Маврово-Дебар – Kurir.mk

ОВОЈ ПАТЕН ПРАВЕЦ ЦЕЛОСНО ЗАТВОРЕН ВО НАРЕДНИТЕ ДВА ДЕНА – доколку тргнувате на пат ова мора да го имате на ум!

Дарко Андоновски — Mon, 05 Sep 2022 05:39:22 +0000

Од денеска и во наредните два дена, во периодот од 10 до 16 часот ќе биде воспоставен времен режим, комплетно затворање на сообраќајот на патниот правец Маврово – Дебар, делница Маврови Анови- Жировница. -Општина Маврово и Ростуше ги известува своите граѓани, како и сите оние кои планираат да патуваат по овој регионален пат, дека, од денеска (понеделник) до 07.09.2022 година (среда) во периодот од 10:00 до 16:00 часот, поради рехабилитација на регионалниот пат Маврово – Дебар ќе биде воспоставен времен режим-комплетно затворен сообраќај на делницата Маврови Анови – Жировница, информираше општина Маврово и Ростуше. Според изведувачот на работите, Градежното претпријатие „Пелагонија“ од Гостивар ќе се реализира испитување на мостовските конструкции на патот, во рамки на проектот „Рехабилитација на регионалниот пат Р1202, делница Маврови Анови – Жировница“.

Укината забраната за сообраќај на камиони на патот крак Маврово – Дебар

Тале Кристо — Tue, 22 Feb 2022 15:25:12 +0000

Од 15.30 часот е укината забраната за сообраќај за тешки товарни возила на патниот правец крак Маврово – Дебар, информираа од АМСМ. Засега останува во сила забраната за сообраќај за тешки товарни возила на патниот правец А2 Гостивар – Кичево преку планинскиот превој Стража, воведена поради врнежи од снег.

Алијанса за Албанците со апел за итно деблокирање на патот Маврово – Дебар

Ивона Петрова — Sun, 14 Nov 2021 14:14:54 +0000

Алијанса за Албанците денеска испрати реакција по повод блокираниот пат Маврово – Дебар. Од таму велат дека на денот на денот на изборите, кога и Уставот забранува каква било активност што ги спречува граѓаните да го остварат своето право на глас, актуелната власт го изолира Дебар и ги спречува граѓаните на Дебар да го остварат своето демократско право. „Во недела, на денот на гласањето, од утринските часови се изведуваат работите на асфалтирање на патот Маврово-Дебар и следствено овој патен правец се држи блокиран. Ваквата состојба ги спречи многу жители на Дебар кои се привремено вработени во други градови да дојдат и да го остварат своето избирачко право. Апелираме надлежните итно да го деблокираат патот и да побараат одговорност од оние кои наредиле вакво сценарио“, се вели во соопштението.

Укината забраната за тешки товрани возила на патот Маврово-Дебар

Ивона Петрова — Thu, 14 Oct 2021 10:42:14 +0000

Од 12:00 часот денеска е укината забраната за сообраќај на тешки товарни возила на патот Маврово – Дебар, соопшти Јавното претпријатие „Македонија пат“. Поради врнежи од снег, на овој патен правец од 9:45 часот беше воведена забрана за сообраќај за тешки товарни возила.

ВОЗАЧИ ВНИМАТЕЛНО: Сообраќајка кај Маврово – Дебар, сообраќајот во прекин за тешки товарни возила

Магдалена Андонова — Fri, 11 Jun 2021 13:50:00 +0000

Поради сообраќајна несреќа од 14:10 часот во прекин за тешки товарни моторни возила е сообраќајот на регионалниот пат Маврово-Дебар, а наизменично се пропуштаат лесните моторни возила, информира АМСМ. Сообраќајната несреќа се случила во близина на фабриката „Еуро Едил“ а во неа учествувале едно товарно и едно патничко моторно возило. (МИА)

ВОЗАЧИ ВНИМАТЕЛНО: Воведена е забрана за сообраќај на тешки товарни возила на овој патен правец!

Магдалена Андонова — Sun, 21 Mar 2021 10:06:53 +0000

Воведена е забрана за сообраќај на тешки товарни возила на патниот правец крак Маврово – Дебар поради интензивни врнежи од снег, информира Автомото сојузот. Сообраќајот на патиштата се одвива непречено по влажни коловози, со остатоци од кашест снег на планинските премини, соопшти АМСМ. На целата територија на државата, како што се посочува, паѓа снег со променлив интензитет, Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (МИА)

Укината е забраната за сообраќај за тешки товарни возила на овој патен правец

Магдалена Андонова — Tue, 16 Feb 2021 09:38:28 +0000

Забраната за сообраќај за тешки товарни возила на патниот правец крак Маврово-Дебар е укината во 10:00 часот претпладнево, информираат од ЈП „Македонија пат“. Сообраќајот на државните патишта се одвива во зимски услови по наместа влажни коловози, а наместа има и остатоци од кашест снег на коловозот. Поради ниските утрински температури можна е појава на голомразица. Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (МИА)

АМСМ СО ВАЖНО ИЗВЕСТУВАЊЕ: Воведена е забрана за сообраќај за тешки товарни возила на овие патни правци!

