матуранти – Kurir.mk

МАКЕДОНИЈА И СЕ Е МОЖНО: Матурантите ги пробиле тестовите по Англиски јазик, решението го разменуваат на Вибер група

Тале Кристо — Sat, 10 Jun 2023 11:53:12 +0000

Во група на „Вибер“, 7.000 матуранти ги разменуваат одговорите и заеднички го решаваат тестот по англиски јазик, кој денеска треба да го полагаат како дел од државната матура. Денеска се полага вториот експтерен испит. Според податоците на Државниот испитен центар, како и во минатите години најмногу пријавени (13 922) има за испитот по Англиски јазик. Повеќе фотографии на Пресс 24

Во гимназијата во Ростуше само 12, во Центар Жупа 18 матуранти

Тале Кристо — Tue, 16 May 2023 18:53:38 +0000

Поради масовната миграција присутна во општините Маврово и Ростуше и во Центар Жупа, години на ред опаѓа бројот на ученици во основните, што условува се помал број на ученици и во средните училишта. Потврда за тоа е и бројот на учениците кои во оваа учебна година го завршуваат образованието во гимназиите во двете општини. -Во нашето училиште, каде наставата се изведува на македонски јазик, средното образование го завршуваат 12 ученици. Сите се пријавени за полагање државна матура, изјави за МИА, Исмет Абдули, директор на гимназијата „Маврово и Ростуше“ во Ростуше. Тој исто така информираше дека според Конкурсот на МОН за упис во прва година за учебната 2023/2024 година квотата изнесува 68 ученици во две паралелки, што тешко се верува дека ќе биде пополнета. Идентична квота за упис во права година има и во гимназијата „АТА“ во Цента Жупа, каде се предвидени две паралалки од по 34 ученици, една со настава на македонски и една на турски наставен јазик. -Што се однесува до учениците кои го завршуваат средното образование, нивниот број е 18, од нив еден ученик е од наствата на македонски и 17 на турски наставен јазик. Сите се пријаени за полагање државна матура, рече за МИА, Мунир Бастри, реководител на секторот за образование во општината. Доколку се направи споредба, бројот на матуранти во последните две години во Ростуше е помал за 18 додека во Центар Жупа за пет.

Матураните годинава со повисока оценка од државната матура

Ристе Здравков — Fri, 01 Jul 2022 11:24:06 +0000

Првичните резултати од двата екстерни испита од годинашната државна матура се пратени до училиштата, а денеска напладне ги објави и Државниот испитен центар (ДИЦ) и секој кандидат може да ги види своите, електронски со најава на rezultati.dic.edu.mk. – Средната оценка на екстерните испити од прелиминарните резултати е 3,78 и е повисока во однос на минатата година кога изнесуваше 3,61, информираше ДИЦ кој резултатите ги објавува 12 дена порано од законскиот рок. Следува период на приговори – заклучно со 5 јули учениците може да поднесуваат приговори во училиштата. Резултатите од приговорите ДИЦ ќе ги објави на 11 јули. Увидот во тестовите лично од кандидатите ќе биде на 13 јули во ДИЦ со претходна најава и закажување термин телефонски на 12 јули. За дополнителни информации матурантите може да се информираат од училишните матурски комисии во своите училишта и на www.matura.gov.mk. Државната матура оваа година се реализираше во согласност со договорот со средношколците, односно два екстерни, два интерни предмети и проектна задача и скратени испитни програми. Првиот екстерен и задолжителен испит – Мајчин јазик и литература (македонски, албански или турски јазик) кандидатите го полагаа на 4 јуни, а на 13 јуни го полагаа вториот екстерен испит, кој е изборен од предметите математика, странски јазик (англиски, француски, германски или руски), естетика и филозофија. За полагање на државната матура во јунската сесија беа пријавени 15 899 кандидати (7135 од гимназии, 8504 од стручни и 260 од уметнички училишта). Матурантите кои не ја положиле државната матура или не во целост, ќе имаат втора можност во августовската сесија кога двата екстерни испита ќе се полагаат на 10 и 12 август.

