Матија Биното – Kurir.mk

Биното поднесе оставка

Ивона Петрова — Tue, 29 Nov 2022 09:46:15 +0000

Извршниот директор на Ферари, Матија Биното поднесе оставка. Во официјалното соопштение на италијанскиот тим во Формула 1 се истакнува дека Биното ќе престане да ги извршува своите обврски по 31 декември. Името на новиот шеф на Скудерија Ферари ќе биде објавено на крајот на декември. Ферари не успеа да го освои шампионскиот трофеј оваа година, иако пред почетокот на сезоната важеше за фаворит.

Ферари донел одлука за иднината на Биното

Бошко Тасиќ — Sun, 27 Nov 2022 06:16:52 +0000

Ферари ги подобри резултатите во однос на претходните сезони, но се чини дека тимот направи премногу стратешки грешки за време на трките и поради тоа е неминовно да има промени во раководството. Италијанските медиуми тврдат дека Џон Елкан и неговите соработници веќе донеле одлука за крај на соработката со досегашниот тимски шеф Матија Биното и само недостасува официјална потврда од клубот. Во Ферари не се задоволни од одлуките носени од тимот предводен од Биното, одлуки кои се претвораа во лоши проценки и грешки и носеа и потсмев за легендарниот тим. Шпекулациите за отказ на Биното се појавија уште пред две недели, но тогаш беа демантирани, пред се поради трката во Абу Даби каде Ферари и Шарл Леклер имаа важни амбиции. Најсериозен кандидат за наследник на Биното е Фредерик Васер, актуелниот тимски шеф на Алфа Ромео.

Биното: Ферари го нема победничкиот дух од ерата на Михаел Шумахер

Дарко Андоновски — Mon, 26 Sep 2022 12:07:10 +0000

Матија Биното смета дека Ферари се уште не го пронашол шампионскиот дух. Актуелниот извршен директор на Скудерија му се приклучи на тимот во 1995 година и беше сведок на првата победа на Михаел Шумахер за Ферари во 1996 година. – За мене тоа беше и прва победа. Кога ја слушав химната, сфатив што е тоа Ферари. Потоа почнавме да освојуваме првенства во 1999 и 2000 година. Тој победнички став од ерата на Шумахер што ве тера да работите уште подобро по секоја победа сега го нема. Ф1 се промени драстично, големите тимови се зголемија повеќе од двојно, вистинските гиганти се борат во однос на можностите и ресурсите. Колку попријатно ќе биде да ги победиме нашите ривали, изјави Биното. Тој смета дека неговиот тим ги има најдобрите пилоти. – Повторувам, го имаме најдобриот пар на тркачи во Ф-1. Одлично се согласуваат, си помагаат, што придонесува за растот на тимот. Но, не можеме само добро да ја вршиме нашата работа – треба постојано да се подобруваме, да напредуваме, да даваме 120 проценти, ако не и 130. Во 2021 година завршивме шести во шампионатот за конструктори и се соочивме со притисок и критики. Ветивме дека ќе станеме конкурентни и го одржавме ветувањето. Сепак, да се има силен автомобил и возачи и способност да се користат можностите во секоја ситуација се две различни работи. Треба да го направиме следниот чекор, истакна Биното. За Ферари сезонава возат Шарл Леклер и Карлос Саинц.

Биното: Ред Бул веќе неколку трки е побрз од Ферари

Ивона Петрова — Mon, 29 Aug 2022 08:19:54 +0000

Извршниот директор на формула 1 тимот Ферари, Матија Биното откри што мисли за неимпресивната брзина на нивните болиди на вчерашната трка за Големата награда на Белгија. Возачот на Ред Бул, Макс Верстапен, успеа да победи и покрај тоа што стартуваше од 14-та позиција, додека Карлос Саинц од Ферари падна од првото на третото, а Шарл Леклер заврши на шестото место. – Не бевме толку брзи како нив. Ако ја споредиме нашата позиција со другите противници, тие беа на своите вообичаени позиции. Се соочуваме со големо деградирање на гумите и треба да анализираме како да ја подобриме ситуацијата, бидејќи тоа значително се одрази на брзината. Не сум среќен бидејќи дојдовме овде со надеж за поуспешен исход. Но, мора да признаеме дека Ред Бул беше побрз, исто како во Унгарија. Значи, тие се веќе неколку трки побрзи. Можеме само да работиме на себе, да се обидеме да најдеме слабости, да се развиваме – не само за доброто на оваа сезона, туку и за следната, изјави Биното. Тој зборуваше за шансите на Шарл Леклер за титулата. – Разликата од Макс е многу голема. На Шарл веќе не му е доволно и да победи на сите трки, туку треба да се надева и на „кикс“ на Макс. Кога ќе зависите од другите, работите стануваат многу потешки. Поважно е да се фокусирате на себе, да ги проучувате вашите перформанси и јазот со Ред Бул – не само за следните трки, туку и за иднината, додаде Биното. Во Генералниот пласман Верстапен е прв со 284 бодови, пред перез со 191, Леклер е трет со 186. Во поредокот на конструктори, Ред Бул е прв со 475 бода, Ферари собра 357, Мерцедес 316.

