матеј периш – Kurir.mk

Анализата покажа: Матеј Периш се удавил додека бил под дејство на алкохол и дрога – детали од обвинителството

Ивана Ефремовски — Tue, 21 Jun 2022 15:37:21 +0000

Јавното обвинителство во Белград потврди дека Матеј Периш дефинитивно се удавил во ноќта меѓу 30 и 31 декември 2021 година, при што деталната анализа открила и други информации. -Токсиколошките анализи покажаа присуство на амфетамин во крвта и органите со присуство на етил алкохол, а во косата е идентификуван кокаин, пренесоа медиумите од регионот. Анализата ја потврдиле три лица, односно доктори специјалисти по судска медицина.

Зборови кои можат да искршат срце: Последен поздрав до Матеј Периш од другарите и роднините

Ивана Ефремовски — Tue, 24 May 2022 16:18:07 +0000

Матеј Периш беше погребан со семејството и пријателите во родниот град, а истата вечер неговите сограѓани во Сплит се простија од него со редица чамци, додека во Белград беа пуштени балони. Некои однеговите пријатели и роднини решија да му оддадат последна почит на Матеј во некролози во Слободна Далмација. -Збогум мили, збогум, некогаш ти пријателу ми беше се. Разделба без наша волја ветува повторна средба, нели? Последен поздрав до мојот драг пријател - е во емотивен некролог потпишан од пријателите. - Како можев да те видам освен од голема височина или од голема далечина? Како може некој да се зближи многу додека не се одалечи? Збогум драг, напишале тетките на Матеј, но и уште неколку роднини. Пријателите во некрологот го спомнаа и таткото на Матеј, Ненад. „Почитуван Нено, искрено сочувствуваме со загубата на вашиот драг син и брат. Во овој момент на неподнослива болка, ние сме со вас и вашето семејство со сета наша љубов. Ви посакуваме мир, спокојство, храброст и многу љубов“. Да потсетиме, Матеј Периш исчезна во близина на ресторанот Саванова, кога среде ноќ влегол во ледената река. По речиси пет месеци потрага, телото на Матеј минатата среда исплива од Дунав кај Ада Хуја

На денот на неговиот погреб се појави нова снимка: Дали овие 36 секунди можат да ја решат мистеријата од исчезнувањето на Матеј Периш? (ВИДЕО)

Тале Кристо — Mon, 23 May 2022 17:48:21 +0000

На социјалните мрежи се појави нова видео-снимка од безбедносните камери во Белград, на кои се гледа наводно сега веќе покојниот Матеј периш. Станува збор за снимка од кобната вечер, кога младото момче од непознати причини го напуштил ноќниот клуб „Готик“. Видео снимките се појавија денеска, токму на погребот на Матеј Периш. На снимките се гледа момче, во мајца која што одговара на онаа која Периш ја носел ноќта на исчезнувањето, како трча по шеталиштето и се движи кон улицата Караѓорѓевиќ, пишуваат српските медиуми. Ова претставува нова коцка во целиот мозаик која би можела да помогне во расветлувањето на мистеријата околу исчезнувањето на Матеј, затоа што веќе постои снимка на која Матеј фаќа такси, а се знае дека претходно бил во клубот „Готик“. Видео снимката која трае 36 секунди би можела да ја расветли мистеријата, особено од моментот на напуштањето на клубот, до моментот кога се обидува да фати такси.

pic.twitter.com/EBFrWk6DbK
— Silvana (@Silvana71376830) May 23, 2022

ТАЖНИ СТИХОВИ НА ПОГРЕБОТ НА МАТЕЈ – младото момче испратено со оваа песна која ја знаете, сите гледаа во еден детаљ на ковчегот

Дарко Андоновски — Mon, 23 May 2022 12:10:19 +0000

Голем број на луѓе пристигнале пред капелата во Сплит да го испратат, а неутешното семејство примало сочувство. Голем број на Сплиќани се собрале денеска пред капелата на тамошните гробишта за последен пат да се поздрават со Матеј Периш, 27-годишно момче од Сплит, кој ноќта пред дочекот на Нова година без трага исчезнал во Белград, во ледената Сава. Младиот Матеј бил погребан денеска нешто пред 12 часот. Покрај неговиот вечен дом има венци и цвеќиња, а на ковчегот имало цвеќе во бела боја, пишува „Republika“. Матеј бил испратен со песната на Оливер Драгојевиќ „Moj lipi anđele“, ќе почива во ѕидна гробница, во близина на својот најдобар пријател, а на еден од венците пишувало „Те сака твојата наставничка“… Семејството на трагично настраданиот Периш прво пристигнало во капелата каде примало сочувство од голем број на луѓе кои дошле да го испратат. Хрватските медиуми потсетуваат дека на истото место на кое Матеј e погребан, погребан е и неговиот најдобар пријател Ивор Алуниќ, кој трагично го загубил животот на мотоцикл.