По две години пауза повторно „Матурска парада“ на плоштадот „Македонија“

Ивона Петрова — Fri, 20 May 2022 11:59:26 +0000

По двегодишна пауза поради пандемијата на коронавирусот, матурантите од 14 училишта од Скопје денеска повторно земаа учество на „Матурската парада“, на плоштадот „Македонија“. Учествуваа матурантите од СУГС „Раде Јовчевски Корчагин“, СУГС „Панче Арсовски“, СУГС „Браќа Миладиновци“, СУГС „Георги Димитров“, СМУГС „Д-р Панче Караѓозов“, СЕПУГС „Васил Антевски Дрен“, СУГС „Владо Тасевски“, СУГС „Димитар Влахов“, СУГС „Орце Николов“, СУГС „Лазар Танев“, СУГС „Шаип Јусуф“, СУГС „Јосип Броз Тито“, СУГС „Кочо Рацин“, СУГС „Марија Кири Склодовска“. Покрај скопските матуранти оваа година на „Матурската парада“ учествуваа и нивните врсници од триесетина градови во Словенија, Словачка, Србија, Црна Гора, Унгарија. – Ова е само крајот на вашето средно образование, почетокот на остатокот од вашиот живот и ви следат навистина најубавите години. Се надевам дека сите вие својата иднина ќе ја најдете во државата. Сигурна сум дека меѓу вас има многу млади кои ќе ги гледаме многу често во голем број на професии коишто ќе бидат гордост за сите нас, им порача градоначалничката на Град Скопје, Данела Арсовска. На настанот присуствуваше и заменик евроамбасадорот, Џулијан Васало кој на матурантите им порача дека пред нив ги имаат најубавите години и оти ќе имаат можност да си ги остварат соништата, да го сменат светот, но пред сè да се забавуваат. Во изминатите години учесниците од стотина градови од Северна Македонија, Австрија, Албанија, Босна и Херцеговина, Бугарија, Италија, Романија, Словенија, Србија, Украина, Унгарија и Хрватска во седум наврати поставија гинисови рекорди во истовремено синхронизирано играње на ист танц – квадрил. Вкупниот број на учесници на „Матурската парада“ во изминатите години во сите градови учесници ја надминува бројката од 500.000 матуранти.

ТОЧНО НАПЛАДНЕ: Матурантите на плоштадот Македонија ќе ја одржат „Матурската парада“

Ивона Петрова — Fri, 20 May 2022 05:33:57 +0000

Овогодишната „Матурска парада“ во сите земји учеснички ќе се одржи денес, точно напладне, во 12:00 часот, а по двегодишна пауза заради пандемијата со коронавирус. Во Скопје „Матурската парада“ ќе се одржи на Плоштадот „Македонија“. Во Скопје годинава ќе учествуваат следните средни училишта: СУГС „Раде Јовчевски Корчагин“, СУГС „Панче Арсовски“, СУГС „Браќа Миладиновци“, СУГС „Георги Димитров“, СМУГС „Д-р Панче Караѓозов“, СЕПУГС „Васил Антевски Дрен“, СУГС „Владо Тасевски“, СУГС „Димитар Влахов“, СУГС „Орце Николов“, СУГС „Лазар Танев“, СУГС „Шаип Јусуф“, СУГС „Јосип Броз Тито“, СУГС „Кочо Рацин“, СУГС „Марија Кири Склодовска“. Организатор и носител на заштитена марка за Република Македонија: Дирекција за култура и уметност на Скопје, која во Скопје манифестацијата ја реализира во соработка со Танцовиот спортски клуб „Ритам плус“. Покровител на манифестацијата во Скопје е Градот Скопје, а поддржувачи се делегација на Европската Унија, Универзитетот за туризам и менаџмент, МДН Обезбедување. Покрај скопските матуранти оваа година на „Матурската парада“ ќе учествуваат и нивните врсници од триесетина градови во Словенија, Словачка, Унгарија, Србија, Црна Гора. Во изминатите години учесниците од стотина градови од Македонија, Словенија, Италија, Хрватска, Босна и Херцеговина, Црна Гора, Србија, Романија, Бугарија, Албанија, Украина, Унгарија и Австрија во седум наврати поставуваа гинисови рекорди во истовремено синхронизирано играње на ист танц – кадрил. Вкупниот број на учесници на “Матурската парада” во изминатите години во сите градови учесници ја надминува бројката од 500.000 матуранти.

Матурантите бараат укинување на државната матура

Магдалена Андонова — Fri, 29 Apr 2022 19:01:03 +0000

Над 8.000 потписи досега собрале матурантите кои бараат укинување на државната матура оваа учебна година. Во дописот кој го пратија до Сител пишуваат:

„Цениме дека полагањето матура годинава би било сосема не фер кон нас учениците. Изгубивме две години од наставата, за време на карантинот и пандемијата. На сите ни е доволно јасно дека за време на онлајн наставата, 90 проценти од нас не научија ништо. Како тоа да не беше доволно, сега и штрајкот на сонк, со кој што изгубивме уште три недели од наставата кога ни беше најпотребно да се спремиме за државната матура. Нашите професори си го бараа своето право, и имаат право на тоа, се разбира. Но, во овој случај, исто како и за времето на карантинот, нај загрозени сме ние учениците и сметаме дека полагањето на државна матура би било крајно не фер за нас матурантите кој бевме физички присутни со физичка настава само две ипол години од одредените четири години за средно образование“, порачуваат матурантите.

