маурицио покетино – Kurir.mk

Покетино бара Челзи треба да го скрати составот

Ивона Петрова — Thu, 27 Jul 2023 09:43:07 +0000

Тренерот на Челзи, Маурицио Покетино, смета дека ростерот на клубот треба да се намали. - Ни требаат 23, 24 или 25 играчи. Жал ми е за некои од играчите, но мора да се донесат тешки одлуки, бидејќи ни треба избалансиран состав, му изјави Покетино на новинарот Бен Џејкобс. Во текот на летниот преоден рок тимот веќе го напуштија 14 играчи. Во сезоната 2022/23, Челзи ја заврши сезоната на 12. место со 44 бодови од 38 одиграни натпревари.

Маурицио Покетино ќе биде новиот тренер на Челси

Бошко Тасиќ — Sun, 14 May 2023 04:23:58 +0000

Англискиот премиерлигаш Челси и Маурицио Покетино постигнаа договор според кој Аргентинецот ќе ги предводи Сините од следната сезона, објави Скај спорт. Договорот се очекува да биде потпишан во текот на наредната недела, а Покетино ќе ја презеде екипата по завршување на сезоната. Аргентинецот во наредните денови, пред официјално да стави потпис на договорот, треба да одржи уште еден разговор со сопственикот на екипата, американскиот милијардер Тод Боли, околу летниот преоден рок и кои играчи би се нашле на трансфер-листата. Според англиските медиуми, тој ќе има големо влијание врз трансфер политиката, односно, ќе се продаваат или купуваат играчи само доколку тој даде зелено светло.

Почетино: На Тотенхем не му требаат нови играчи

Дарко Андоновски — Thu, 17 Oct 2019 16:45:58 +0000

Менаџерот на Тотенхем, Маурисио Почетино не планира да привлече нови играчи преку зимскиот преоден рок, и покрај слабите резултати на тимот од почетокот на сезоната. Тотенхем е деветти во Премиер лигата, на 13 бода зад лидерот Ливерпул. – Мислам дека не ни требаат нови фудбалери во зима. Јас им верувам на играчите кои се во моментов во Тотенхем. Го почитувам мислењето на луѓето кои велат дека ни треба промена, но ако зависи од мене, ќе продолжам да сметам на истите играчи затоа што тие се доволно добри, прокоментира Почетино на прес-конференција.

Покетино: Пеналот што го одбрани Лорис ни ја зголеми самодовербата

Дарко Андоновски — Wed, 10 Apr 2019 08:31:55 +0000

Тренерот на Тотенхем, Маурицио Покетино, како клучен момент за победата над Манчестер сити (1:0) во четвртфиналето на Лигата на шампионите, го посочи одбранетиот пенал од страна на голманот Лорис. Чуварот на мрежата на „Спарс“ не му дозволи на Серхио Агуеро да доднесе рано водство за Сити со удар од 11 метри. – Игравме добро, но има уште 90 минути. Ќе ни биде многу тешко, бидејќи против нас го имаме Манчестер сити. Важен момент во победата беше одбранетиот пенал на Лорис. Тоа ни даде голема самодоверба, изјави Покетино. Предводникот на Тотенхем се осврна и на повредата на Хари Кејн. – Голем хендикеп за нас. Се чини дека ја има истата повреда на глуждот како и претходниот пат. Тој може да го пропушти остатокот од сезоната. Се надеваме дека нема да биде толку сериозно. Реваншот меѓи Сити и Тотенхем е на 17 април во Манчестер.

Нова ера во кралскиот клуб: Пет кандидати за наследник на Зидан

Матеја Петровски — Thu, 31 May 2018 13:30:09 +0000

Зинедин Зидан повеќе не е тренер на Реал Мадрид, објави денеска францускиот фудбалски стручњак. На прес-конференцијата, Зидан на ги извести новинарите дека оваа одлука е негова и е донесена самостојн. Под негово водство Реал изминатите три години ја освои Лигата на шампионите, двапати го подигна трофејот на Светското клупско првенство и Суепр купот на УЕФА, а има и една шампионска титула во Шпанија. Спортските обложувалници не чекаа премногу за да ги извадат квотите за тоа кој ќе биде нов тренер на Реал Мадрид. Прв избор за замена на Зизу на клупата на кралскиот клуб е тренерот на Тотенхем, Маурицио Покетино, за кого е дадена квота 1,80, како втор фаворит се споменува поранешниот менаџер на Арсенал, Арсен Венгер, чија квота е 2,50, додека со по 8 квота се германскиот селектор Јоаким Лев, Антонио Конте и Маурицио Сари. Претседателот на Реал Мадрид, Флорентино Перез призна дека одлуката на тренерот Зинедин Зидан за напуштање на клубот е неочекувана за него. Денес на ненајавена прес-конференција францускиот фудбалски стручњак објави дека ја напушта тренерската функција. -По триумфот во Лигата на шампионите, ова е многу неочекувана одлука, но можеме да ја прифатиме само со почит. Тоа беше удар за мене кога дознав за тоа. Би сакал да го убедам Зинедин, но јас разбирам дека тоа нема да се случи. Сакам да му се заблагодарам на тренерот за се што направил за Реал Мадрид во изминатите години. Не велам збогум, само кажувам, до следната средба. Ако му треба малку одмор, тој го заслужува тоа, изјави претседателот на Реал Мадрид. Зидан го предводеше Реал до девет титули вклучувајќи ги и трите последователни во ЛШ од 2016 година кога дојде на тренерската позиција.