маж на годината – Kurir.mk

Борче Стаменов е Маж на годината во изборот на социјалните медиуми за 2021 година

Дарко Андоновски — Sat, 20 Nov 2021 18:57:48 +0000

Борче Стаменов е Маж на годината според социјалните медиуми за 2021 година, при официјалниот избор на Мажи на годината кај нас. Според гласањето на официјалната Фејсбук страница на настанот, Борче Стаменов освои најмногу лајкови и со тоа заслужено ја понесе оваа награда. Наградата Маж на годината според социјалните медиуми им дава можност на целокупната јавност да се вклучи директно во овој настан, преку номинирање на, според нив, најуспешниот маж и притоа да гласаат за оние кои се номинирани. Борче Стаменов е познат хуманитарец во нашата држава кој изминатите години преку својата организација Донирај Компјутер успева да усреќи голем број на деца и семејства на кои компјутерот им е повеќе од потребен, а не можат да си го дозволат. Изборот на Мажи на годината во организација на Фрајдеј Комуникации и Џентлмен Магазин ќе се одржи на 24.11.2021 година и вклучува 13 добитници во 13 категории помеѓу кои и главната награда за Маж на годината за 2021 година.

Номинирајте го и гласајте за Мажот на годината за 2021 во избор на социјални медиуми

Катерина Бојаџиева — Tue, 16 Nov 2021 20:46:23 +0000

Наградата за “Маж на годината според социјални медиуми” е наградата која што ја доделува македонската јавност. Со оглед на тоа дека нашата јавност знае да биде навистина многу критична и реална, сето она кое што го правиме да биде препознаено од истата е навистина мотив за секој од нас да цели кон поголем успех. Како и секоја година така и оваа, официјално започнува гласањето за наградата “Маж на годината според социјални медиуми” за 2021 година. Од листата на веќе номинираните, вие ќе одлучите кој според вас годинава е најзаслужен за оваа награда. Номинациите започнуваат денеска и ќе траат до 16.11.2021 до 24 часот, а гласањето ќе биде од среда, 17.11.2021 до 18.11.2021 до 22 часот кога ќе се затвори галсањето. Победник во оваа категорија ќе биде оној кој ќе добие најмногу гласови односно лајкови од вас на фотографијата објавена за него. За заедно да го избереме оној кој сметате дека ја заслужил оваа награда, бидете и вие дел во изборот за Маж на годината според социјални медиуми со тоа што ќе споделувате и гласате на линкот на нашата официјална Фејсбук страна. Изборот за Маж на годината за 2021 година вклучува 13 добитници во 13 категории, и традиционално ќе се одржи по четврти пат на 24 Ноември почнувајќи од 20 часот, во хотел Double Tree by Hilton Skopje.

Четвртото издание на изборот за “Мажи на годината” ќе се одржи на 24 Ноември во хотел Double Tree by Hilton Skopje

Ристе Здравков — Fri, 22 Oct 2021 09:29:25 +0000

Мажи на годината, оваа година по 4 пат ќе ги бира најуспешните мажи кај нас, мажи кои оставиле некаков белег во 2021 година. Во ноември, месецот на машкото здравје ги славиме и избираме најуспешните мажи. Мажи на годината е настан кој за прв пат се организираше во 2018 година во организација на Џентлмен Магазин и Фрајдеј Комуникации и оттогаш традиционално се одржува секоја година. Оваа година настанот ќе се одржи во хотел Double Tree by Hilton Skopje на 24.11.2021, и ќе биде гала вечер каде ќе ги славиме најуспешните мажи кај нас за 2021 година. “Мажи на годината е настан кој традиционално се одржува секоја година, од 2018 па навака. Настанот има за цел да ги препознае најуспешните мажи кај нас, во 13 категории, и да промовира добри навики и позитивни вредности. Успехот на овие луѓе да биде претставен како позитивна порака пред нашата јавност и овие луѓе да бидат пример за секој еден од нас како треба да се однесуваме и да се реализираме во иднина. И оваа година која е предизвик за сите нас, и борбата со корона вирусот сеуште трае, сакаме да правиме нешто позитивно, нешто кое што ќе биде една светла точка во ова време.” – изјавија од организацијата на Мажи на годината Минатата година, која беше година на пандемија и борба со корона вирусот, настанот се одржа на Македонската Радио Телевизија, а за Маж на годината беше избран нашиот најдобар фудбалер на сите времиња, Горан Пандев. За маж на годината во избор на организаторите беше избран Игор Ангеловски-Мрме, селекторот на фудбалската репрезентација, кој ни го донесе најголемиот успех и радост на спортски план, а тоа е пласманот на Европското првенство. Овој настан има една цел, а тоа е да ги препознае најуспешните мажи кај нас, да ги слави нивните успеси, да придонесе за негување на добри навики и да промовира позитивни пораки и вредности. За маж на годината во 2018 година беше избран доктор Владимир Чадиковски, во 2019 година Мислав Галер кој ја понесе и титулата за маж странец, како и Божидар Јанковски кој беше избран за Маж на годината во избор на организаторите. Во изборот се вклучени голем број докажани професионалци во својата дејност од разни области, како и целокупната јавност кои се дел од жири комисијата. На официјалниот избор за Мажи на годината ќе се избираат најуспешните 13 мажи за оваа година по 13 категории и тоа Маж на годината, Маж со трајни вредности, Маж менаџер на годината, Маж странец на годината, Млад менаџер на годината, Менаџер на годината до 40 години, Маж со најголеми достигнувања во културата, Маж со најголеми достигнувања во спортот, Маж со најголеми достигнувања за општеството, Маж со стил, Хедонист на годината, Маж на годината во избор на организаторите и Маж на годината во избор на социјалните медиуми. И оваа година бидете дел од оваа престижна манифестација која стана препознатлив белег на џентлмените. Заедно да ги избереме најуспешните мажи кои негуваат навики кои носат до успех, меѓусебно мотивирајќи се во правец на поместување на сопствените граници!

