Маврови Анови – Дебар – Kurir.mk

Престанува забраната за возила на патот Маврови Анови – Дебар

Ивона Петрова — Thu, 04 Aug 2022 10:58:00 +0000

Престанува забраната за возила на патот Маврови Анови – Дебар која беше воведена поради изведување на асфалтерски работи, соопшти АМСМ. Останува во важност поставената времена сигнализација. Работите на патот продолжуваат да се изведуваат од страна на Пелагонија АД Гостивар.

Сообраќајка на патот Маврови Анови-Дебар, повредено едно лице

Тале Кристо — Thu, 21 May 2020 08:16:34 +0000

Во судир на две возила, на регионален патен правец Мавови Анови – Дебар потешко повредено е едно лице. Сообраќајната несреќа била пријавена околу утрово 7:45 часот. Според првичните информации, во близина на крстосницата за месноста Стрезимир се судриле „опел корса„ со гостиварски ознаки што го управувал Б. Ј. од Гостивар и возило „фолксваген кеди“ управувано од А. Л. (29) од долнореканското село Присојница. Во сообраќајката со повреди се задобил Б. Ј. кој е пренесен во гостиварската општа болница. Во тек е увид на местото на настанот што врши екипа на Одделението за внатрешни работи Гостивар, а сообраќајот на овој патен правец е во прекин.

Едно лице починало од повреди здобиени во сообраќајна несреќа на патот Маврови Анови-Дебар

Тале Кристо — Sat, 02 Nov 2019 15:15:58 +0000

Едно лице починало во тетовската болница каде било донесено со повреди здобиени во сообраќајна несреќа, информираат од СВР Тетово. Сообраќајната несреќа се случила утрово околу 9 часот на регионалниот пат Маврови Анови-Дебар во близина на месноста „манастирски ливади“. Од сé уште непознати причини дошло до судар на возило „голф“ со скопски регистерски ознаки што го управувал С.Р. (74) и „мерцедес“ со тетовски ознаки што го управувал Л.Р. (72) од Горно Палчиште. Возачот на голфот со сериозни повреди бил пренесен, најнапред во гостиварската болница, а потоа во тетовската, каде околу 13 часот починал. Извршен е увид на местото настанот и се работи на расветлување на поединостите кои довеле до несреќата. Од СВР Тетово упатуваат апел до возачите да бидат повнимателни во утреинските часови заради појава на магла и одрони по клисурите.

Патниот правец Маврово-Дебар прооден за сите видови возила

Ивона Петрова — Tue, 20 Mar 2018 10:18:15 +0000

Сообраќајот по регионалниот пат Маврови Анови - Дебар е нормализиран по интервенцијата за расчистување на одронот кај месноста Трница. Од СВР Тетово ја потврдија информацијата дека механизацијата успеала да го отстрани материјалот кој падна изуринава и го попречи одвивањето на сообраќајот, а извесно време беше во прекин за товарни возила. Од СВР Тетово ги потсетуваат возачите, дека заради временските услови кои владеат по долината на Радика, да бидат претпазливи поради зачастени одрони.