Еурофарм Пелистер ќе добие обештетување од трансферот на Мараш во Татабања

Ристе Здравков — Fri, 04 Mar 2022 15:49:45 +0000

Екипата на Татабања ќе биде следната дестинација на младиот десен бек на Еурофарм Пелистер, Матео Мараш. Попладнево, унгарскиот клуб се пофали дека го договори потписот на хрватскиот репрезентативец, за кој мораше да плати обештетување. Мараш има важечки договор со Еурофам Пелистер до јуни 2023 година, и може да го напушти битолскиот клуб само во случај ако некој ја активира откупната клаузула од договорот. „РК Еурофарм Пелистер ја известува јавноста дека клубот Татабања од Унгарија нè информира дека е подготвен да ја плати откупната клаузула од договорот на ракометарот Матео Мараш, кој има активен договор со нашиот клуб. По комплетирањето на трансакцијата и на истекот од тековната сезона, договорот може да биде комплетиран, почнувајќи од сезоната 2022/23. РК Еурофарм Пелистер се заблагодарува на унгарскиот клуб за професионалниот пристап и на ракометарот за спортскиот ангажман“, велат од редовите на Еурофарм Пелистер. Мараш не е единствениот пелистерец кој следната сезона се сели во Унгарија, затоа што заедно со него за Татабања ќе земине и српскиот бек Немања Обрадовиќ.

Хрватот Мараш останува уште две години во македонски клуб

Ивана Ефремовски — Mon, 01 Mar 2021 17:26:07 +0000

Македонскиот претставник во ракометната Лига Европа, Еурофарм Пелистер, ја продолжи соработката со хрватскиот интернационалец Матео Мараш (20) до јуни 2023 година. -Сакам да му се заблагодарам на клубот. Првите шест месеци минаа многу убаво, беше приспособување, но се чувствувам убаво тука. Играме многу добро, клубот покажува дека е на високо европско ниво, што може да се види низ натпреварите во Лига Европа и натпреварите кои ни претстојат, а на кои сакаме да покажеме кој е нашиот вистински квалитет, изјави денеска Мараш за клупскиот сајт. Хрватскиот десен бек, кој дојде минатото лето како позајмен играч во Битола, е третиот Хрват, кој ја продолжи соработката со Еурофарм Пелистер, по ракометарот Стипе Мандалиниќ и тренерот Жељко Бабиќ. -Имаме мала хрватска колонија тука во Битола. Имаме голем број интернационалци и многу добро сме вкомпонирани во тимот. Добро се согласуваме, добра клапа сме и пријатно е да се тренира и да се биде во овој клуб, додаде Мараш. (МИА)

Матео Мараш – Kurir.mk

Еурофарм Пелистер ќе добие обештетување од трансферот на Мараш во Татабања

Хрватот Мараш останува уште две години во македонски клуб