Матеуш Моравјецки – Kurir.mk

Моравјецки: Полска повеќе не испорачува оружје на Украина

Ристе Здравков — Thu, 21 Sep 2023 07:52:59 +0000

Полскиот премиер Матеуш Моравјецки доцна синоќа изјави дека неговата земја повеќе не му доставува оружје на Киев, бидејќи се фокусира на сопственото вооружување. Тој го изјави ова неколку часа откако Варшава „итно“ го повикала украинскиот амбасадор во знак на протест поради изјавите на претседателот Володимир Зеленски, кој ја критикуваше Полска и некои други земји во ОН поради ембаргото за украинското жито. „Веќе не префрламе никакво оружје во Украина, бидејќи се вооружуваме со најмодерно оружје“, рече Моравјецки одговарајќи на новинарско прашање за воената и хуманитарната поддршка на Полска за Украина и покрај конфликтот со жито.

Моравјецки: Полска повеќе не испорачува оружје на Украина

Ивана Ефремовски — Thu, 21 Sep 2023 06:45:04 +0000

Лапсузот на полскиот премиер стана ХИТ кај народот

Ивана Ефремовски — Wed, 20 Sep 2023 09:29:05 +0000

Полјаците на интернет од утринава се забавуваат со новиот лапсус на премиерот Матеуш Моравјецки, кој на конференција за новинари најсериозно предупреди на „опасноста“ - неговата партија Право и Правда да се врати на власт на редовните парламентарни избори на 15 октомври. -Сакаме да ве потсетиме на нашиот однос со Русија. Сакаме да ве потсетиме колку голема е опасноста од враќањето на власт на Право и Правда во Владата. Значењето на овие избори е огромно, изјави премиерот Моравјецки. „Тој првпат ја кажа вистината“, „Првпат се согласувам со премиерот“ - се најчестите коментари на опозициските политичари и други корисници од Полска на интернет-просторот. Натаму, има и такви кои прашуваат дали премиерот се вратил во тимот на својот поранешен шеф - порано премиер, а сега главен опозициски лидер Доналд Туск, како потсетување дека своевремено Моравјецки беше еден од економските советници на Туск кога овој беше премиер. (МИА)

Моравјецки: Зеленски е најистакнат лидер на 21 век

Катерина Бојаџиева — Sun, 14 May 2023 16:32:08 +0000

Полскиот премиер Матеуш Моравјецки го поздрави украинскиот претседател Володимир Зеленски како бранител на европските вредности. Зеленски е „голем европски лидер“, „херој“ и „најистакнат лидер на меѓународната сцена во 21 век“, рече Моравјецки за време на церемонијата на доделување на наградата Карло Велики на Зеленски и на украинскиот народ во западниот германскиот град Ахен. - Претседателот Зеленски е пример за секој политичар … Руските варварски напади, од друга страна, беа антитеза на слободната Европа што ја бранеше Украина, рече Моравјецки. Во својот говор, Моравјецки го цитираше поранешниот француски министер за надворешни работи и пионер на европското обединување, Роберт Шуман, кој рече дека обединета Европа во принцип мора да биде отворена за секоја демократска европска земја. Пристапувањето на Украина во Европската унија е една од најважните цели на Зеленски.

Моравјецки: Варшава е подготвена да ги обучува украинските пилоти за летање со борбени авиони Ф16

Ивана Ефремовски — Fri, 24 Feb 2023 17:39:49 +0000

Полскиот премиер Матеуш Моравјецки за време на заедничката прес-конференција со украинскиот претседател Володимир Зеленски, рече дека Варшава е подготвена да ги обучува украинските пилоти за летање со борбени авиони Ф16. Сепак, тој додаде дека тоа треба да се направи во рамките на една поширока меѓународна коалиција, пренесе „Киев индепендент“. „Полска е подготвена да спроведе таква обука. Многу е важно небото над Украина повторно да биде безбедно“, рече Моравјецки. Моравјецки е во Киев на денот на годишнината од рускиот напад врз Украина. Претходно, Варшава соопшти дека нејзините тенкови „Леопард 2“ веќе се му се испорачани на Киев. (МИА)

Полскиот премиер свика итен состанок

Ивана Ефремовски — Tue, 15 Nov 2022 20:02:46 +0000

Премиерот на Полска, Матеуш Моравјецки итно го свика Комитетот на Министерскиот совет за прашања на националната безбедност и одбраната, изјави владиниот портпарол Пјотр Мулер. Тој не ја откри причината за свикувањето на итниот состанок. Според полските медиуми состанокот е свикан откако врз селото Пржеводов на полско-украинската граница попладнето се случила експлозија, а според првичните информации загина две лица. Ве молиме, не објавувајте непотврдени информации, за ова ќе разговараме по средбата, истакна Мулер. На средбата со министерот за внатрешни работи и администрација Мариуш Камински, министерот за надворешни работи Збигњев Рау, министерот за правда Збигњев Зиобро присуствува и претседателот Анджеј Дуда. Дел од полски медиуми јавија дека експлозијата се случила по пад на проектил. Оваа вест не е официјално потврдена. Неименуван висок американски претставник изјави дека експлозијата е предизвикана од руски ракети. Од Пентагон изјавија дека не можат да потврдат дека се работи за руски ракети. (МИА)

