Маурисио Почетино – Kurir.mk

Покетино и официјално нов тренер на Челси

Бошко Тасиќ — Sun, 28 May 2023 18:05:28 +0000

Маурисио Покетино дефинитивно ќе биде новиот менаџер на лондонски Челзи, но за официјализација на веста ќе треба да почекаме до вторник. Денеска Челзи го игра својот последен меч сезонава во Премиер лигата, утре би требало да го објават крајот на соработката со Френк Лампард кој беше привремен тренер, а веројатно задутре ќе објават дека Аргентинецот Покетино е нов шеф на стручниот штаб, или менаџер како што ги нарекуваат во Англија. Газдата на Челзи, Тод Боли, клубот го презеде на 30-ти мај, па затоа сака на годишницата и да ја објави веста со името на новиот менаџер со кој е договорен тригодишен договор.

Почетино нема иднина во ПСЖ, наскоро доаѓа Зидан

Ристе Здравков — Tue, 05 Oct 2021 16:20:59 +0000

Контроверзниот поранешен италијански репрезентативец Антонио Касано го предупреди Маурисио Почетино дека нема долго да издржи на клупата на ПСЖ. „Светците“ се лидери во француското првенство и освоија четири од можните шест бода во првите две кола од Лигата на шампионите, но Касано сепак смета дека аргентинскиот стручњак не е за таа позиција. „Почетино нема иднина во ПСЖ, за него сум слушнал само лоши работи. Можеби е добар човек, но како тренер нема никакви квалитети, никаква тактика, па дури и ги прашува фудбалерите за мислење. Никогаш не тренирал шампионски тим, па не знае како да се однесува. Од она што го разбрав, многу брзо ќе биде заменет со Зидан“, изјави Касано. Зидан е без работа откако летоска го напушти Реал Мадрид, но за него се шпекулира дека идната година ќе го наследи Дидие Дешамп на клупата на француската репрезентација.

Почетино: Сонувам за Реал

Ивона Петрова — Fri, 18 Sep 2020 10:17:13 +0000

Поранешниот менаџер на Тотенхем, Маурисио Почетино, кој последните неколку месеци беше поврзуван со голем број врвни клубови во Европа, а неодамна и Барселона, изјави дека не добил такви понуди. Само Бенфика и Монако излегоа со специфични понуди за Аргентинецот. Почетино додаде дека не може да работи со сегашниот претседател на Каталонците, Пепе Марија Бартомеу и призна дека неговиот сон е еден ден да го води Реал Мадрид. – Не ми беше понудено да станам тренер на Барса. Не го гледам Бартомеу. Вечерав со Рамон Планес затоа што сме пријатели со него многу години – од 2009 година, кога тој започна да работи во Еспањол. Немав понуди од ПСЖ, ниту од Јувентус, ниту од Интер. Ми се јавија од Бенфика и Монако. Немам причина да лажам за тоа. Не знам дали некогаш ќе го водам Реал, но секако ова е мојот сон. Ако не и најголемиот, ова е еден од најдобрите клубови во светот. Секој има свој список на соништа. Јас не се разликувам, рече Почетино во интервју за „Марка“.

Почетино фаворит за позицијата на Кике Сетиен во Барселона

Тале Кристо — Sat, 15 Aug 2020 14:15:48 +0000

Маурисио Почетино е првиот избор на Барселона да го замени Кике Сетиен. Каталонците се принудени да најдат нов менаџер за клубот по понижувачкиот пораз од 2:8 на Баерн Минхен. Тие беа елиминирани во четвртфиналето од Лигата на шампионите по 3-ти пат во последните 4 сезони. Почетино е исто така фаворит за оваа позиција меѓу букмејкерите. Аргентинецот е без работа од ноември 2019 година, откако беше отпуштен од Тотенхем. Управата на Барселона бара силен карактер и се чини дека Маурисио Почетино е вистинската личност за работата. „Спорт“ додава дека клубот е во контакт со 48-годишниот Аргентинец уште од јануари. Вреди да се спомене дека Кике Сетиен сè уште не е официјално отпуштен. Сепак, многу е веројатно дека ова ќе се случи многу наскоро. Претседателот на Барселона, Пеп Марија Бартомеу изјави дека ќе има промени во клубот и со тоа навести дека промена на тренерското место е неминовна. Легендата на Барселона Чави е втор избор меѓу потенцијалните замени. Другите се: Роналд Коман, Марсело Биелса и Роберто Мартинез.

