масовна тепачка – Kurir.mk

Хаос во Центар: Масовна тепачка меѓу 10 лица, најголемиот дел се тинејџери

Ивана Ефремовски — Wed, 26 Jul 2023 14:53:40 +0000

На 25.07.2023 во 23:50 часот во СВР Скопје било пријавено дека на подрачјето на Центар бил нарушен јавниот ред и мир со физичка пресметка помеѓу М.Д.(18), А.К.(19), М.П.(18), А.А.(18) и М.С.(18) од една страна и С.П.(20), Б.Л.(19), Д.Л.(48), А.Л.(46) и А.С.(19) од друга страна, сите од Скопје. По целосно документирање на случајот ќе следува соодветен поднесок.

Масовна тепачка помеѓу скопјани во Маврово, сите биле уапсени

Тале Кристо — Sun, 01 Jan 2023 18:30:00 +0000

На 01.01.2023 околу 04.30 часот во Маврово, полициски службеници од Полициското одделение Маврово ги привеле С.М.(19), А.М.(19), Ф.С.(22), П.М.(20), Х.П.(25), А.В.(25), А.Г.(25) и М.И.(24), сите од Скопје, затоа што го нарушиле јавниот ред и мир со меѓусебна физичка пресметка. По целосно документирање на случајот ќе следи соодветен поднесок.

Четири црвени картони и масовна тепачка на хуманитарен фудбалски натпревар

Тале Кристо — Mon, 01 Aug 2022 12:52:47 +0000

Турскиот прволигаш Адана Демирспор е победник на хуманитарниот турнир во Салерно, кој го одбележа масовна тепачка меѓу фудбалерите на турскиот клуб и италијанскиот домаќин Салернитана. Турнирот „Анџело Лерволино“ беше организиран во спомен на покојниот брат на претседателот на Салернитана, а целиот приход беше наменет во хуманитарни цели. На трибините на стадионот „Ареки“ се собраа околу 6.000 гледачи да ги проследат натпреварите во скратена програма по 45 минути меѓу италијанските екипи Салернитана и Реџина, и турската Адана. Во првиот натпревар Реџина ја совлада Адана со 1-0, а вистински хаос се случи на вториот натпревар меѓу турската екипа и Салернитана. Инцидентите почнаа откако турскиот дефанзивец Самет Акајдин беше исклучен поради намерно удирање на Холанѓанецот Ред Боулт, по што на теренот дојде до масовна тепачка. Двете екипи натпреварот го завршија со по девет фудбалери, а на крајот Адана победи со 3-1.

По масовна тепачка, приведени двајца насилници

Дарко Андоновски — Fri, 09 Oct 2020 10:51:54 +0000

Две лица се приведени во полициска станица откако биле пријавени дека физички нападнале двајца помлади гостиварци. Во масовната тепачка која се случила синоќа на улицата „Беличица“ во Гостивар се користеле и метални предмети, а била повредна и една жена. Според СВР Тетово, синоќа околу во 22 часот, гостиварката Л.С.(53) и нејзиниот син А.С. (21) од Гостивар пријавиле физички напад. Според пријавата, околу 19 часот и 25 минути на улица „Беличица“, А.С. и неговиот другар Б.К.(20), физички биле нападнати од повеќе лица. При обидот да ги раздели била нападната и Л. С. Според сознанијата на полицијата, во настанот биле вклучени повеќе лица, а некои од нив користеле и метални предмети. По пријавата, лишени од слобода се С.Б.(40) и М.Б.(49) од Гостивар поради сомнение дека учествувале во насилството. Во ОВР Гостивар се преземаат мерки за расчистување и на случајот.

Масовна тепачка во Драчево

Тале Кристо — Sun, 16 Aug 2020 15:45:43 +0000

Вчера во 20:20 часот во СВР Скопје било пријавено дека на ул.„Нагоричанска“, О.С.(24), Р.С.(20) и Н.Ѓ.(30), сите од Скопје, физички ги нападнале Б.П.(27), Љ.П.(58), М.П.(32), Д.П.(33) и В.Н.(24), сите од Скопје. Се преземаат мерки за расчистување на случајот.