Магдалена Андонова — Mon, 15 Feb 2021 12:01:11 +0000

Поради остатоци од снег на коловозот воведена е забрана за сообраќај за тешки товарни возила на патните правец Тетово – Попова Шапка, крак Маврово – Дебар и од Дебар кон Струга, информираат од АМСМ. На патниот правец Тетово – Попова Шапка има забрана за сообраќај за тешки товарни возила и автобуси. На правецот крак Маврово – Дебар и од Дебар кон Струга има забрана за сообраќај на тешки товарни возила со приколка. Во спротивниот правец од Струга кон Дебар нема забрана за тешки товарни возила. Забрана има и за сите видови моторни возила и тоа на патниот правец Р2248 помеѓу селата Ранковце и Герман. – Сообраќајот на државните патишта се одвива во зимски услови по наместа влажни коловози, наместа со остатоци од кашест снег на коловозот по интервенција на дежурни екипи на ЈП Македонија Пат. Поради ниските температури наместа е можна појава на голомразица. Обврската за зимска опрема ќе трае до 15.03.2021 година, се наведува во соопштението. Од АМСМ додаваат дека патниот правец Р2332 Охрид – Ресен, преку националниот парк Галичица, затворен е за сообраќај за сите видови на возила од 15.11.2020 до 01.04.2021, како и дека поради изведување работи на пат на магистралниот пат А2 Струга – г. п. Ќафасан брзината е ограничена на 40 км/ч. Изменет сообраќаен режим поради градежни работи ќе има и на неколку патни прави, започнати се градежни работи на патниот правец А2 Кичево – Охрид, поточно на делницата помеѓу с. Климештани – с. Мешеишта, каде има изменет времен режим на сообраќајот. Овој изменет режим на сообраќај ќе трае до завршување на градежните работи, се вели во соопштението. Градежни работи се изведуваат и на патниот правец А2 Кичево – Охрид, на делницата Пресека – Песочан, кај с. Врбјани и има изменет времен режим на сообраќајот. На патниот правец Кичево-Македонски Брод сообраќајот ќе се одвива по една сообраќајна лента. Градежни активности има и на на државен пат Р1202 (Р409), делница Маврови Анови – Жировница, односно од Маврови Анови до с. Трница, за што се врши промена на режимот на сообраќај, потоа регионален пат Р1205, делница Крупиште – Пробиштип. Поради тоа се врши измена на режимот на сообраќај, од крстосница со регионален пат Р2230, до влез во Пробиштип. Односно сообраќајот се пренасочува од мостот на р.Киселица кај клучка за с. Злетово, преку с. Ратавица до Пробиштип и обратно, понатаму на патниот правец Неготино – Лакавица има забрана за движење на тешки товарни возила чија вкупна маса надминува 3,5 тона, Исто така за време на реконструкција и рехабилитација на државен пат А2, делница Крива Паланка – ГП Деве Баир во период од 11.05.2020 г. до 02.2022 г. со основниот проект за изведба се предвидува стругање и асфалтирање на постоечкиот коловоз како и проширување т.е изработка на трета лента на постоечкиот и на Државен пат А2 – потег од БС Виена Петрол/Куманово до с. Страцин, ќе се изврши промена на сообраќајот во времетраење од шест до девет месеци, градежни работи ќе се одвиваат и на автопат Кичево – Охрид, делница 4 и 5. На делница 5 Подмоље – Охрид км.5+861 до км.9+835 има измена на режим на сообраќај соодветно обележано со сообраќајни знаци. Измената ќе трае до завршување на работите поради кои е утврдена потребата од измената и експресниот пат А4 делница Штип – Радовиш. Од АМСМ апелираат на прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони, посебно за делниците Катланово – Велес, Маврово – Дебар – Струга, Виница – Берово и Кочани – Делчево.(МИА)

Големи одрони на патот Маврово – Дебар, сообраќајот во прекин

Ивона Петрова — Thu, 10 Dec 2020 06:07:45 +0000

Поради големи одрони, сообраќајот на патниот правец Маврово – Дебар од ноќеска по полноќ е во целосен прекин за сите видови возила во двата правца, соопшти АМСМ.

Укината забраната за сообраќај на тешки товарни возила на патот Маврово-Дебар

Ивана Ефремовски — Fri, 28 Feb 2020 18:18:55 +0000

Вечерва во 18:15 часот е укината забраната за сообраќај на тешки товарни возила на патниот правец крак Маврово – Дебар, што беше воведена во 15 часот поради врнежи од снег, информира Автомотосојузот на Македонија. Поради врнежи од снег попладне од 15:50 часот на патниот правец Гостивар-Стража беше воведена забрана за товарни моторни возила, соопшти претходно Автомотосојузот на Македонија. Невремето проследено со силен ветер, дожд и повремено со снег, што го зафати попладнево подрачјето на Дебар, Река и Жупа предизвка помали одрони на патните правци во овој регион, поради што од дебарската секција на „Македонијапат“ препорача многу внимателно возење, посебно по клисурата на реката Радика. Од „Македонијапат“информираат дека сообраќајот на државните патишта се одвива по наместа влажни коловози, а снег врне во Крива Паланка, Страцин, Крушево и на планинските премини Буково, Ѓавато и Плетвар. На одредени патни правци кои поминуваат низ клисури и усеци можна е појава на поситни одрони. „Македонијапат“ апелира на внимателно возење и прилагодување на брзината кон условите на патот. Дежурните екипи на „Македонијапат“ се постојано на терен и ги одржуваат сите патни правци проодни.