Биното: Кој ќе биде прв возач на Ферари ќе биде одлучено на патеката

Ивона Петрова — Wed, 29 Dec 2021 13:17:55 +0000

Извршниот директор на Формула 1 тимот Ферари, Матија Биното, изјави дека ниту Шарл Леклер ниту Карлос Саинц нема да добијат приоритет на почетокот на сезоната 2022 година. – Многу пати кажавме дека тоа ќе се решава на патеката. Тимот секогаш е на прво место. Ако возачите се борат за важна позиција во шампионатот, на патеката ќе стане јасно кој е подобра. Тука не одлучуваат само талентот или способноста на пилотот. Има и други фактори: лоша среќа, дефекти, проблеми со проценка во даден момент, несреќи, исто така, може да го попречат балансот на силите. Така што засега нема потреба да се определува кој ќе биде прв, а кој втор возач во тимот. Кога ќе дојде време, ќе разговараме за ова прашање во зависност од резултатите на патеката, изјави Бинот5о. Ферари имаа амбиции во новата сезона да се вмеша во трката за шампионскиот трофеј конкурирајќи им на Мерцедес и на Ред Бул.

Џовинаци и Мик Шумахер ќе бидат резервни пилоти на Ферари во 2022 година

Дарко Андоновски — Wed, 22 Dec 2021 11:25:25 +0000

Шефот на Ферари, Матија Биното изјави дека Антонио Џовинаци и Мик Шумахер ќе ја делат улогата на резервен пилот на италијанскиот тим во Формула 1 во сезоната 2022 година. Шумахер ќе го замени Џовинаци како резервист на тие Гран при, на кои Италијанецот нема да може да присуствува поради настапите во Формула Е. – Антонио Џовинаци нема да се натпреварува во Формула 1 следната година, но тој ќе остане наш резервен возач. Тој ќе служи како резервен возач на дванаесет трки – кои нема да се поклопуваат со етапите во Формула Е, каде Антонио одлучи да се натпреварува следната година и за што сме многу среќни. На преостанатите единаесет трки, на кои Антонио нема да биде присутен, Мик Шумахер ќе биде резервен возач на Ферари – што, мислам, исто така е одлично. Впрочем, ова ќе биде негова втора сезона во Ф1, а Мик е возач на Ферари, член на нашата Академија. Многу ми е драго што ќе може да биде дел од нашиот тим како резервен пилот, доколку се бара. Иако се надевам дека таква потреба нема да се појави. Секогаш ќе има пристап до нашиот симулатор во Маранело. На крајот на краиштата, ние секогаш продолжуваме да ги развиваме нашите возачи, бидејќи нашата цел е тие, на крајот, да бидат во Ферари, изјави Биното. Се очекува, Ферари новиот болид да го претстави кон средината на февруари.

Биното: Шумахер беше природен лидер, Леклер треба да развива такви квалитети

Дарко Андоновски — Wed, 09 Dec 2020 13:21:53 +0000

Шефот на Ферари, Матија Биното верува дека Шарл Леклер на крајот би можел да стане лидер на тимот каков што своевремено беше Михаел Шумахер. Според Биното, моменталната ситуација во Ферари е нешто слична на тоа кога тимот се формирал околу Шумахер. – Понекогаш правам такви споредби. И навистина има некои сличности, несомнено. Ферари направи многу инвестиции од 1995 до 2000 година. Исто така, инвестираме не само во технологија, туку и во луѓе, се обидуваме да ангажираме млади и талентирани инженери. Како што и самите можете да видите, во последниве години, Ферари ангажираше многу млади инженери, кои денес почнуваат да стануваат ‘костур’ на тимот. Во тие денови, Ферари имаше лидер – тоа беше Михаел Шумахер. Денес, ми се чини, имаме лидер – Шарл Леклер. Иако е јасно дека тој не е толку искусен како Мајкл, бидејќи тој не е светски шампион. Но, ние имаме тркач кој е лидер на патеката за тимот. И мислам дека целата наша компанија е посветена на постигнување успех и започнување на победнички циклус во иднина, изјави Биното. Шарл сега е многу помлад од Михаел тогаш. Како што често се случува, тој треба да се развива, да собере тим околу него. И идниот успех на Ферари ќе зависи од тоа како Леклер ќе се покаже како лидер. Иако ми се чини дека Михаел по природа беше многу силен лидер. Шарар треба да продолжи да развива лидерски квалитети, потенцира Биното.

