Матијас Де Лихт – Kurir.mk

Баерн Минхен го претстави Де Лихт

Бошко Тасиќ — Tue, 19 Jul 2022 17:42:19 +0000

Матијс де Лихт и официјално е нов фудбалер на германскиот првак Баерн Минхен. Тој го комплетираше трансферот од Јувентус откако денеска ги мина лекарските прегледи. Де Лихт потпиша договор со Баерн Минхен до 2027 година. „Многу сум среќен што ќе бидам дел од историјата на овој славен клуб“, изјави Матијс де Лихт при потписот на договорот. Јувентус ќе добие фиксни 67 милиони евра, плус десет милиони евра во дополнителни бонуси. 22-годишниот одбранбен фудбалер претходно од Ајакс дојде во Јувентус во 2019 година.

Јувентус полека се откажува од Де Лихт: Ако си замине ќе го замениме

Ристе Здравков — Tue, 12 Jul 2022 20:11:32 +0000

Јувентус успеа да дојде до две големи засилувања за новата сезона во Анхел Ди Марија и Пол Погба, но како што стојат работите се поверојатно е дека ќе го загубат Матијс Де Лихт. Голем интерес за него има пред се од Баерн Минхен, но тука е и Челси кој гледа своја шанса со тоа што ако е вистина тоа дека „сините“ се на чекор од потпис со Калиду Кулибали тогаш повеќе од јасно е дека единствената реална опција за Холанѓанецот е бундеслигашот. Бундеслигашот е загреан и е подготвен да нападне за потписот на стоперот на Јувентус кој некако полека како да се откажува од централниот дефанзивец. Имено тренерот Масимилијано Алегри порача дека Де Лихт е нивен играч во моментов, но во исто време потенцираше дека и брзо би го замениле во случај да направи трансфер, -Во фудбалот се може да се случи.Ако си замине, клубот ќе биде подготвен да го замени, -порача директно Алегри. Матијс има договор со „бјанконерите“ до 30 јуни 2024 година.

Јувентус ја одби првата понуда на Баерн за Де Лихт

Ивона Петрова — Tue, 12 Jul 2022 07:28:34 +0000

Баерн неуспешно ги започна преговорите за трансфер на дефанзивецот на Јувентус, Матијас де Лихт. Според „Билд“ Јувентус ја одбил првата понуда на минхенскиот клуб од 60 милиони евра плус 10 милиони дополнителни бонуси. Забележано е дека клубовите ќе продолжат со преговорите, почитувајќи ја желбата на фудбалерот да се пресели во Баерн. Де Лихт постигна три гола и даде една асистенција на 42 натпревари за клубот од Торино минатата сезона. Неговиот договор е до 30 јуни 2024 година.

Де Лихт го смени планот, сака трансфер во Баерн Минхен

Ристе Здравков — Tue, 05 Jul 2022 07:30:25 +0000

Холандскиот дефанзивец Матијс де Лихт инсистира да го напушти Јувентус ова лето, негов следен клуб нема да биде Челси. Тој се заблгодари на понудата на лондонскиот клуб и сега има нов план. Би сакал да се пресели во Баерн Минхен. Де Лихт во изминатите неколку дена имал разговори со тренерот на Баерн, Џулијан Нагелсман и со спортскиот директор Хасан Салихамиџиќ и бил одушевен од проектот на германскиот шампион кој сака да го направи лидер на одбраната во својот тим. Јувентус бара 80 милиони евра за Де Лихт, а Баерн Минхен засега е подготвен да плати 60 милиони евра. Сепак, преговорите ќе се интензивираат во наредните денови.

Баерн и Де Лихт се договорија?

Бошко Тасиќ — Mon, 04 Jul 2022 20:35:03 +0000

Баерн Минхен неочекувано стана фаворит за потписот на дефанзивецот на Јувентус, Матијас де Лихт, пренесува „Билд“. Веста ја потврди и „Скај Спорт“ кој тврди дека Баварците веќе започнале преговори со Јувентус, бидејќи Де Лихт е прецизно барање на тренерот Нагелсман. Самиот Де Лихт, за кого интерес покажува и Челзи, истанал импресиониран од разговорот со Нагелсман и поради тоа избрал да се пресели во Баерн Минхен. Баерн Минхен во моментов е подготвен да понуди 60 милиони евра, а Јувентус не сака да го пушти за помалку од 80 милиони.

Матијс де Лихт сака да си оди од Јувентус

Бошко Тасиќ — Sat, 25 Jun 2022 04:27:59 +0000

Матијс де Лихт никако да се договори со челниците на Јувентус за нов договор, па фудбалерот реши ова лето да си побара нов клуб.