ОД ОВИЕ ЗБОРОВИ ЦЕЛИОТ РЕГИОН Е ВО СОЛЗИ: Сестрата на Матеј Периш се прости од нејзиниот брат!

Магдалена Андонова — Mon, 23 May 2022 09:10:30 +0000

Целиот регион тагува поради трагичната смрт на Матеј Периш, младо момче од Сплит кој исчезна во Белград на новогодишната ноќ и чие тело беше пронајдено минатата недела кај Ада Хуја. Матеј денеска ќе биде погребан во родниот град Сплит, а од него вечерва ќе се простат неговите пријатели во бродска линија во близина на сплитското Фери пристаниште. Неговиот татко Ненад Периш претходно побара од медиумите и јавноста да се воздржат од доаѓање на погребот на нивниот сакан син. -Почитувани новинари и сниматели, уште еднаш ви благодарам за сочувството и правилното покривање на овој случај, но уште еднаш ве молам да се воздржите од секакво медиумско внимание за мене и моето семејство од какво било медиумско внимание на погребот на нашиот Матеј. Знам дека ќе го разберете моето барање, и за тоа ви благодарам од мое лично име и во име на моето семејство, изјави Периш. Во пресрет на погребот, сестрата на Матеј на социјалните мрежи објави потресно видео и порака со која се збогува со својот брат. На снимката се фотографиите на Матеј, а во позадина се слуша песната „Недостигаш“ на Дино Мерлин. - Недостигаш брат мој, се надевам дека конечно го пронајде својот мир, ти благодарам што постоиш, ти благодарам што ме обедини. Сава и Дунав те зедоа, Хрватска те чека и ги рашири крилјата... Почивај во мир, сестра ти те сака најмногу на светот, напиша неговата сестра.

Извини што не те бакнав за последен пат и не ти кажав колку те сакам – мистериозна девојка се прости од Матеј (ФОТО)

Дарко Андоновски — Mon, 23 May 2022 08:23:39 +0000

Извесна Ж. М. го привлече вниманието бидејќи на денот кога телото на Матеј Периш беше извлечено од Дунав, објави црна слика на Фејсбук во знак на жалост, но напиша и шокантни зборови посветени на трагично загинатиот сплиќанец. Ковчегот со телото на Матеј Периш (27) вчера е пренесен во неговиот роден град Сплит. Неговите пријатели, познаници, но и оние кои не го познаваа, тагуваат по сплиќанецот, кој на 18 мај по петмесечна потрага беше пронајден мртов во Дунав на белградска Ада Хуја. Меѓу ожалостените е и една девојка Ж. М., која му оставила порака на Матеј, откако неговото тело било извлечено од реката: – Извини, те молам, што не те гушнав и бакнав за последен пат, што не ти кажав колку ми значиш и колку те сакам… извини, ќе се видиме на подобро место, го знам тоа. Заедно со оваа порака, која ја објави во една од бројните Фејсбук групи посветени на Периш, мистериозната девојка остави три срца, но и емотикони што плачат. Таа, исто така, откако беше откриено дека сплиќанецот повеќе не е жив, оставила само црна позадина како нејзина профилна фотографија на Фејсбук, што е знак на тага, односно сакала да им покаже на своите пријатели дека страда. Под таа фотографија нејзините пријатели оставиле знак прашалник, но таа не сакала да објасни зошто е тажна – вели извор и додава дека сега луѓето кои будно ја следат потрагата по Периш претходните 139 дена се прашуваат која е девојката. – Ако лично си го познавала Матеј, треба да кажеш ако знаеш нешто… Секоја ситница може да помогне да се открие правата вистина. Ова ми е малку сомнително, бидејќи тој никогаш не познавал никого во Србија, сето тоа е малку чудно – напишале корисниците на социјалната мрежа под објавата. Курир.рс стапиле во контакт со Ж. М., а таа им објаснила дека Матеј го запознала на море. – Да, се познававме, се запознавме на море. Како што веројатно веќе знаете, тој работел како капетан. Се запознавме на море, а подоцна дружењето продолжи. Беше личност која можеше да сака секого, буквално секого – вели оваа девојка и додава дека Матеј секогаш имал големи планови.

