масовно тестирање – Kurir.mk

За девет дена ќе се тестира целото население- Словачка по втор пат реши да прави масовно тестирање

Дарко Андоновски — Mon, 18 Jan 2021 14:49:53 +0000

Словачка почна ново масовно тестирање за коронавирус, со намера да се укинат некои ограничувања на луѓето кои имаат негативен тест на Ковид-19. Тестирањето, исто така, ќе послужи како основа за нови локални ограничувања во земјата со 73 окрузи. Сите Словаци ќе добијат антиген тест помеѓу понеделник и 26 јануари, по што ќе се бара негативен тест за антиген или PCR за да одат на работа или на патувања во природата, согласно компромисно решение меѓу премиерот Игор Матович – кој продолжува да инсистира на масовно тестирање за ковид-19 и неговите коалициски партнери. – Одлучивме да комбинираме блокада со масовно тестирање, рече премиерот Игор Матович на прес-конференција. – Потоа ќе интервенираме во областите каде што треба да се стави под контрола ситуацијата, нагласи тој. Последните тестови ќе завршат на 26 јануари. Од 27 јануари, Словаците на возраст од 15 до 65 години ќе можат слободно да се движат доколку имаат негативен тест за антиген или ПЦР. Министерот за здравство Марек Крајчи рече дека по тестот, Словачка ќе биде поделена на 37 лоши и 36 добри окрузи. – Во лоши области, скринингот ќе се повтори. Од 3 февруари, ќе треба да се докаже со негативен тест кога ќе влезете на работното место, рече тој.

Словенија започнува со масовно тестирање, во Љубљана ќе се тестира на плоштад

Дарко Андоновски — Tue, 22 Dec 2020 08:40:05 +0000

Словенија започнува со доброволно масовно тестирање на коронавирус во 13 градови, пренесе агенцијата СТА. Во Љубљана, масовното тестирање денеска ќе се спроведе на Конгресниот плоштад, додека точните локации во останатите општини ќе ги објават локалните власти. Се работи за брзи антигени тестови, кои сега се третираат еднакво како и ПЦР тестовите. Министерството за здравство на Словенија соопшти дека тестирањето ќе се спроведе во Љубљана, Цеље, Марибор, Ново Место, Нова Горица, Мурски Собор, Градец, Копер, Крањ, Велењ, Птуј, Ленарт и Севница. Тестовите се бесплатни, а тие кои ќе сакаат да се тестираат доволно е само да донесат лична карта и здравствена книшка. На местата за тестирање ќе биде задолжително да се почитуваат мерките за заштита, како што се носење маска и држење физичка дистанца. Антигените тестови покажуаат резултат за 15 минути, а меѓу 30 и 40 тестови може да се направат за еден час.

Словенија: Први масовни тестирања од следната недела

Дарко Андоновски — Tue, 15 Dec 2020 13:32:27 +0000

Словенечкиот министер за здравство Томаж Гантер најави денеска дека првите доброволни масовни тестирања ќе почнат веќе од следната недела, пред божиќните празници, а од почетокот на следната година тестирањето ќе биде достапно и до граѓаните. Гантер објасни дека околу 60 брзи тестови ќе се направат во еден час, како и дека тестирањата ќе се спроведуваат по десет часа дневно. Кога ќе бидат подготвени најавените 100 единици за брзо тестирање, масовните доброволни тестирања ќе бидат овозможени низ Словенија.

Словачка со масовно тестирање за 60 проценти го намали бројот на заболени од Ковид-19

Ивона Петрова — Tue, 08 Dec 2020 10:46:06 +0000

Масовното тестирање на новииот коронавирус во Словачка го намали бројот на новозаразенилица за 60 отсто во една недела, во комбинација со карантинот и другите рестриктивни мерки. – На примерот на Словачка видовме силен доказ дека масовното тестирање во комбинација со карантинот доведе до драстично намалување на бројот на заболени со Ковид-19, изјави англискиот професор Стефан Флаш. Словачка бесплатно го тесираше речиси целото население (околу пет милиони жители) во краток рок. Инфицираните лица, заедно со цело семејство беа ставени во 10-дневна изолација, а вработените, иако во изолација зедоа цела плата. Додека на лицата со негативни тестови им беше дозволено да одат на работа, но не можеа да одат во домовите за стари лица, а студентите не можеа да се вратат дома за празниците.

Јужнокорејскиот претседател бара масовно тестирање на Ковид-19

Тале Кристо — Mon, 07 Dec 2020 10:09:26 +0000

Политичкиот блок на претседателот на Венецуела, Николас Мадуро освои мнозинство на вчерашните парламентарни избори во земјата кои беа бојкотирани од водечките опозициски партии, додека некои меѓународни организации изборите ги оценија за „наместени“. Победата сега му дава на Мадуро контрола врз целата влада. -Повторно го освоивме мнозинството во Националното собрание со гласовите на граѓаните. Без никаква дилема, тоа е голема победа за демократијата, рече Мадуро, пренесен од американските медиуми. Британските медиуми пренесуваат дека Обединетата социјалистичка партија на Венецуела на Мадуро и нејзините коалициски партнери освоија 67 проценти од местата во парламентот, изјави Индира Алфонс, претседател на изборната комисија. Комисијата соопшти дека на изборите учествувале само 31 процент од 20 милиони регистрирани гласачи. Со Националното собрание досега претседаваше Хуан Гуаидо, кој речиси две години се обидува да го симне од власта Мадуро и да стави крај на кризата во Венецуела. Гуаидо беше отворено поддржан од Вашингтон.

