мажи на годината – Kurir.mk

Како социјалните медиуми ги гледаат успешните мажи кај нас и кој оставил најзначаен впечаток изминативе 4 години

Магдалена Андонова — Wed, 05 Oct 2022 08:55:48 +0000

Во денешно време современите бизниси сѐ повеќе ги користат социјалните медиуми како клучна стратегија во ефикасното вклучување на нови, сегашни и потенцијални клиенти. Користењето на социјалните мрежи од страна на компаниите и менаџерите е одлична алатка за пренесување на информации до широката јавност, запознавање и промовирање на производи, услуги и новости. Брендовите се претставуваат со помош на социјалните мрежи и комуницираат со јавностa, па на тој начин влијаат на секојдневието. Значаен дел од изборот на „Мажи на годината“ се социјалните мрежи бидејќи јавно се гласа за наградата „Маж на годината според социјалните мрежи“. Во изборот на потенцијалниот добитник на наградата во оваа категорија се номинираат личности кои се познати на поголемиот дел од јавноста. Тука спаѓаат личности кои се дел од секојдневието како видни бизнисмени, менаџери, професори, политичари, доктори и останати јавни личности кои го даваат својот значаен придонес во општеството и економијата. Во изминатите четири години, награди понесоа многу од личностите кои оставија белег во македонското општество. Станува збор за луѓе со свој придонес на повеќе полиња и луѓе кои направиле значајни гестови, па вреди да бидат одбележани. Една од 13-те категории на кои се доделува награда е и категоријата „Маж на годината според социјалните мрежи“. На првиот избор на „Мажи на годината“ во 2018 година наградата во оваа категорија ја понесе успешниот македонски водител и новинар Огнен Јаневски. На второто издание во 2019 година јавноста со најмногу гласови го изгласа македонскиот ракометар Стојанче Стоилов кој во годината на изборот со својот ракометен клуб постигна огромен успех и испиша историја во македонскиот ракомет. Во 2020 година наградата отиде кај хуманитарецот Али Февзи. На последното издание оваа престижна награда „Маж на годината според социјалните мрежи“ го избра хуманитарецот Борче Стаменов кој секојдневно склопува и поправа стари компјутери кои ги подарува на социјално загрозените семејства и луѓето на кои им е најпотребно. Горенаведените добитници на награди се личности со голем општествен придонес, па затоа имаат и свое реноме кај пошироката јавност. Несомнено е дека влијанието на социјалните мрежи од година во година сѐ повеќе расте, па затоа и оваа награда добива повеќе значајни конкуренти. Влијанието на социјалните мрежи врз целокупниот живот, врз економијата, политиката и сите други категории од нашиот живот е од големо значење, затоа со големо внимание следиме кој ќе биде избран за „Маж на годината според социјалните мрежи“ за 2022 година.

Колку менаџирањето е комплицирано во Македонија? Кои сè успешни менаџери од 2018 до сега ја понесоа наградата „Менаџер на годината“

Дарко Андоновски — Fri, 02 Sep 2022 12:11:00 +0000

Економијата во Македонија и покрај тоа што се соочува со многу предизвици, секоја година се движи напред по примерот на другите европски држави. Дел од движечките сили на економијата се оние кои успешно ги менаџираат компаниите во државата, а со тоа ја претставуваат насоката на економскиот развој на истата со своето влијание и резултатите кои ги носат. Низ годините бевме сведоци на многу успешни менаџерски приказни од Македонија, кои со својата работа се истакнаа и оставија белег во економијата на државата, а нивната приказна имавме можност да ја проследиме на изборот на „Мажи на годината“, кој традиционално се одржува секоја година во месецот на машкото здравје, во единаесетиот по ред месец од годината. Иако изгледа едноставно, менаџирањето е комплексна вештина која бара многу труд и напорна работа, особено во Македонија каде што се соочуваме со секојдневни предизвици во деловното опкружување. Нашата држава може да се пофали со успешни менаџери на водечки компании во државата и регионот кои безрезервно се надоградуваат и ги имплементираат своите знаења, напори и чекори во комапниите со цел остварување на долгорочни резултати. Успесите на менаџерите во Македонија се секогаш исклучително признаени и наградени. Како една од организациите кои секоја година ги наградува и признава успесите на менаџерите кои го дале својот придонес во општеството е престижниот настан изборот на „Мажи на годината“, како организација која ги доделува една од најпочитуваните награди кои ги добиваат менаџерите. Во изминатите четири години, на настанот „Мажи на годината“ се избираа по двајца менаџери во годината, во две категории - „Менаџер на годината“ и „Млад менаџер на годината“. Добитници на овие престижни награди во изминатите години беа Живко Мукаетов, генералниот директор и претседател на Управниот одбор на „Алкалоид“ АД Скопје кои ја доби наградата „Менаџер на годината“ за 2018 година, Душко Чифлиганец, заменик генерален директор на „Адора инженеринг“ кој ја понесе наградата „Млад менаџер“. Додека во 2019 година наградата за „Менаџер на годината“ ја понесе ко-сопственикот на СЕГ и Нептун, Арсим Папранику. Истата година наградата за „Млад менаџер“ падна во рацете на двајца млади менаџери, Крис Поповски и Ненад Пантовиќ, кои се сопственици и основачи на брендот SIGNORI и Shirt tucker Stay. И покрај тоа што во 2020 година целиот свет беше во една тешка здравствената криза, тоа не беше причина менаџерите, а со тоа и самите комапнии да работат со намален интензитет, напротив, резултатите во 2020 година во голем број на компании укажуваа на спротивното, а за тоа сведочат и наградите кои ги добија менаџерите, чија работа со голем број предизвици и изменети услови, прилагодени на дадената ситуација, достигнаа огромен успех. Наградатите за постигнатиот успех ги добија тројца успешни менаџери, меѓу кои Петар Денковски- генералниот менаџер на Веропулос кои ја доби наградата за „Менаџер на годината“, додека наградата за „Млад менаџер“ ја доби Владо Цекиќ, основачот и извршниот директор на squareONE Marketing & Advertising. Наградата за „Менаџер на годината до 40 години“ ја понесе Радован Витошевиќ, главниот оперативен директор на myWorld International. Последниот избор на оваа манифестација беше изминатата 2021 година, кога наградата за „Менаџер на годината ја освои Горан Цетинов, генералниот директор на Нептун, додека наградата за „Млад менаџер“ отиде во рацете на Игор Милановиќ, менаџер за продажба на Huawei , а наградата за „Менаџер на годината до 40 години“ ја понесе извршниот директор на дигиталната агенција Кара5, Војдан Карапетковски. Изборот на „Мажи на годината“ оваа година ќе го има своето јубилејно петто издание, кое организатори го најавуваат како најголем спектакл до сега, на кој и оваа година ќе имаме можност да проследиме кои менаџери постигнале успех во изминатата година кој е вреден за престижната награда „Менаџер на годината“. Успесите секогаш треба да бидат признаени и прославени за да служат за инспирација за сите останатите кои се стремат да достигнат успех од високи размери, и да дојдат до нивото на останатите кои се пример дека достигнувањата се возможни.