Матеј ќе биде погребан денес до својот најдобар другар: Загинал три месеци претходно пред неговите очи, ова е НИВНАТА ПРОКЛЕТА СУДБИНА

Дарко Андоновски — Mon, 23 May 2022 07:30:22 +0000

Метеј Периш (27) ќе биде погребан денес на гробиштата во Сплит, а на тоа место почива и неговиот најдобар пријател Ивор (26) кој трагично настрадал три месеци пред него и тоа пред неговите очи. -Пред Матеј од тоа друштво настрада и Ивор. Тој беше еден од најдобрите другари на Матеј и загина пред неговите очи. Тоа се случило на 29 септември 2021, само три месеци пред да исчезне Матеј. Двајцата иделе заедно во школо, одраснале заедно и одлично се сложувале и Иво работел на брод исто како Матеј, а судбината сега сака да почиваат еден покрај друг на исто место. Целиот живот го поминале заедно, а сега ќе бидат пак заедно, раскажува нивен пријател. Тој додава дека на Матеј му било многу тешко по смртта на Ивор. -Се трудеше да го продолжи животот нормално, го советувавме да оди на психолог, бидејќи го гледаше како другарот му умира, но не можеше да направи ништо. Му даваше вештачко дишење, но не успеа да му помогне, а тоа сигурно оставило трага врз него понатаму и само тој знаел како се чувствува, вели изворот. Инаку другарот на Матеј загинал со мотор откако двајцата биле во Макарска, а на враќање тој загубил контрола и удрил во банкината, а откако моторот се превртил Ивор паднал и добил фатален удар во главата.

Семејството на Маријана стравува дека таа имала иста судбина како Матеј Периш

Ивона Петрова — Sat, 21 May 2022 17:45:14 +0000

Победничката на регионалното шоу „Голмиот брат“, Маријана Зајферт исчезна на 27 април во Загреб и од тогаш активно се трага по неа. Семејството сега се сомнева дека таа можеби имала слична судбина како Матеј Периш, младото момче од Сплит чие тело пред два дена беше пронајдено во Дунав. Сестрата на Маријана, Маја открива дека семејството тешко ја поднесува неизвесноста и се во исчекување барем на некоја вест за настанот. Вели дека е збунета и дека немаат нови информации. -Никој ништо не знае. И натаму се трага за Маријана, се пребарува реката со оглед на тоа дека таму се пронајдени нејзините лични работи. Големо страдање и агонија, тешко ми е да кажам било што разумно. Немаме никаква информација. Родителите се во катастрофална состојба, целото семејство е скршено, вели Маја. Додава дека семејството се сомнева дека Маријана ја има истата судбина како и Матеј. -Целото семејство очекува некои вести, па макар и да се најде на начин на кој е најден и Матеј. Само да откриеме конечно нешто. Тешко ми е да зборувам. Нашиот заклучок во моментов е дека се случило нешто слично како што му се случило на Матеј, вели сестрата на Маријана.

Заменик градоначалникот на Белград: Збогум Матеј, твојот прекрасен татко ни одржа лекција!

Тале Кристо — Fri, 20 May 2022 14:27:08 +0000

Заменик градоначалникот на Белград Горан Васиќ се опрости од Матеј Периш, хрватскиот државјанин кој ноќ пред Нова година се удави во Белград, и чије тело денеска ќе биде испратено во Сплит. -Збогум Матеј!До крај се надевав дека малку си се сокрил од се и дека сепак ќе го запознаеш Белград во кој што си дошол. Како и ние тебе. Тажен сум. Тажен е Белград. -Сите се плашевме за твојата судбина и се надевавме. Твоите сплитќани, ние белграѓани, загребчани, новосадѓани... Твојот прекрасен татко ни одржа лекција по достоинство. Ангелите нека те чуваат!, напишал Васиќ, пишува српски Телеграф. Претходно од Министерството за внатрешни работи на Србија официјално соопштија дека со ДНK анализа на телото кое беше пронајдено во Дунав, утврдено е дека се работи за хрватскиот државјанин Матеј Периш (1994) чие исчезнување е пријавено во полицијата во Белград на 31 декември минатата година. Според преелиминарните наоди од обдукцијата, смртта настапила по ненасилен пат. -Припадниците на МВР од моментот на пријавата за исчезнување на хрватскиот државјанин интензивно трагаа по него и ги преземаа сите мерки за да го пронајдат и да ги расветлат сите околности за исчезнувањето, се наведува во соопштението.

