матео беретини – Kurir.mk

Беретини му се закани на судијата на Вимблдон поради одбивањето да го прекине натпреварот

Дарко Андоновски — Thu, 06 Jul 2023 06:58:32 +0000

Италијанскиот тенисер Матео Беретини му се закани на судијата поради неговото одбивање да го прекине мечот од првото коло на Вимблдон против сонародникот Лоренцо Сонего, пренесува „Tennis-Infinity“. Инцидентот се случил вчера. Теренот на кој играа тенисерите беше лизгав поради дожд. Во текот на третиот сет Беретини и Сонего неколку пати паднаа, но судијата не ја прекина играта. По уште еден пад, тенисерот го прашал судијата зошто играта не е прекината и покрај условите. Тој додаде дека тоа може да биде трауматично за играчите. - Ако се повредам, ќе те тужам, договорено? Знам дека сакаш да играме, но ако паѓаме често, тоа е опасно, му рече Беретини на судијата. Мечот беше прекинат во текот на четвртиот сет при резултат 2:1 за Беретини. Продолжението е закажано за денес.

Беретини се повлече од Вимблдон поради коронавирус

Ивона Петрова — Tue, 28 Jun 2022 10:53:55 +0000

Италијанскиот тенисер Матео Беретини поради добиен позитивен тест на коронавирус се повлече од Грен слемот Вимблдон пред натпреварот од првото коло против Кристијан Гарин. – Со скршено срце објавувам дека нема да можам да се натпреварувам на Вимблдон поради позитивен тест за ковид. Имав симптоми слични на грип и во изминатите неколку дена бев во самоизолација. Иако симптомите не беа сериозни, наутро направив уште еден тест за да не ги загрозам моите колеги и другите луѓе вклучени во турнирот. Немам зборови да го опишам разочарувањето што го чувствувам. Мојот сон за оваа година е уништен, но ќе се вратам посилен, напиша Беретини. Италијанецот ги освои турнирите во Штутгарт и Лондон пред стартот на Вимблдон 2022. Претходно, поради Ковид од Грен слемот во Лонодн се повлече и хрватскиот тенисер Марин Чилиќ.

Матео Беретини триумфираше на Квинс

Бошко Тасиќ — Sun, 19 Jun 2022 19:36:35 +0000

Италијанскиот тенисер Матео Беретини е новиот шампион на мастерс-турнирот Квинс кој се одржа во Лондон. Беретини во финалето славеше над српскиот тенисер Филип Крајиновиќ, кого го победи со 2-0 во сетови (7-5, 6-4). Во првиот сет Италијанецот го направи клучниот потег кога направи брејк при 5-5, додека во вториот се освои противнички сервис во петтиот гем.

Беретини го освои првиот турнир по операцијата

Ивона Петрова — Sun, 12 Jun 2022 18:49:14 +0000

Италијанскиот тенисер Матео Беретини го освои трофејот на АТП турнирот во Штутгарт победувајќи го денес во финалето Енди Мареј со 6:4, 5:7 и 6:3. Во Германија, десеттиот на светската ранг-листа го играше првиот турнир од средината на март. Тој пропушти три месеци поради повреда на раката која беше санирана со операција. Беретини ја освои својата шеста титула во кариерата и трета на трева. Во Штутгарт Италијанецот по втор пат го освои трофејот, првиот беше во 2019 година. Генерално, од 2019 година, Беретини го играше својот 30-ти натпревар на трева и ја извојува 27-та победа

Матео Беретини против Рафаел Надал во полуфиналето на АО

Бошко Тасиќ — Tue, 25 Jan 2022 15:58:06 +0000

Матео Беретини ќе му се спртивстави на Рафаел Надал во полуфиналето на Австралија Опен. Тенисерот од Италија, за нешто помалку од четири часа го победи Гаел Монфис со 3:2. Беретини, слично како и неговиот следен противник, испушти предност од 2:0 во сетови, но на крајот победи со 6/4, 6/4, 3/6, 3/6, 6/2. Францускиот тенисер сепак не успеа да го искористи моментумот. Беретини, во решавачкиот сет, експресно направи два брејка, поведе со 4:0 и го заклучи мечот. Беретини, со следниот противник, има одиграно само еден меч, во полуфиналето на Ју-ес опен во 2019 година. Победата му припадна на Надал.

Беретини во финалето на АТП Мастерсот во Мадрид

Бошко Тасиќ — Sun, 09 May 2021 07:41:21 +0000

италијанскиот тенисер Матео Беретини стигна до најголемиот успех во кариерата и се пласираше во своето прво мастерс финале, откако со 2-0 по сетови 6-4 и 6-4 беше подобар од Каспер Руд.

Италијанецот, кој е десетти светски рекет за него е деби во Мадрид и веднаш стигна до мечот за титулата каде ќе се сретне со засега инзворедниот Александер Зверев. Германецот да подсетиме го елиминираше Рафаел Надал во четвртфиналето, а вчера во полуфиналето беше подобар од Доминик Тим со 6-3 и 6-4.

Беретини го освои АТП турнирот во Белград

Бошко Тасиќ — Sun, 25 Apr 2021 21:53:33 +0000

Матео Беретини го освои тенискиот турнир во Белград откако во финалето го совлада Аслан Карацев со 2-0 по сетови (6-1, 3-6, 7-6/0). Почетокот најави доминација на Матео Беретини кој убедливо го надигра рускиот ас со 6-1. Следуваше подобро издание на Карацев, кој започна да ја игра својата игра и возврати со еден брејк во продолжението. Уште во раната фаза тој го одзеде сервисот на Италијанецот и го однесе мечот во трет сет. Во моментите на одлука се играше изедначено. Двата финалисти направија по еден брејк, а победникот на крај го одлучуваше тај-брејкот. Уште претходно италијанскиот тенисер имаше шанса за да го одлучи мечот, а тоа го направи со седум поени во низа во завршницата.