Mакедонски џентлмени, засукајте ги ракавите: И оваа година ќе се избираат Мажи на годината

Ивана Ефремовски — Fri, 19 Mar 2021 09:34:45 +0000

И оваа година, година полна со предизвици, полна со неизвесност и борба за нормално функционирање, ги бираме најуспешните мажи во Македонија за 2021. По четврти пат го најавуваме изборот на Мажи на годината за 2021 година, кој традиционално ќе се одржи во месец ноември, месецот на машкото здравје. “Втора година се наоѓаме во исклучително тешка година, година која е полна со предизвици за секој од нас, но ние сме особено горди и среќни што направивме настан кој и во најтешките моменти успеа да донесе среќа и радост. Горди сме што успеавме да креираме настан, кој стана препознатлив белег на џентлмените, на мажите кои негуваат навики кои носат до успех, на хедонизмот, на општествената одговорност. Нашата цел е јасна, а таа е да не мотивира меѓусебно во правец на поместување на сопствените граници, да се поттикнеме на донесување позитивни одлуки кои влијаат на квалитетот на нашиот живот и работа, притоа создавајќи еден позитивен имиџ во јавноста. Да се организира настан по 4-ти пат е за секоја почит, а ние сме горди што нашиот тим успеа да го одржи овој настан на едно високо ниво и во овие тешки моменти. Минатата 2020 година настанот се емитуваше на Македонската Радио Телевизија што за нас како организатори беше посебна чест што јавниот сервис го препозна како настан и ни даде можност да го емитуваме” – изјавија од организаторите на официјалниот избор на Мажи на годината. Мажи на годината е настан кој за прв пат се појави во 2018 година во организација на Џентлмен Магазин и Фрајдеј Комуникации. “Оваа година, иако е многу рано да се говори, сепак, можеме да кажеме дека ќе биде настан на кој ќе сме сите горди. Не би откривале многу, имаме интересни планови, но сите тие зависат од тоа каква ќе биде ситуацијата со корона вирусот. Овогодинешниот настан ќе ставиме акцент на добрите навики и културното однесување како основа на секој успешен маж. Искрено, се надеваме дека сето тоа ќе заврши и ќе можеме да уживаме во една гала вечер како што и доликува на еден ваков настан. – додадоа организаторите. Во изборот се вклучени голем број на докажани професионалци во разни области кои се дел од жири комисијата на официјалниот избор, како и целокупната јавност. За маж на годината во 2018 година беше избран доктор Владимир Чадиковски, во 2019 година Мислав Галер, кој ја понесе и титулата за маж странец, како и Божидар Јанковски, кој беше избран за Маж на годината во избор на организаторите. Во 2020 година наградата Маж на годината ја понесе Горан Пандев, а според организаторите наградат отиде во рацете на Игор Ангеловски. Затоа, македонски џентлмени, засукајте ги ракавите оваа година, направете нешто кое ќе биде поттик за сите, нешто што ќе го препознае вашиот труд, и бидете дел од оваа престижна манифестација. Втора година како се прилагодуваме на поинаков начин на живот, исполнет со нови предизвици како да ги прилагодиме досегашните навики во нова димензија на живеење која ќе е безбедна за сите. Во оваа улога успешно се прилагодија голем број на мажи кои оставаат импакт во општеството, па затоа и оваа година ги славиме успесите на најуспешните мажи на годината.