„Старата дама“ не сака да ги прифати неговите финансиски услови, па Холанѓанецот сака трансфер. Неговиот актуелен договор истекува во јуни 2024 година. Јувентус летово остана без Џорџо Кјелини, кој замина во Лос Анџелес ФЦ, па ако го загуби и Де Лихт ќе има тешка задача да најде доволно квалитетна замена. Цената на стоперот на фудбалскиот пазар изнесува околу 80 милиони евра. Челси и ПСЖ би можеле да влезат во игра за неговиот потпис, но не се исклучува и можноста во трката да се вклучи и Манчестер јунајтед.

Јувентус ќе го продолжи договорот со Де Лихт

Бошко Тасиќ — Sat, 21 May 2022 05:27:59 +0000

Италијанскиот фудбалски клуб Јувентус е пред конечен договор за продолжување на соработката со нивниот играч од одбраната, Матијс Де Лихт. Во последно време холандскиот стопер се појави како можна опција за тимот на Манчестер Јунајтед каде на клупата ќе седне поранешниот тренер на Де Лихт од Ајакс, Ерик Тен Хаг. Актуелниот договор на стоперот со Јувентус има важност до 2024 година, но од клубот од Торино сакаат да го зачуваат фудбалерот уште подолго.

Барселона подготвува трансфер бомба со дефанзивецот на Јувентус

Ристе Здравков — Fri, 24 Dec 2021 12:56:58 +0000

Барселона сериозно размислува за трансфер на дефанзивецот на Јувентус, Матијас Де Лихт за време на преодниот рок ова лето. Се чини дека 22-годишниот холандски дефанзивец е предодреден да го напушти Торино во блиска иднина, особено откако неговиот агент Мино Раиола неодамна изјави дека неговиот клиент е подготвен за следниот чекор во кариерата. Според „Спорт“, Барселона е сериозно заинтересирана за идејата за потпис со Де Лихт, но ќе мора да почека до летото, бидејќи договорот ќе биде невозможен следниот месец поради високата плата на поранешниот играч на Ајакс. Холандскиот државјанин ќе чини помалку од неговата клаузула за ослободување од 120 милиони евра. Јувентус е отворен за продажба, бидејќи тоа ќе им овозможи на „бјанконерите“ посериозно да инвестираат во нов напаѓач. Барселона моментално подготвува план за зделката, а заминувачкиот трансфер на Филипе Кутињо изгледа како најлесниот начин да се постигне толку сериозен трансфер.

Де Лихт: Многу ни е важно да сме први во групата во ЛШ

Тале Кристо — Mon, 22 Nov 2021 17:02:52 +0000

Фудбалерот на Јувентус, Матијас де Лихт ги сподели своите очекувања за натпреварот од Лигата на шампионите против Челзи. – Играњето на „Стемфорд Бриџ“ е она што го очекувате со нетрпение. Утре треба да бидеме компактни. Челзи е тим кој игра добро во транзиција. Ќе биде тежок натпревар, но треба да останеме смирени. Имаме добри играчи како Алваро Мората или Федерико Киеза. Се надеваме дека ќе го заземеме првото место во групата, ова е многу важно за нас. Сонувам да ја освојам Лигата на шампионите во дресот на Јувентус. Се подобруваме со секој натпревар и мора да продолжиме во истиот дух. Сега имаме поинаков став. Ни треба стабилност и ја бараме. Лукаку е одличен играч кој ја прави разликата. Но, и без него, Челзи останува еден од најсилните тимови во Европа. Првиот натпревар беше добар и за мене и за тимот. Игравме зрело и страсно во исто време, изјави Де Лихт. Натпреварот Челзи – Јувентус ќе се одигра на утре со почеток во 21 часот. По четири кола во Х-групата, Јувенѕус е прв со максимални 12 бода, Челзи е втор со девет, Зенит има три, Малме е последен без освоен бод.

Де Лихт: Јас сум виновникот за поразот

Бошко Тасиќ — Sun, 27 Jun 2021 21:13:36 +0000

Матијс де Лихт беше трагичарот на Холандија на денешното осминафинале против Чешка, на кое „лалињата“ претрпеа неочекуван пораз од 2-0 и го завршија настапот на ЕВРО 2020. „Секако дека ми е тешко, многу ми е жал бидејќи го загубивме натпреварот поради она што го направив. Јас сум виновникот, го контролиравме темпото на натпреварот, а потоа една долга топка кон нашиот шеснаесетникот промени буквално се. Паѓав, малку ме турнаа од зад грб и бев принуден да играм со рака. Сепак, јасно ми е дека не требаше така да изреагирам. Жалам бидејќи гледав како момците се бореа од почеток до крај, многу сум горд на сите, но исто така се чувствувам тажно бидејќи јас сум виновникот за оваа рана елиминација“, истакна де Лихт.