Биното: Многу жалиме што проблемот на пит-стоп го лиши Фетел од местото во Топ 10

Дарко Андоновски — Mon, 02 Nov 2020 11:51:33 +0000

Шефот на Формула 1 тимот Ферари, Матија Биното изрази жалење за пропуштената шанса Себастијан Фетел да освои бодови на вчерашното Гран-при на Емилија-Ромања. Тој му се извини на германскиот пилот. – Себастијан имаше и силна трка, и многу ни е жал што проблемот на пит-стоп го лиши од место во топ 10 и шанса да заработи вредни бодови. Очигледно, ние го консолидиравме напредокот што беше забележан на последните трки – особено кога станува збор за тркачкото темпо на патеки со многу различни карактеристики. Ова е важно за преостанатата трка, како и за следната сезона, истакна Биното. Првиот оперативец на Ферари, им ја честита титулата на Мерцедес, седма по ред во конкуренција на коструктори во шампионатот во Формула 1. – Би сакал да му честитам на Мерцедес за освојувањето на трофејот кај конструкторите. Ни претстои долг пат да се бориме повторно за овие цели, кои толку често ги постигнувавме во нашата историја, но ние цврсто веруваме дека сме способни за тоа, заклучи Биното.

Во Ферари имаат целосна доверба во Биното

Магдалена Андонова — Tue, 28 Jul 2020 12:39:48 +0000

Претседателот на Ферари, Џон Елкан изјави дека му верува на лидерот на тимот, Матија Биното. – Оваа година ние сме помалку конкурентни како резултат на загубата на моќноста на моторот. Денес ние ја поставуваме основата за покажување резултати и остварување на победи по влегувањето во сила на новата регулатива во 2022 година. Ферари во целост има доверба во Матиа Биното, тој ги има сите квалитети за да започне нов циклус на победи за тимот. Тој работел во тим со Жан Тод и Мајкл Шумахер и знае како да победува, а следната година ќе работи со двајца млади и амбициозни пилоти, изјави Елкан за „La Gazzetta dello Sport“. Во текот на изминатите десет години, пилоти од висока класа, светски шампиони, како Фернандо Алонсо или Себастијан Фетел, возеа за нас, но кога веќе сте победиле, за вас е потешко да останете трпеливи. Ние градиме основа за долгорочен проект, што е потврдено и со потпишување на петгодишен договор со Шарл Леклер. Го одобривме одложувањето на влегувањето во сила на новата регулатива до 2022 година, веруваме дека ова е правилна одлука. Нашите инженери, механичари и пилоти се решени да ја покажат сета сила и креативност да го вратат Ферари на врвот. Јас не сум видел ваков вид тимска кохезија во последните 10 години, потенцира Елкан. По три трки на почетокот на сезоната 2020 Ферари има само еден подиум (2.место) и со 27 бода е далеку зад водечкиот Мерцедес кој има 121 бод. (MИА)

Шефот на Ферари: Ќе бидам среќен ако Фетел оди во Мерцедес

Тале Кристо — Sun, 07 Jun 2020 10:06:18 +0000

Шефот на Ф1 тимот на Ферари, Матија Биното го сподели своето мислење за идната дестинација на Себастијан Фетел, кој ќе го напушти италијанскиот тим по 2020 година. – Одлуката да се разделиме со Себастијан не беше лесна. Ние во Ферари го сакаме како возач и човек, тој е дел од нашиот тим. Ако Себ не најде место во кој било тим, тоа ќе биде сериозна загуба. Се шпекулира дека може да оди во Мерцедес. Ако се случи тоа, јас ќе бидам многу среќен за него. Фетел е одличен човек и професионалец. Сигурен сум дека тој сака да го заврши настапот во Ферари, давајќи се од себе зат тимот. Сигурен сум дека нема да имаме потешкотии, рече Биното за „Марка“.