маврово – Kurir.mk

Зима во пролет: На Маврово вее снег

Ивана Ефремовски — Mon, 03 Apr 2023 20:13:47 +0000

Моментално во Маврово има интензивни врнежи од снег. Доколку продолжи да врне цела ноќ, до утре може да имаме 20 сантиметри нов снег, објавија на ФБ страницата Маврово.

Снег во Маврово, магла на патиштата кон Попова Шапка и Крушево

Катерина Бојаџиева — Wed, 25 Jan 2023 11:24:25 +0000

Сообраќајот на државните патишта се одвива непречено по наместа влажни коловози. Слаби врнежи од снег има во Маврово. Намалена видливост поради магла од 40 до 50 метри има на Попова Шапка, Крушево и Ѓавато, информира АМСМ. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ТРУПА ЛИ ТРУПА НА ГОЛЕМИОТ ПРАЗНИК – вечерва на овие места во Македонија снег врне без престан (ФОТО)

Дарко Андоновски — Thu, 19 Jan 2023 18:53:56 +0000

Вечерва врне снег во Македонија. Прогнозата на УХМР се оствари, па така имаме дожд на пониските делови од земјата, додека на повисоките места врне снег веќе неколку часа наназад. Според видео камерите на „Skimacedonia“ се гледа дека снег врне во овој момент во Маврово, но и на Попова Шапка. Снег врне и во Пониква, како и на Пелистер. Од УХМР најавуваат дека снег ќе врне и во следните денови, особено за викендот и идната недела.

Масовна тепачка помеѓу скопјани во Маврово, сите биле уапсени

Тале Кристо — Sun, 01 Jan 2023 18:30:00 +0000

На 01.01.2023 околу 04.30 часот во Маврово, полициски службеници од Полициското одделение Маврово ги привеле С.М.(19), А.М.(19), Ф.С.(22), П.М.(20), Х.П.(25), А.В.(25), А.Г.(25) и М.И.(24), сите од Скопје, затоа што го нарушиле јавниот ред и мир со меѓусебна физичка пресметка. По целосно документирање на случајот ќе следи соодветен поднесок.

ЌЕ ИМА СУДЕЊЕ ЗА ДИВОГРАБИТЕ ВО МАВРОВО, инспекторот фалсификувал документи

Ристе Здравков — Mon, 21 Nov 2022 09:25:00 +0000

Во понеделник се очекува да почнува судскиот процес против Градежниот инспектор во општина Маврово-Ростуша, пишува порталот вечер. Во понеделник, на 21 ноември, во основниот суд Гостивар се очекува да започне судскиот процес против овластениот градежен инспектор во општина Маврово – Ростуша, со иницијали Ќ.Џ. Дотичниот, кој, според извори од Новинска Агенција Флака, пред 2017 година бил раководител на урбанизација во оваа општина, е обвинет за фалсификување документи и проневера на државен имот. По обвинението од страна на странската канцеларија за криминално работење во полицијата на Гостивар, Обвинителството против него покрена кривично гонење. Судскиот процес ќе го води судијката Магдалена Мишовска, а обвинител на случајот е Хазби Исеини. На осми јули ова година од стана на МВР беше поднесена кривична пријава против скопјанец за злоупотреба на службена должност и за фалсификување и уништување на деловни книги. Во известувањето од МВР, се наведуваше дека надворешната канцеларија за криминалистички работи Гостивар поднела кривична пријава против Џ.Ќ.(57) од Скопје, поради постоење основи на сомнение за сторени кривични дела „злоупотреба на службена положба“, „фалсификување исправа“ и „фалсификување или уништување деловни книги“. Според МВР, во текот на октомври 2014, пријавениот, овластен градежен инспектор во општина Маврово и Ростуше, свесно изработил и потпишал невистинит и фалсификуван извод од план на населба Маврови Анови, по што до Одделение за управна постапка Гостивар поднел барање за приватизација на градежно земјиште, а во прилог го доставил изработениот невистинит извод. Одделението за управна постапка во Гостивар во корист на пријавениот донело решение за приватизација на градежно земјиште стекнато без надомест, кое што потоа пријавениот го прикажал во Агенција за катастар и се стекнал со градежно земјиште со вкупна квадратура од 203 м², имот кој пријавениот го впишал на свое име, заведен во имотен лист“, дополнуваат од МВР. Со ваквите дејствија пријавениот се стекнал со бесправна имотна корист – градежно земјиште со вкупна квадратура од 203 м² или 1.248.450 денари констатирано во извештај за проценка на градежно земјиште.

ВМРО-ДПМНЕ: Кандидатот на СДСМ од Маврово и Ростуше како владин повереник сомнително исплаќал народни пари на својот шура и дедо

Тале Кристо — Thu, 18 Aug 2022 06:47:21 +0000

Кандидатот за градоначалник на СДСМ за општината Марвово и Ростуше, Медат Куртовски од позиција владин повереник исплаќал сомнителни трансакции на свои блиски роднини, велат во партиското соопштение од ВМРО-ДПМНЕ. Имено Куртовски исплатил 1000 евра на својот шура и 950 евра на својот дедо. Вакви скандалозни исплати се правени и во основното училиште во Скудриње. Доколку имаше правна држава уште вчера после објавата на медиумите за оваа афера, надлежните институции ќе отвореа случај за ваквите исплати. Ама институциите молчат, а парите се таманат. Со други зборови функционерите на СДСМ арчат народни пари без око да им трепне и ги делат на свои луѓе како да се работи за семејно наследство. Ете затоа државата и општините раководени од СДСМ се во таква финансиска состојба. Ете затоа сме на ова дереџе. Народните пари ако не се поделени како хонорари, тогаш се дебели криминални тендери, ама битно во џебовите на функционерите на СДСМ. Во услови на тешка криза, 500 илјади сиромашни граѓани, колабирано стопанство, екипата на Ковачевски парите ги арчи и око не им трепнува. Ова мора да престане. Народот ќе ја порази оваа неспособна, неодговорна и криминогена структура на СДСМ, се вели во партиското соопштение на партијата.