Јувентус го сака Почетино на местото на Сари

Дарко Андоновски — Sat, 08 Aug 2020 12:27:58 +0000

Италијански Јувентус го контактирал Маурисио Почетино за да го замени Маурицио Сари како тренер, откако во петокот вечер тимот беше исфрлен од Лигата на шампионите. Сари со Јувентус го совлада Лион со 2:1 на стадионот „Алијанц“, но тоа не беше доволно затоа што беа поразени со 1:0 во првиот дуел во Франција, што не беше доволно за „Старата дама“ да патува во четвртфиналето. Иако немаше навестување веднаш по натпреварот дека Сари би можел да си замине, пренесува „Спорт Италија“, оттаму тврдат дека веќе имало контакти со поранешниот менаџер на Тотенхем. Почетино оствари голем успех со „петлите“, во кои мина пет години и ги одведе до финалето на ЛШ во Мадрид 2019 година. Сепак, бидејќи новата сезона започна лошо, Почетино беше заменет со Жозе Мурињо во ноември минатата година и оттогаш е неактивен во тренерството. Од друга страна, Сари ја освои титулата во Италија со Јуве, но само со бод предност пред Интер, па никогаш не убеди никој за доминацијата на клубот од Торино. Според италијанските медиуми, претседателот на Јувентус, Андреа Ањели би сакал да го доведе Зинедин Зидан на позицијата тренер, но тоа во моментов не е можно, бидејќи Зидан е врзан со Реал. Во приказната беше и Симоне Инзаги, кој со Лацио покажува солидни резултати, но на крајот може да се задоволи и со Почетино на чело на „бјанконерите“.

Почетино смета дека е време да предводи тим кој ќе освојува титули

Тале Кристо — Mon, 01 Jun 2020 14:50:55 +0000

Поранешниот менаџер на Тотенхем, Маурисио Почетино признава дека е време тој и неговиот штаб да преземат тим, со кој ќе можат да ја освојат титулата. Аргентинецот ги освои сребрените медали со Тотенхем во Премиер лигата, а минатата сезона стигна до финалето на Лигата на шампионите, но никогаш не успеа да освои трофеј со „спарси“. – Ќе дојде време кога ќе мора да ја освоиме титулата. Општеството ги препознава само оние што ја кренале. Мора да се обидеме да го сториме тоа. Но и ние кренавме наши „трофеи“. Кога оставате добар впечаток на оние со кои сте работеле, им помагате на луѓето да напредуваат или тие се чувствуваат горди што сте работеле со нив, ова се исто така „трофеи“ што треба да се слават, рече Почетино.

Почетино откажал да ја преземе Барса

Ивана Ефремовски — Sat, 08 Feb 2020 08:50:51 +0000

Поранешниот менаџер на Тотенхем, Маурисио Почетино, го отфрли предлогот на Барселона да го предводи тимот, пренесува „Ла Вангвардија“. Аргентинецот бил баран од шефовите на Каталонците веднаш по разрешувањето на Ернесто Валверде. Претседателот Пеп Марија Бартомеу, заедно со шефовите Ерик Абидал и Рамон Планес, оствариле средба со Почетино, на кого му било понудено испразнетото место. Стратегот не рекол „не“, но не бил особено импресиониран од она што било предложено. Недостигот на специфичен одговор од Аргентинецот ги натерало газдите на Барса да го направат нивниот втор избор за нов тренер, имено Кике Сетиен. Почетино не одржал повеќе разговори со Бартомеу. Во минатото, тој велеш дека ќе му биде тешко да ја води Барселона, со оглед на неговите длабоки врски со локалниот ривал Еспањол, каде што помина голем дел од својата кариера како фудбалер. (МИА)