Хрватска започна масовно тестирање на граѓаните- во Македонија власта сервира само гола статистика, но не и конкретни мерки (ВИДЕО)

Дарко Андоновски — Mon, 23 Nov 2020 09:17:38 +0000

И додека секаде во светот владите се борат со сите сили против коронавирусот, во Македонија граѓаните како да имаат впечаток дека власта ниту има намера да мрдне со прст ниту е загрижена за носење на нови мерки против ширење на поразителните бројки на заразени и починати лица. Хрватска инаку денеска започна со масовно тестирање на граѓаните додека во Македонија нема ниту термини за тестирање на граѓаните, нема ниту празни кревети во болниците, а уште помалку има соодветно лекување и здравствен систем кој функционира како што треба. За жал додека Хрватска е толку блиску до нас географски, таа е толку далеку во однос на системот кој им служи во интерес на граѓаните. И додека освен во Хрватска масовно тестирање се правеше и во Словачка, во Македонија властите секојдневно на јавноста и сервира само гола статистика, но не и конкретни мерки.

Во Кина масовно тестирање поради три нови случаи на Ковид-19

Тале Кристо — Sun, 22 Nov 2020 09:09:24 +0000

Кинеските власти вршат масовни тестирања во последните 24 часа поради три нови случаи на Ковид-19 – откриени се два случаи во провинцијата Внатрешна Монголија, а еден во Шангај. Во градот Мазули во Внатрешна Монголија, властите денеска наредија затворање на училиштата, забранија јавни собири и организираа задолжително тестирање за сите граѓани, бидејќи во последните 24 часа беа откриени два нови случаи на Ковид-19. Во Шангај, по тестирање на 15.416 примероци, откриен е еден нов случај на инфекција, па локалните власти наредија да се затворат болниците и да се тестираат сите граѓани во градската област Пудонг. Во Кина, присуството на вирусот е официјално потврдено кај 86.431 лице од почетокот на пандемијата.

Словенечката Влада се подготвува за масовно тестирање

Тале Кристо — Sat, 21 Nov 2020 08:58:03 +0000

Словенечката Влада им нареди на надлежните служби до 5 декември да направат подготовки за масовно тестирање на населението, како и да подготват список на доброволци за вакцинација, објави словенечкиот премиер Јанез Јанша на Твитер. Според Јанша, одлуката е донесена врз основа на проценки на состојбата со епидемијата и во согласност со консултациите на европско ниво, објави агенцијата СТА. Словачка беше прва во Европа што започна масовно тестирање на населението на почетокот на ноември. Досега се тестирани две третини од словачките граѓани, од кои еден процент се позитивни. Од понеделник, и во Словенија ќе започне систематско тестирање на вработените во здравствените установи и домовите за стари лица.

Британски научници: Масовното тестирање ќе биде неефикасно и скапо

Тале Кристо — Mon, 16 Nov 2020 13:27:48 +0000

Плановите на британскиот премиер Борис Џонсон за масовно тестирање на Ковид-19, што може да доведе до повторно отворање на големи делови од економијата, попозната како „Операција за лансирање на Месечината“, веројатно ќе бидат неефикасни и скапи, соопштија денеска британските научници. Според нив, плановите на Владата укажуваат на промена во стратегијата за „испитување и следење“, што е придружено со тешкотии при нејзиното спроведување, но дека скринингот на населението ќе донесе нови проблеми. – Нема докази за скрининг. Доказите поврзани со тестовите во моментов се лоши и слаби и треба да се подобрат, изјави професорката Алисон Полок, клинички професор по јавно здравје на Универзитетот во Њукасл. Полок, заедно со колегите од универзитетите во Бирмингем, Варвик и Бристол, предупреди дека неефикасните стратегии за тестирање и неточните тестови можат да ја загрозат довербата во тестирањето воопшто. Тие истакнаа дека приоритет треба да биде подобрување на системот за тестирање и следење.

Предлог за масовно тестирање на коронавирус во Загреб

Магдалена Андонова — Sat, 14 Nov 2020 11:24:37 +0000

На состанокот за воведување евентуални нови мерки во Загреб, еден од главните предлози на членовите на загрепскиот штаб бил масовно тестирање на жителите на хрватскиот главен град со брзи тестови, со цел во краток рок да се детектираат колку е можно поголем број на заразени. Тоа е еден од најоптималните начини за ставање на епидемијата под контрола, бидејќи само така, без затворање на економијата, можат да се изолираат сите заразени и сите нови контакти, но и да се минимализира веројатноста за натамошно ширење на заразата, пишува „Јутарњи лист“. Во последните 24 часа во Хрватска се регистрирани 3.056 новозаразени случаи, а дури 43 лица починале. Хоспитализирани се 1.620 пациенти, од кои 179 се на респиратори, но болничкиот систем и понатаму се полни. (МИА)