Матс Хумелс – Kurir.mk

Матс Хумелс останува уште една сезона во Борусија Дортмунд

Бошко Тасиќ — Thu, 25 May 2023 04:23:56 +0000

Германскиот фудбалски клуб Борусија (Д) објави дека Хумелс одбра да го продолжи договорот со клубот до летото 2024 година. „Многу сум среќен што Матс Хумелс ќе остане во Борусија Дортмунд уште една година. Тој во голема мера се поистоветува со нашиот клуб. Борусија и Матс едноставно припаѓаат заедно“, вели директорот Ханс-Јоаким Ватцке. 34-годишниот Хумелс може да испише историја ако Дортмунд заврши како шампион на крајот на Бундеслигата. Ова би била трета титула за Хумелс како играч на Борусија (Д), што претходно го постигнале само уште петмина играчи: Хелмут „Џокел“ Брахт, Вилхелм Бургсмилер, Ларс Рикен, Штефан Ројтер и Себастијан Кел.

Флик не жали што не го однесе Хумелс на Светското првенство

Ивана Ефремовски — Fri, 09 Dec 2022 15:56:16 +0000

Ханс-Дитер Флик не жали што не го вклучи Матс Хумелс во селекцијата на Германија за Светското првенство 2022. Предводникот на „панцирите“ смета дека 33-годишниот дефанзивец не се вклопува во моделот на игра на репрезентацијата, пренесува „Sport1.de“. Во Борусија Дортмунд, Хумелс е навикнат да игра подлабоко дефанзивно, додека германската репрезентација се залага за поотворено, напаѓачки фудбал базиран на посед. На Светското првенство во Катар, Германија не успеа да се пласира во плејофот, освојувајќи четири бода во три натпревари од групната фаза. (МИА)

Милер и Хумелс по три години се враќаат во репрезентацијата на Германија

Тале Кристо — Wed, 19 May 2021 12:16:44 +0000

Селекторот на германската фудбалска репрезентација, Јоаким Лев, го објави списокот со играчи кои ќе конкурираат за настап на Евро 2020. Помеѓу 26-те повикани се и дефанзивецот на Борусија Дортмунд, Матс Хумелс и напаѓачот на Баерн, Томас Милер. Тие немаат играно за националниот тим од ноември 2018 година. Лев ги повика следниве фудбалери: Голмани: Бернд Лено, Мануел Ноер, Кевин Трап; Одбрана: Матијас Гинтер, Робин Гозенс, Кристијан Гинтер, Марсел Халстенберг, Матс Хумелс, Лукас Клостерман, Робин Кох, Антонио Рудигер, Никлас Суле; Среден ред и напад: Емре Џан, Серж Гнабри, Леон Горецка, Илкај Гундоган, Кај Хаверц, Јонас Хофман, Џошуа Кимих, Тони Крос, Томас Милер, Џамал Мусиала, Флоријан Нојхаус, Лерој Сане, Кевин Фоланд и Тимо Вернер. Репрезентацијата на Германија се наоѓа во Ф-групата заедно со Унгарија, Португалија и Франција.