Почетино паднал во депресија по поразот од Ливерпул во финалето на ЛШ

Дарко Андоновски — Mon, 29 Jul 2019 07:49:43 +0000

Менаџерот на Тотенхем, Маурисио Почетино, призна дека поразот од Ливерпул во финалето во Лигата на шампионите го довел до депресија. – Да, тоа беше тешко за мене, имавме најубави три недели во подготовките за финалето и бевме бескрајно разочарани од начинот на кој изгубивме. Тоа беше многу лошо чувство, како чувството во 2002 кога, како аргентински репрезентативец, забележав нерешен резултат против Шведска и пораз од Англија за една недела од Светскиот куп. Ова се најлошите моменти во мојата кариера, “, рече 47-годишниот специјалист. По финалето со Ливерпул, тренерот на „петлите“ се качил на воз од Мадрид до Барселона и не излегувал 10 дена од неговиот дом. – Не сакав да излезам. Беше тешко, бидејќи бевме толку блиску до славата. Мислам дека бевме подобри од Ливерпул. Малку детали ја направија разликата. Шампионите брзо се опоравуваат, можеби 10-15 дена, како што беше во мојот случај, Најлошо е на одмор, затоа што секој ден мислиш на истото, но кога ќе продолжите со тренинзи, лошите спомени остануваат во минатото. Огнот внатре во тебе повторно се појавува, додаде Почетино.

Почетино: Јас не ги носам одлуките за трансферите во Тотенхем

Дарко Андоновски — Sat, 29 Jun 2019 17:47:19 +0000

Менаџерот на Тотенхем, Маурисио Почетино прокоментира дека неговата улога во клубот е доста различна во споредба со некои од другите водечки клубови во Англија. Аргентинецот објасни дека крајниот збор при трансферите не е негов, туку на претседателот на клубот Даниел Леви. „Петлите“ се блиску до првото ново засилување од јануари 2018 година, Крилото на Лидс, Џек Кларк се очекува да се приклучи на Тотенхем, а клубот преговара и со Лион за халфот Танги Ндомбеле. – Во Тотенхем, Челзи и Арсенал ја нема слободата која ја имаат Пеп Гвардиола и Јирген Клоп во Манчестер Сити и Ливерпул, изјави Почетино во интервју за шпанската телевизија. Запрашан кој го има последниот збор за продажба на играчи како Хари Кејн, тој одговори: „Претседателот Даниел Леви. Не зависи од мене. Се разбира, го сакам Хари Кејн и ќе ме прашаат за мислење, но одлуката е на Даниел. Истата е ситуацијата и со Ериксен“

Почетино пред реваншот со Ајакс: Нема што да загубиме

Дарко Андоновски — Tue, 07 May 2019 19:07:54 +0000

Менаџерот на Тотенхем, Маурисио Почетино верува дека неговиот тим има сили да ја израмни негативата од првиот натпревар и да го отстрани Ајакс од полуфиналето во Лигата на шампиони. Тотенхем загуби дома со 0:1 во првиот натпревар пред една недела, но Почетино ги советува своите играчи да не мислат за заостанувањето во резултатот, туку да уживаат во моментот од можноста да играат во полуфинале на најпрестижниот турнир. – Ајакс одигра исклучително силни први 30 минути во Лондон. Ајакс е талентиран тим со силни играчи и многу добар тренер. Целосно го заслужија пласманот во оваа фаза на турнирот. Негативниот резултат од првиот натпревар влијаеше и нашата задача е доста комплицирана, но уште ништо не е решено. Знаеме дека треба да победиме и ќе се обидеме да покажеме најдобар фудбал. Нема што да загубиме и се надевам дека момчињата ќе уживаат во моментот. Не очекува спектакуларен натпревар, прокоментира денеска Почетино. Аргентинецот додаде дека никој не очекувал од нив да стигнат до оваа фаза од турнирот. – Пред пет години целта беше да се избрише разликата со топ 4 тимовите во Англија. Потоа – да се пласираме во Лигата на Шампионите, а потоа да ја надминеме групната фаза. А еве сега играме полуфинале, рече Почетино.