Моравјецки: Победа на Русија значи катастрофа за Европа

Тале Кристо — Fri, 09 Sep 2022 17:04:13 +0000

Победа на Русија над Украина би била катастрофална не само за таа земја, туку и за цела Европа, изјави денеска во Киев полскиот премиер Матеуш Моравјецки. Полскиот премиер, кој беше во Киев со летонскиот претседател Егилс Левитс на разговори со шефот на украинската држава Володимир Зеленски, рече дека Украина мора да ја добие војната со Русија, бидејќи руската победа ќе значи пропаст на европските вредности. – Тоа (победата на Русија) би значело катастрофа за Европа и би бил голем пораз не само за Украина, туку и за целиот континент. Не само што би било невозможно да се задржат европските вредности – оние европски вредности за кои Украина се бори денес, како слободата, независноста, братството и правото на живот – туку и сите тие вредности би биле изгубени, изјави Моравјецки по разговорите. Зборувајќи за одговорот на ЕУ на руската инвазија на Украина, Моравјецки рече дека санкциите наметнати на Русија од Брисел имаат ефект и ќе бидат сè поболни за руската економија во иднина, и покрај тврдењето на Москва за спротивното. – Русија се обидува да покаже воздржаност, но од месец во месец… овие санкции ќе бидат сè поболни за нејзината економија, рече тој. Зеленски им се заблагодари на Моравјецки и Левитс за поддршката од нивните земји за Украина во конфликтот со Русија, а особено за нивните напори да обезбедат финансиска помош од ЕУ за Украина. Зеленски рече дека Полска и Летонија се сметаат за „сигурни партнери“ во Киев и истакна дека двете земји цврсто стојат зад Украина од избивањето на конфликтот.

Моравјецки: Украинските војници се борат за безбедноста на Европа

Ивана Ефремовски — Tue, 19 Apr 2022 16:43:24 +0000

Полскиот премиер Матеуш Моравјецки денеска изјави дека Полска не може да ги остави на цедило своите соседи и ги повика другите нации „да го поддржат борбениот дух на Украина“. Моравјецки кажа дека украинските трупи се борат за безбедноста на Европа. -Треба да ја поддржиме оваа борбеност, преку грижата за најслабите, кажа тој. „Денеска видовме жени и деца, бидејќи мажите се борат на фронтот за слободна Украина и за нашата безбедност“, додаде полскиот премиер. Моравјецки изјавата ја даде во Лавов, градот во западна Украина што вчера беше ракетиран, на отворањето на новиот објект за привремено сместување на раселените лица. Полската Влада соопшти дека во партнерство со Украина, во привремените контејнерски градови во Лавов, како што е овој денешниот, ќе бидат сместени до 5.000 Украинци, раселени од другите делови на земјата. (МИА)

Моравјецки ги повика Полјаците на лични санкции и бојкот на компаниите кои заработуваат во Русија

Ивана Ефремовски — Sun, 17 Apr 2022 10:05:04 +0000

Полскиот премиер Матеуш Моравјецки ги повика Полјаците да воведат свои лични санкции кон Русија, преку бојкот на стоки од руски компании или странски кои заработуваат во Русија. „Бидејќи војната веќе на некој начин се однесува на секој од нас, тогаш секој од нас мора на некој начин да се вклучи во нејзино запирање. Затоа, ве повикувам самоиницијативно да воведете свои лични санкции. Најочигледен е бојкотот на руските производи, бојкотот на руските компании, но и на оние странски кои не сакаат да престанат да заработуваат со нивното присуство во Русија“, рече Моравјецки во својот викенд подкаст. Полскиот премиер рече дека списоците на тие компании се лесно достапни на Интернет. Тој додаде дека е разбирлив отпорот кон сè што е руско ширум светот од крајот на февруари, кога Русија ја нападна Украина, па дури и кон руската култура, но смета дека руските книги не треба да се фрлаат. „Не ве поттикнувам да фрлате руски книги, бидејќи тоа е важна литература. Но, во најскоро време, подобро земете да го читате Тарас Шевченко, а не Александар Пушкин“, препорача Моравјецки. (МИА)

Моравјецки повика на меѓународна истрага за „геноцид“ во Украина

Дарко Андоновски — Mon, 04 Apr 2022 08:43:19 +0000

Полскиот премиер Матеуш Моравјецки денеска повика на меѓународна истрага за, како што го нарече „геноцидот“ извршен од руските војници во Украина. – Предлагаме меѓународна комисија да го истражи ова злосторство на геноцид, рече тој, мислејќи на убиствата на цивили во градовите, вклучително и во Буча, во близина на главниот град Киев.