. Нова гробница е пронајдена на големо земјоделско подрачје, се наведува во соопштението на Општата управа за истражување и идентификација на исчезнати лица. Властите навеле дека нивните тимови ќе ја есхумираат гробницата, но повеќе детали не се откриваат. Либиските власти во понеделникот објавија дека откриле две масовни гробници на истото подрачје. Анадолија потсетува дека од јуни минатата година во различни подрачја пронајдени се 81 масовна гробница. Во март либиските власти објавиле дека имаат списоци за 3.650 исчезнати во разни градови.

Во Србија најдена масовна гробница кај Рашка со петнаесет до седумнаесет тела

Магдалена Андонова — Thu, 19 Nov 2020 09:34:19 +0000

Претседателот на српската Владина комисија за исчезнати лица, Вељко Одаловиќ, изјави дека информациите укажуваат дека на локацијата Кижевак, во близина на Рашка, потенцијално се наоѓаат петнаесет до седумнаесет тела. -Додека не заврши целосното пребарување на локацијата, сè додека не се земат ДНК причините од посмртните остатоци, се додека не се совпаднат примероците од крвта на семејствата кои ја имаат дадено, не можеме со сигурност да кажеме кому припаѓаат или што било што може да и биде соопштено на јавноста, кажа Одаловиќ за РТС, кој неодамна изјави дека ова е една од локациите што се пребарува според добиените информации од Приштина. Тој додаде дека сака „и другите, во областите каде што се наоѓаат посмртните остатоци на Србите“, да ги пребаруваат локациите, како и дека за некои локации на Приштина и биле дадени специфични информации. Директорот на Институтот за судска медицина во Приштина, Арсим Грџалију, претходно изјави за Радио Слободна Европа (РСЕ) дека на таа локација биле пронајдени посмртни остатоци за кои постои сомнеж дека се албански жртви од Косово, како и дека на таа локација пет години се вршат ископувања. Одаловиќ потврди дека остатоците се пронајдени на 16 ноември. -Пред околу десетина дена, продолживме со претрагата на локацијата Кижевак кај Рашка. Денес, на таа локација беа пронајдени посмртни остатоци, изјави тогаш Одаловиќ. Реагирајќи на веста, Комитетот за надворешни работи на Претставничкиот дом на американскиот Конгрес оцени дека поради масовните гробници и прикривање на злосторства, никој не одговарал пред судовите во Србија, додека само еден српски службеник одговарал пред меѓународните судови. Поранешниот помошник министер за полиција и началник на Одделот за јавна безбедност на Министерството за внатрешни работи на Србија, Властимир Ѓорѓевиќ, беше осуден на вкупно 27 години затвор од Хашкиот трибунал за воени злосторства на Косово, вклучително и за пренесување на тела на убиените косовски Албанци во масовните гробници. Таа казна подоцна му е намалена на 18 години. Во истиот твит, Одборот на САД го цитира и нерешениот случај на убиството на тројцата браќа Битичи, американски државјани со албанско потекло, чии тела беа откриени во јули 2001 година во масовна гробница во Петрово Село, во источна Србија. Комитетот потсетува дека случајот не е решен, иако „српскиот претседател Александар Вучиќ вети дека сторителите ќе бидат изведени пред лицето на правдата“. (МИА)

ФОТО: Масовна гробница со повеќе од 100 тела пронајдена во Ирак

Ивона Петрова — Fri, 03 Jul 2020 06:25:27 +0000

Во северен Ирак е пронајдена масовна гробница, во која се верува дека се закопани телата на повеќе од стотина лица, кои најверојатно биле убиени од припадници на Исламската држава во Ирак и Левант (ИД). Гробницата била пронајдена во понеделникот во селото Хамејдат, западно од Мосул, шест години откако ИД го самопрогласи калифатот, што се протегаше од источна Сирија до северен и западен Ирак. -Форензичарите почнаа истрага, но епидемијата на коронавирусот ги запре ископувањата, изјавија официјални лица во Мосул за американските медиуми. Идентификацијата на телата не е почната, но се претпоставува дека станува збор за шиитски осуденици кои биле извадени од локалниот затвор од страна на припадниците на ИД и убиени набрзо откако го зазеле Мосул во јуни 2014 година. Припадниците на ИД се претпоставува дека убиле до 600 затвореници, претежно шиити, додаваат западните агенции.

ШОКАНТНА СНИМКА: Масовна гробница во Њујорк за починатите од коронавирус (ВИДЕО)

Тале Кристо — Fri, 10 Apr 2020 10:21:15 +0000

Шокантни снимки доаѓаат од САД, каде што починатите од коронавирус се погребуваат во масовни гробници на островот Харт, на западниот крак на Лонг Исланд Саунд и северозападно од Њујорк. Њујоршките власти во функција ги стават масовните гробници, откако бројот на починати од коронавирус надмина 7.000 лица. Од ова видео со дрон на Асошиетед Прес можете да видите како надлежните масовно ги погребуваат безживотните тела на починатите од Ковид-19 на еден американски остров. Како што информираше портпаролот на градот Њујорк, градските гробишта биле преполни, а како опција за погребување останува островот Харт.