На 30 ноември „Отворен ден на УКИМ” наменет за матурантите

Катерина Бојаџиева — Mon, 22 Nov 2021 08:38:38 +0000

Универзитетот „Св. Кирил и Методиј”-Скопје на 30 ноември онлајн, преку платформата Мајкрософт тимс, ќе организира „Отворен ден на УКИМ” наменет за учениците во завршна година од средното образование. На настанот, на кој ќе се обрати ректорот на УКИМ Никола Јанкуловски, ќе бидат презентирани студиските програми на факултетите, активностите на студентите, центрите за кариера. – Матурантите ќе имаат можност да се запознаат одблиску со професорите и студентите, да прашаат сè што ги интересира за студиските програми, можностите за стипендирање, да ги слушнат искуствата на студентите, нивните активности и вклученост во научноистражувачките проекти, да дознаат за можностите за меѓународна размена, за студентскиот живот, за практикантството, за кариерните можности…. да се запознаат со Универзитетот со најдолга традиција во нашата земја, соопшти УКИМ.

Матурантите со среден успех на државната матура, резултатите за математика подобри од оние за јазиците

Магдалена Андонова — Mon, 05 Jul 2021 14:54:51 +0000

3,61 е просечната оценка постигната на двата екстерни испити за државна матура. Според челниците на Државниот испитен центар, ова е успех во споредба со 2019 година кога просечната оценка беше 3,48. За предметот македонски јазик, просечната оценка достигна 3,93, а во 2019 таа била 3,69. Но, помалку знаење учениците овој пат покажале на тестот за албански јазик. Просекот сега е 3,59, додека пред две години тој бил 3,85. Намалување на оценката е забележано и во предметите англиски, француски и германски јазик, а подобра оценка била постигната по математика. Како што велат од оваа институција, само двајца ученици не се појавиле на испит поради изолација од Ковид-19. Матурантите имаат право на жалба до среда со уплата од 1.500 денари. Инаку, државната матура ја полагаа околу 15.300 матуранти.

Матурантите ќе го полагаат вториот екстерен испит

Ивона Петрова — Fri, 11 Jun 2021 05:37:52 +0000

Матурантите денеска од 10 часот ќе го полагаат вториот екстерен испит за кој можеа да избираат меѓу предметите математика, странски јазик, филозофија и естетика. Според податоците на Државниот испитен центар, тест по математика избрале 1529 кандидати. Како и во минатите години, повеќе се определиле за странски јазик, а најголем број пријавени има за англиски (13 452). Германски јазик ќе полагаат 140, француски јазик 32, руски јазик 18. Математика и странски јазик се избор за учениците од гимназиското и од стручното образование, додека за учениците во училиштата од уметностите – странски јазик е во алтернација со филозофија (во училиштата за ликовно образивание и има 14 пријавени) и со естетика (во училиштата за музичко образование и се пријавени 66 кандидати). Според наставниот јазик, на македонски за испитот денеска се пријавени да полагаат 10 886 матуранти, на албански 4134 и на турски наставен јазик 274. Првиот екстерен испит – мајчин јазик, го полагаа во саботата. Тој беше задолжителен за сите 15 294 кандидати колку што се пријавени за матурата во оваа учебна година (македонски јазик и литература 10 848, албански јазик и литература 4078 и турски јазик и литература 272). Од вкупно пријавените над 15 000 кандидати, 7050 се од гимназиско образование, 7983 од средно стручно образование и 261 од средно уметничко образование. Резултатите од двата екстерни испита ќе бидат објавени на почетокот на јули, односно најдоцна 30 дена од последниот (вториот) екстерен испит. За матурантите кои на испитите на 5 и 11 јуни имаат коронавирус или се во изолација, овозможени се дополнителни термини за полагање на 25 и 28 јуни, со приложување потврда до училишните комисии. По тестовите од екстерните, матурантите до крајот на месецов ќе ги полагаат и двата интерни испита во училиштата, а покрај нив имаа и обврска за изработка на проектна задача која, според календарот, се реализираше од 15 март до 30 април. Матурантите што нема да ја положат матурата во јуни или не во целост, ќе имаат втора можност во августовската сесија – термините се 11 август за првиот екстерен и 13 август за вториот екстерен испит.

Средношколски глас им посакаа на сите матуранти успех на полагањето на матурскиот испит: Нема да се откажеме од хартиени учебници!

Магдалена Андонова — Sat, 05 Jun 2021 10:25:09 +0000

📌На сите матуранти во името на Средношколски глас, сакаме да им посакаме успех на полагањето на првиот матурски испит! 📌Школската година е зад нас. Ние како средношколци бевме изманипилирани од надлежните, имавме ужасна школска година со квази платформи, луцидни реформи и што е најважно- немање слух за нашите барања и потреби! 📌 Ние нема да се откажеме од нашето барање #МилаОдиСи, нема да се откажеме од барањето за хартиени учебници и нема да се откажеме од борбата ПРОТИВ добро смислениот план за “потоп” со наслов дигитализација! Фејсбук објава на Средношколски глас