мастерс – Kurir.mk

За прв пат од 1999 година, првите три носители на Мастерс загубија во својот прв натпревар

Ивана Ефремовски — Thu, 11 Aug 2022 08:37:19 +0000

Првите тројца фаворити на Мастерсот во Монтреал загубија во својот прв натпревар на турнирот. Даниил Медведев (1) загуби од Ник Кирјос, Карлос Алкарас (2) од Томи Пол, а Стефанос Циципас (3) од Џек Дрејпер. Последен пат првите три носители на Мастерс беа елиминирани по првото коло во 1999 година во Индијан Велс. Тогаш тоа беа Пит Сампрас, Евгениј Кафелников и Алекс Корета. Генерално, до третото коло во Монтреал, останаа тројца најдобри од Топ 10: Каспер Руд (7), Феликс Оже-Алиасиме (9) и Хуберт Хуркач (10). По ваквиот епилог, Надал на 22 август може да го престигне Медведев и да стане прв светски рекет по Мастерсот во Синсинати. Русинот не одбрани 1.000 поени на Мастерсот во Монтреал Во понеделник, на најновата ранг-листа, тој ќе има само 125 поени предност пред Александар Зверев, но Германецот нема да може да го помине бидејќи ќе го пропушти Мастерсот во Синсинати, каде треба да ја одбрани титулата и 1.000 поени. Но, Рафаел Надал може да стане лидер на рејтингот. За да го направи ова мора да ја освои титулата, а Медведев да загуби пред четвртфиналето. (МИА)

Соборен рекордот на Федерер според бројот на Мастерс настапи

Ивона Петрова — Fri, 08 Oct 2021 12:34:36 +0000

Шпанецот Фелисијано Лопез стана играч со најмногу настапи на турнирите од Мастерс серијата во историјата на светскиот тенис. Лопез, кој неодамна го прослави својот 40. роденден, стана рекордер со настапот во 1. коло на турнирот во Индијан Велс, во кое иако загуби од Торни Пола со 2:0 во сетови, го одигра својот 139. натпревар на Мастерс турнирите и со тоа го остави зад себе досегашниот рекордер, Швајцарецот Роџер Федерер. – Не очекував дека со своите 40 години ќе играм на Индијан Велс. Роџер, за жал, има повреда на коленото, а јас ја имав таа можност да се натпреварувам и во овие години. Сепак ова е турнир од серијата 1000 и уште една можност за мене да се натпреварувам на највисоко ниво, изјави Лопез по соборувањето на рекордот.

Откажан и тенискиот Мастерс во Мајами

Ивона Петрова — Thu, 12 Mar 2020 08:17:15 +0000

Тенискиот турнир во Мајами, кој требаше да започне за две недели, е откажан поради пандемијата со коронавирус, пренесе „Скај Италија“. Мајами опен е втор тениски турнир на толку високо ниво кој се откажува поради коронавирус. Оваа недела, сличен турнир не се одржува во Индијан Велс во Калифорнија. Утрово беше донесена одлука за стпорање и на финалето и плеј-офот на Купот на федерациите, закажано за средината на април. Мечевите од овие натпреварувања се одложени на неодредено време.

Ѓоковиќ го освои Мастерсот во Париз

Тале Кристо — Sun, 03 Nov 2019 16:04:33 +0000

Првиот рекет на светот, Србинот Новак Ѓоковиќ го победи Канаѓанецот Денис Шаповалов со 2-0, по сетови 6:3 и 6:4, во финалниот натпревар на АТП турнирот во Париз, Франција. Мечот траеше еден час и осум минути. Дваесетгодишниот Шаповалов стигна до финалето на турнирот, откако неговиот ривал Рафаел Надал го предаде вчерашното полуфинале поради повреда. Мастерс турнирот „Ролекс“ во Париз се играше за награден фонд 5,2 милиони евра.

Надал го надмина Федерер по победи во „Мастерс“ турнирите

Ивона Петрова — Fri, 09 Aug 2019 07:01:04 +0000

Рафаел Надал се квалификуваше за четвртфиналето на „Мастерс“ турнирот во Монтреал, откако го победи Гвидо Пеја со 6:3, 6:4 за 1 час и 41 минута. Така, Шпанецот го престигна својот голем ривал Роџер Федерер во победи на турнири во оваа категорија и сега има 379. Тој е и човекот со најмногу „Мастерс“ титули (34), а доколку стигне до финалето, ќе го надмине Федерер како број 2 на светската ранг-листа. Надал забележа 7 асови и 3 брејка за да постигне победа што не дојде лесно и покрај резултатот. Тешките услови на теренот поради силниот ветер го направија натпреварот непредвидлив, но Шпанецот на крајот ја задржа ладнокрвноста во важните моменти и се избори за победа. Во спорот за полуфиналето, Рафа ќе игра со седмотопласираниот Фабио Фоњини. Италијанецот го победи Адријан Манарино со 6: 2, 7: 5. Еве ги останатите 1/4-финални парови кајмажите: Гаел Монфис – Роберт Баутиста Агут; Карен Хачанов – Александар Зверев; Даниел Медведев – Домински Тим.

Ѓоковиќ прв тенисер со трофеј на секој Мастерс

Ивона Петрова — Mon, 20 Aug 2018 06:25:24 +0000

Србинот Новак Ѓоковиќ стана првиот тенисер кој освоил барем еден трофеј на турнирите од Мастерс серијата. Тој синоќа го победи Роџер Федерер во финалето на Синсинати, САД и стигна до единствената шампионска титула која му недостасуваше од Мастерс турнирите. За еден и пол час игра Ѓоковиќ победи со 2-0, двата сета ги доби со по 6:4. Поранешниот прв светски рекет сега има вкупно 70 АТП трофеи и 31 на Мастерс турнирите.