Утре истекува рокот за пријавување за гласање во домашни услови за изборите за градоначалници на Маврово и Ростуше и на Центар Жупа и за Советот на Тетово

Тале Кристо — Thu, 11 Aug 2022 14:16:37 +0000

Утре истекува рокот за пријавување за гласање во домашни услови за болни и немоќни лица и оние кои се во изолација за изборите за градоначалници на општините Маврово и Ростуше и Центар Жупа и за членови на Советот на Општина Тетово, што ќе се одржат на 20 август. – Рокот за пријавување за гласање во домашни услови, за болни и немоќни лица и оние кои се во изолација поради ковид, истекува утре. Тие треба да се пријават или електронски во Општинската изборна комисија или преку овластено лице. Гласањето за овие лица е на 19 август, ден пред одржувањето на изборите, соопшти членот на ДИК Борис Кондарко. Бидејќи денот на одржување на изборите е сабота, овие лица треба да гласаат во петок на 19 август, во работен ден. – Со оглед на тоа што гласањето е во работен ден, сите членови на избирачките одбори, треба да бидат ослободени од работни обврски и општинските комисии треба да им дадат потврда која треба да ја однесат на работа, изјави потпретседателката на ДИК Дитмире Шеху. На 19 август, петок, ќе гласаат и затворениците. Изборите за градоначалник на Општина Маврово и Ростуше и градоначалник на Центар Жупа и Совет на Општина Тетово треба да се одржат на 20 август.

Укината забраната за камиони на патот Маврово-Дебар

Катерина Бојаџиева — Wed, 02 Mar 2022 06:57:09 +0000

Укината е забраната за сообраќај за тешки товарни возила на патот Маврово-Дебар, соопшти утринава Авто мото сојузот на Македонија. Забраната е укината од 06:45 часот. На останатите патни правци низ државата сообраќајот се одвива непречено по претежно влажни коловози. На повисоките места има остатоци од кашест снег на коловозот и по интервенцијата на дежурните екипи на ЈП Македонија пат. Надвор од градските средини, интензитетот на сообраќај е умерен, а на граничните премини, од македонска страна, нема подолги задржувања за влез и излез од државата.

МАВРОВО ЗАТРУПАНО СО СНЕГ – денес не ни помислувајте да тргнете за скијање или прошетка (ВИДЕО)

Дарко Андоновски — Sun, 27 Feb 2022 09:36:22 +0000

Утрово снег врне на Попова Шапка, Маврово, Крушево, Пониква, Пелистер, како и планината Водно во Скопје, но и на сите повисоки места.

Некои ноки се од бајка избегани... Маврово 03:11 27 февруари 2022 pic.twitter.com/acBAhmxx9c
— Професор Др. Цветковиќ (@tome_corner) February 27, 2022

Граѓаните велат дека во текот на ноќта во Маврово имало обилни врнежи од снег, патиштата се непроодни, камионите не го чистат снегот и тие се затрупани и не можат да се вратат дома. „Дојдени сме како туристи во апартманско сместување. Луѓето овде велат: ‘Во последно време општината не чисти’. Е, фино, ама општината има тендер за зимско чистење на патиштата и гарант ќе ги потроши, односно фактурира сите пари на фирмата што треба тоа да го прави. Граѓанинот на последно место.“, велат граѓаните. „Ако мислел некој на скијање за Маврово да трга, нека не трга“, стои во описот на едно од објавените видеа на социјалните мрежи.

Ако мислел некој на скијање за #Маврово да трга, нека не трга pic.twitter.com/fETlBIe9eX
— Fangio (@powerbarmk) February 27, 2022

Инаку АМСМ поради врнежи од снег се воведе забрана за сообраќај за тешки товарни возила на патниот правец крак Маврово – Дебар и на патниот правец Гостивар – Кичево преку планинскиот превој Стража.

Најстудено на Попова Шапка и во Маврово

Ивона Петрова — Thu, 24 Feb 2022 07:49:31 +0000

Минусни температури утрово во 7.30 часот се измерени на Попова Шапка (-7), во Маврови Анови (-5), Крива Паланка и Kрушево (-3), Охрид (-2) и во Претор (-1). Нула степени се измерени во Тетово, Битола, Струмица, Берово и Дебар, 1 степен во Скопје-Петровец и Демир Капија, 2 во Прилеп, Штип, Виница и Куманово, 4 степени во Скопје-Зајчев Рид, 5 сетепни во Дојран и 7 во Гевгелија. До 7 часот највисока снежна покривка има на Попова Шапка (17 сантиметри) и 3 сантиметри во Маврови Анови. УХМР за денеска прогнозира сончево со мала локална облачност и со умерен до засилен северен ветер, најизразен долж Повардарието, повремено со брзина над 60 километри на час. Максималната температура ќе биде во интервал од 8 до 15 степени. Во Скопје ќе биде сончево со умерен, повремено засилен ветер од северозападен правец. Максималната температура ќе достигне до 13 степени.