Матрикс 4 – Kurir.mk

Ѕирнете во трејлерот за долгоочекуваниот „Матрикс 4“ (ВИДЕО)

Ивана Ефремовски — Fri, 10 Sep 2021 13:21:48 +0000

Филмот „Матрикс 4“ (The Matrix Resurrections)конечно го доби својот прв тизер трејлер. Имено, според првите снимки, гледаме дека ќе има многу акција, како и во претходните делови. Засега не е познато за што се работи во новото остварување. Познато е дека во ова продолжение ќе го видиме стариот тим, предводен од Кијану Ривс, кој го толкува ликот на Нео, како и актерката Кери Ен Мос, која го толкува ликот на Тринити. Во филмот „Матрикс 4“ играат и Џејда Пинкет Смит, како Ниобе, Ламберт Вилсон, како Меровингјан, како и Даниел Бернхард како агентот Џонсон. Режисер на овој филм е Лана Вачковски. Филмот треба да се прикаже во кината на крајот на годината, од 22 декември 2021 година. До тогаш, погледнете го трејлерот:

Лоренс Фишбурн: Не ме поканија за „Матрикс 4“

Магдалена Андонова — Tue, 18 Aug 2020 10:09:56 +0000

Лоренс Фишбурн за „Њујорк магазин“ потврди дека не бил поканет од продукцијата на „Матрикс 4“ за да биде дел од филмот. – Не ме поканија. Тоа можеби ќе ме поттикне да напишам некое друго сценарио. Им посакувам сѐ убаво. Се надевам, филмот ќе биде одличен, изјави Фишбурн. Тој во првите три дела од приказната го глумеше Морфиус, и вели дека би му било драго луѓето да го запомнат најмногу по оваа улога. Другите двајца од славното „Тројство“ – Кијану Ривс и Кери-Ен Мос ќе ги повторат своите улоги и во четвртиот дел. „Матрикс 4“е во фаза на снимање. Сценариото и режијата се на Лана Вачовски. Други познати имиња меѓу глумците се: Пријанка Чопра, Нил Патрик Харис, Џејда Пинкет Смит, Џонатан Гроф и други. Првото прикажување на филмот е закажано за 1 април 2022 година. (МИА)

Кијану Ривс: „Матрикс 4“ е прекрасна, чудесна приказна

Ивона Петрова — Tue, 09 Jun 2020 08:00:41 +0000

Кијану Ривс (55) се приклучил кон проектот „Матрикс 4“, оти „тоа е едно прекрасно сценарио и чудесна приказна“, како што самиот рече. Веќе некое време се знае дека глумецот ќе ја повтори својата улога на ликот Нео и во четвртиот филм на режисерско-сценаристичкиот двоец Лана и Лили Вачовски. Во „Матрикс 4“ се враќа и глумицата Кери-Ен Мос, која за американските медиуми изјави дека никогаш не очекувала оти ќе се случи четвртиот дел. Првиот филм беше прикажан 1999, а наредните две продолженија – во 2003 година. Засега нема информации дека и Лоренс Фишбурн, третиот член на славното тројство, ќе се врати во приказната. Филмот е засега во претпродукција.

Официјално потврдено: „Матрикс 4“ во претпродукција

Ивона Петрова — Mon, 16 Dec 2019 09:06:36 +0000

Кијану Ривс и Кери-Ен Мос, ѕвездите од „Матрикс“ трилогијата, потврдија дека ќе ги повторат своите улоги и во четвртиот дел од научнофантастичната сага. Лана Вачовски ќе биде режисер, сценарист и продуцент на новиот филм. Во другите улоги ќе се појават Џејда Пинкет Смит, Нил Патрик Харис, Џонатан Голф и други. Снимањето ќе почне наредната 2020 година, а премиерата е закажана за 21 мај 2021 година.