Масовна тепачка во Тетово

Ивана Ефремовски — Thu, 23 Jul 2020 14:20:26 +0000

СВР Тетово поднесе кривична пријава против Б.А.(22), Л.М.(21), Е.Р.(25), Б.А.(20) и Е.И.(21), сите од Тетово, поради постоење основи на сомнение за сторено кривично дело „насилство“. На 11.05.2020, на патот за место викано „Бањиче“, во близина на хидоцентралата во Тетово, по претходна расправија, настанала физичка пресметка помеѓу Е.Р., Б.А. и Е.И., од една страна и Б.А. и Л.М., од друга страна. Притоа, Б.А. извадил пиштол, додека Л.М. со нож се обидел да го повреди Е.Р..

Масовна тепачка во центарот на СКопје

Тале Кристо — Sun, 23 Feb 2020 14:13:10 +0000

На 23.02.2020 во 01,30 часот пво СВР Скопје било пријавено дека пред угостителски објект на ул.„Димитрие Чуповски“ Б.Ф.(23), А.Ч.(23), Л.Б.(30) и М.Ч.(24) сите од Скопје поради претходно недоразбирање физички ги нападнале Ф.П.(20) М.П.(22) двајцата од с.Бразда,скопско, А.С.(21) од с. Шишево,скопско, С.Ј.(20) од Скопје и Б.Р.(18) од с.Батинци,скопско. Се преземаат мерки за расчистување на случајот.

Драма во Хрватска: Настапот на српскиот пејач бил прекинат поради масовна тепачка- се тепала и полицијата

Дарко Андоновски — Thu, 13 Dec 2018 15:49:36 +0000

Настапот на српскиот пејач Митар Мириќ во еден клуб во хрватска бил прекинат поради масовна тепачка. Како што пренесуваат медиумите, во тепачката учествувале сите присутни меѓу кои и полицајци во цивилки. За среќа никој не е повреден. Од полицијата велат дека се спроведува криминалистичка истрага поради големиот број на луѓе кои за време на индидентот биле во клубот. Менаџерот на клубот тврди дека еден од полицајците кои биле во клубот му се заканувал. „Уништен е настапот бидејќи сите гости излегоа околу 3и20 надвор,а клубот работи до 5ч, а направена е штета на клубот“ вели менаџерот.

Се степале кошаркарите, се приклучиле родителите- македонска кошарка

Катерина Бојаџиева — Sun, 25 Nov 2018 09:40:56 +0000

Седмото коло од Втората кошаркарска лига- запад донесе и сериозен инцидент откако натпреварот меѓу Лирија и Академија ФМП не се доигра по тепачката што се случи на теренот во салата „7 Март“. Немилиот настан се случил во тек на третата четвртина, кога дошло до физичка пресметка. Хаосот бил комплетен откако во тепачката влетале и неколку родители од трибините, по што официјалните лица решиле натпреварот да биде прекинат и воопшто да не се доигра. Комесарот за натпреварување дефинитивно ќе има полни раце работа, а ќе треба час поскоро да се пресече со сериозна казна, за ваквите настани од кошаркарските терени да бидат искоренети еднаш засекогаш. Извор: Екипа

Групна тепачка во Гостивар: Се пресметале 6 лица, удирале со сè што им дошло при рака

Катерина Бојаџиева — Fri, 09 Nov 2018 15:22:00 +0000

Надворешната канцеларија за криминалистички работи Гостивар поднесе кривична пријава против Е.П.(32), Е.П. (20), Е.Н. (18), И.Б. (50), Џ.Б. (42) и А.Б. (34), сите од Гостивар, поради постоење основи на сомнение за сторено кривично дело ,,учество во тепачка”. На 07.08.2018 година околу 23.00 часот во Гостивар, по претходна вербална расправија, настанало нарушување на јавниот ред и мир со тепачка помеѓу прво, второ и третопријавениот, од една страна и четврто, петто и шесто пријавениот, од друга страна, при биле употребени метални и дрвени предмети.