Андоновска: Филипче во трка за „маж на годината“?! – Да има натпревар во неспособност и тогаш ќе биде втор, бидејќи е неспособен!

Тале Кристо — Thu, 12 Nov 2020 11:50:38 +0000

Филипче во трка за "маж на годината", до ова му дојде, додека луѓе умираат!? Да има натпревар во неспособност и тогаш ќе биде втор, бидејќи е неспособен!, реагира Марија Андоновска од ВМРО-ДПМНЕ. Во продолжение целата Фејсбук објава на Андоновска: До ова му дојде, додека луѓе умираат!? "Лепотан" на мајка, "маж на годината"!? За што!? За тендерите во четири очи!? За хациендите што си ги гради!? За граѓаните кои ги одра до гола кожа да плаѓаат по приватни болници!? За немањето на протокол и стратегија за лекување од Covid !? За луѓето кои му умираат по улици , незгрижени!? За современите терапии кои се користат секаде, а кај нас ги нема!? За хроничните болни кои ги примора да одат на работа, а термин за преглед неможат да обезбедат!? За матичните доктори и стоматолози, кој не ги праша како се за време на цела пандемија, а камо ли да им помогне!? За здравствените работници кои сами си купуваат заштитна опрема !? За немање "бел план"!? За немање термин за тестирање државно, освен за функционери на СДС!? За 3500 здравствени работници кои не се вработени, а се враборуваат партиски војници во администрација, во време кога недостасува здравствен кадар !? За најмногу заболени и најмногу починти во регионот и пошироко!? За најдонар ПР, за што !? Избор за маж на годината, лудило! До тоа му дојде на најнеспособниот министер за здравство!? Да има натпревар во неспособност и тогаш ќе биде втор, бидејќи е неспособен!, вели во својата објава Андоновска.

Хуманитарецот Али Февзи избран за „Маж на годината“ според Фејсбук гласањето

Ивона Петрова — Thu, 12 Nov 2020 09:17:20 +0000

Али Февзи е победник во категоријата „Маж на годината“, според гласањето на официјалната Фејсбук страна на манифестацијата. Али Февзи е познат хуманитарец во нашата држава, кој изминатиот период купува и донира се што е потребно на семејствата кои во овој период имаат егзистенционални проблеми. Наградата „Маж на годината“ според социјалните медиуми и дава можност на целокупната јавност да се вклучи директно во овој настан, преку номинирање и да гласаат за оние кои се номинирани, преку официјалната Фејсбук страна. Настанот „Мажи на годината“ ќе се одржи на 25 ноември, вклучени се 13 добитници во 13 категории, меѓу кои и главната награда за „Маж на годината“.

Душко Чифлиганец менаџер на годината, Чадиковски маж на годината

Ристе Здравков — Thu, 29 Nov 2018 14:14:54 +0000

Специјалист по детска хирургија, Владимир Чадиковски, беше избран за маж на годината во конкуренција со 82 мажи. Изборот на мажи за 2018 беше спроведен во организација на Friday.mk и Моментум, а признанијата беа доделени вчера на гала вечер во „Тренд Гастро Бар“. Чадиковски доби признание и за маж со најголем придонес во општеството. – Ќе се потрудам да придонесувам во општеството уште повеќе и да се донесат во Македонија европските стандарди за третманот на деца – изјави тој. Министерот за надворешни работи, Никола Димитров, пак, беше награден за маж со најдобар стил. -Ми стана незгодно прво, но после ми се уарни. Немам ништо спремено, не знаев дали ќе има прилика за два три збора, но јас кога ќе видам микрофон од кампањата ми е останато 30 минути да зборувам – рече Димитров. Беа доделени признанија во вкупно десет категории. Живко Мукаетов беше избран за менаџер на годината, а признанието за млад менаџер на годината му беше доделено на Душко Чифлиганец. Амбасадорот на Холандија, Валтер Пломп, беше награден со статуетката странец маж. За маж со најголем придонес во споротот беше избран Кирил Лазаров, а маж на годината избран преку социјалните мрежи беше Огнен Јанески. Трифун Костовски, пак, беше награден со признанието маж со трајни вредности. Извор: skopjeinfo.mk