матијас замер – Kurir.mk

Замер: Баерн ќе стигне до финале

Дарко Андоновски — Tue, 01 May 2018 13:26:15 +0000

Поранешниот спортски директор на Баерн Минхен, Матијас Замер, смета дека баварскиот клуб ќе стигне до финалето на Лигата на шампионите бидејќи сите фактори им одат во прилог. - Сигурен сум дека Баерн ќе стигне до финалето. Физичката подготвеност, тактичките елементи и психолошкиот фактор се во нивна корист. Но сепак, шансите во нападот ќе мора да ги искористат подобро отколку на првиот натпревар и со малку среќа да не примат гол или да примат само еден. Тогаш се е можно, истакна фудбалскиот стручњак. Замер, кој во моментов е ангажиран како советник во Борусија од Дортмунд, вели дека „кралскиот“ клуб не е на истото ниво како лани. - Реал Мадрид е еден голем мит и е во полоша форма од минатата година, потенцира поранешниот функционер на Баерн. Според Замер, тренерот Јуп Хејнкес го стабилизирал тимот и клубот и во голема мера е заслужен за успехот на Баерн. Реванш натпреварот од полуфиналето меѓу Реал Мадрид и Баерн Минхен се игра вечерва на „Сантијаго Бернабеу“, а домаќините ќе ја бранат предноста од 1:2 од првиот натпревар.

Замер и Кел ќе ја спасуваат Борусија Дортмунд

Дарко Андоновски — Mon, 02 Apr 2018 14:33:02 +0000

Борусија Дортмунд се потпира на двајца поранешни капитени, за да го извлече тимот од калта, во која е заглавен. Станува збор за Матијас Замер и Себастијан Кел, кој ќе му помагаат на раководството во новата сезона. Замер ќе биде советник, додека Кел ќе ја игра улогата на координатор. - Тоа не требаше да се случи, тоа не е добро за моралот на тимот, изјави Замер по големиот пораз од Баерн во саботата. Дортмунд губеше со пет гола во првиот дел, првпат по 40 години кога загуби со неверојатни 0:12 од Борусија Менхенгладбах. „Жолто-црните“, исто така, го забележаа својот најголем пораз во лигата од 1991 година. Замер самиот изјави дека нема да врши оперативна работа и само ќе дава совети. Но, оние кои го познава подобро, велат дека освојувачот на „Златната топка“ за 1996 година сака неговите совети да се материјализираат во решенија. Според германските медиуми, тимот од „Сигнал Идуна Парк“ се соочува со најголемата чистка во својата модерна историја. Речиси е сигурно дека договорот на тренерот Питер Штогер, нема да биде продолжен.