Туристичките водичи и придружници јавно упатуваат неколку барања до Владата

Ивана Ефремовски — Sun, 21 Feb 2021 14:38:18 +0000

Денеска ширум светот се слави светскиот ден на туристички водичи 21 февруари. На денешен ден сите асоцијации во целиот свет го слават овој ден. И Македонската асоцијација на туристички водичи и придружници им упатуваат честитки со искрени желби за многу работа во престојниот период и подобрување на статусот на водичите во светот. Нивното соопштение го пренесуваме во продолжение: Туристичките водичи се културни амбасадори на својата земја и со својата работа допринесуваат во развивањето на туризмот во својата држава и пошироко во регионот.Заради специфичноста и репрезентативноста на својата дејност ние сме од јавен интерес за државата.Но, за жал наместо на овој убав ден сите ние да сме горди на својата професија ние повторно сме заборавени од владата. Македонската асоцијација на туристички водичи и придружници јавно упатува неколку барања до владата за подобрување на статусот на водичите.

Зошто и според кои критериуми туристичките водичи се иземени од 5-от пакет на економски мерки земајќи во предвид дека се наогаме во тешка состојба заради пандемијата, а бевме вклучени во предходниот пакет на мерки.
Бараме од ресорното министерство и владата да одговорат на нашите барања за решавање на нашиот статус.
Бараме донесување на протоколи за работа во нашата дејност .
Бараме од Министерството за Здравство по предходно наше барање да не внесе во листа на приоритетни категории за вакцинација.

МАТВП

Македонската асоцијација на туристички водичи пристапува кон ССК

Ивона Петрова — Thu, 18 Jun 2020 05:30:21 +0000

Сојузот на стопански комори (ССК) и Македонската асоцијација на туристички водичи и придружници (МАТВП) денеска ќе потпишат договор со кој МАТВП ќе пристапи кон ССК. Договорот ќе го потпишат претседателот на Туристичко-угостителската комора при ССК, Владимир Граматиков и претседателот на МАТВП, Димитар Кавраков. На прес-конференцијата, по потпишувањето, ќе бидат изнесени и предлозите до надлежните институции за поддршка на туристичките водичи. -Туристичките водичи и придружници веќе три месец не ја остваруваат својата дејност, а не се опфатени во пакетот економски мерки за поддршка на стопанството. За таа цел ќе бидат изнесени предлозите кои се официјално доставени и до надлежните институции за нивна поддршка на краток рок согласно моменталните услови во кои се наоѓаат како резултат на здравствено-економскaта криза, наведува ССК. Според Сојузот, решавање на бројните предизвици во оваа дејност на долг рок, преку зајакнување на дијалогот со релевантните институции ќе придонесе за воспоставување ред во оваа значајна дејност за државата, како и елиминирање на нелојалната конкуренција која прави штети и врз националниот буџет.

МАТВП – Kurir.mk

Туристичките водичи и придружници јавно упатуваат неколку барања до Владата

Македонската асоцијација на туристички водичи пристапува кон ССК