ТАТКОТО ГО ВНЕСЕ КОВЧЕГОТ ВО ЦРКВАТА – потресни сцени од последното испраќање на Матеј од Белград за родниот Сплит (ФОТО)

Дарко Андоновски — Fri, 20 May 2022 12:56:27 +0000

Телото на Матеј Периш денеска од црквата Свети Антониј во Белград ќе биде испратено во Сплит, каде што ќе биде погребан, соопштија од белградската надбискупија, јавуваат српските медиуми. Медиумите потсетуваат дека вчера беше потврдено дека младиот човек чие тело беше пронајдено завчера во Дунав е Матеј Периш. Според Телеграф, ДНК-анализата докажала дека се работи за исчезнатиот граѓанин на Сплит. Причината за смртта е давење, покажала обдукцијата. Ќе се прави и токсиколошка анализа, но овие резултати се очекуваат за неколку недели, пренесуваат медиумите. Неговото тело го извлекле морнарите завчера наутро околу 9 часот и 30 минути. Телото е пронајдено на местото наречено Ада Хуја, кое се наоѓа низводно на сливот на Сава и Дунав, кое неколку пати било детално пребарувано. Претходно вчера српската полиција го појасни целиот случај. „Министерството официјално соопштува дека со ДНК анализа на телото, кое вчера околу 9 часот и 20 минути беше пронајдено во Дунав, на Ада Хуја, е утврдено дека се работи за хрватскиот државјанин Матеј Периш (26), чие исчезнување беше пријавено кај белградската полиција на 31 декември минатата година“, соопшти српската полиција, пренесува Телеграф. „Според прелиминарниот обдукциски извештај, смртта била ненасилна. Припадниците на министерството интензивно трагаа по него од пријавата за исчезнувањето на хрватскиот државјанин и ги преземаа сите мерки и дејствија за негово пронаоѓање и расветлување на сите факти и околности“, било потенцирано од страна на надлежните. Хрватската амбасада во Белград во соработка со семејството и српските институции ќе ги заврши сите формалности и процедури неопходни за семејството на Матеј Периш да го преземе и да го пренесе неговото тело во Хрватска што е можно поскоро, изјавиле од амбасадата за „Хина“. Таткото на Матеј ја повикал „Слободна Далмација“ од Белград. Човек кој ќе изгуби некого, како што јас го изгубив мојот Матеј, има само една надеж, а тоа е да биде што е можно поблиску до него. Тоа ќе се случи еднаш, не знам кога, но ќе се случи. Ние мора да продолжиме да живееме овде на земја до некоја нова средба“, изјавил Ненад Периш за „Слободна Далмација“. „Ништо не може да го подготви човекот за вакви вести. Денеска беше најлошиот ден во мојот живот, а надежта остана некаде како меур во воздухот. Го враќам мојот син дома, во неговиот Сплит“, додал Периш. „Барам јавноста да ја почитува нашата желба достојно да се простиме од нашиот Матеј во кругот на семејството. Ги молам луѓето и јавноста да го разберат ова и однапред им се заблагодарувам за разбирањето. Лично не одбивам никакво сочувство од никого , но едноставно сакам да бидам во мир и во мир да се збогувам со мојот син“, изјавил тој. Матеј исчезна ноќта меѓу 30 и 31 декември. Истрчал од клубот каде последен пат бил виден, трчал низ белградските улици, се обидел да запре такси, а потоа, како што беше пренесено на одредени снимки, се спушта по скалите кон Сава. Но, не се гледа дека влегол во вода, пишуваат медиумите во соседството. По ова како што анализираат истите, беше започната голема потрага, а српската полиција со недели вршеше увид во Сава и Дунав. Истрагата беше проследена со бројни шпекулации, но и теории на заговор.