Изборот на најуспешните Мажи на годината за 2021 ќе се оддржи на 14-ти декември

Ивана Ефремовски — Mon, 06 Dec 2021 14:22:49 +0000

Овааа година традиционално по четврти пат ќе се одржи настанот „Мажи на годината 2021“. Секоја година настанот се одржува последната среда од месецот ноември кој е месец на машкото здравје, но поради тргичната автобуска несреќа која што се случи во Бугарија, овогодинешниот избор на најуспешните мажи во Македонија ќе се одржи на на 14-ти декември, 2021 во хотелот Double Tree by Hilton“ во Скопје со почеток од 20:00 часот. -Иако покрај светската пандемија сè уште не можеме целосно да се опуштиме во дружењето, сепак продолжува традиционалното одржување на настанот „Мажи на годината“ кој стана препознатлив белег за македонските џентлмени. Преку нашиот настан успеавме да изградиме бренд кој ги препознава мажите кои преку својот стил на живеење чекорат кон успехот, самодовербата и општествената одговорност. На оваа гала вечер ќе бидат избрани 13 најуспешни мажи во 13 категории кои ја одбележале 2021-ва година. Од досега познатите добитници, хуманитарецот Борче Стаменов од „Донирај компјутер“ од гласањето на Фејсбук страницата понесе најмногу лајкови и заслужено ја доби оваа наградата, Маж на Годината во избор на социјални медиуми за 2021 година, информираат организаторите. Во изборот за Мажи на годината се вклучени професионалци од разни области кои се дел од комисијата на официјалниот избор, како и целата јавност. Настанот првпат се одржа во 2018 година во организација на Фрајдеј Комуникации и Џентлмен Магазин, првиот специјализиран онлајн магазин кај нас.

Поради трагичната несреќа во Бугарија се одложува официјалниот избор на Мажи на годината за 2021

Магдалена Андонова — Tue, 23 Nov 2021 14:20:44 +0000

Со огромна жалост и тага ја примивме веста за трагичната несреќа во која загинаа 46 лица од Македонија, а се случи во Република Бугарија. Сакаме да изразиме сочуство до семејствата на загинатите и брзо опоравување на преживеаните, информираат организаторите. Тие информираат дека поради оваа тажна несреќа која ја потресе целата држава, официјалниот избор на Мажи на годината за 2021 година ќе го одложат. - За новиот датум ќе ве известиме дополнително. Ви благодариме на разбирањето, додаваат.

ВИДЕО: Мажи на годината 2021 во полн сјај

Катерина Бојаџиева — Mon, 08 Nov 2021 09:06:56 +0000

На 24 ноември од 20 часот во Double Tree by Hilton Skopje ќе се одржи четвртиот по ред официјален избор на Мажи на годината кај нас. Настанот кој во повеќе од 70 земји во светот на едно место ги собира најуспешните мажи во повеќе категории, и кај нас го носи својот полн сјај. “Повторно се враќаме, онака како што и му доликува на еден ваков настан, во својот препознатлив стил, во форма на вистинска гала вечер која на едно место ќе ги собере најуспешните мажи кај нас. Среќни сме што во наредниот период ќе ги избереме 13 најуспешни во 13 категории.” – изјавија организаторите од Џентлмен Магазин. Како и секоја година така и оваа година, наскоро јавноста ќе може да номинира кој маж заслужува да биде избран за маж на годината. Ќе можат да кажат кој е тој кој направил најмногу изминатата година, кој уживал углед на вистински џентлмен. “За некој ден ќе ја известиме јавноста за можноста за номинации на мажи кои според нив се најзаслужни за награда во категориите. Веднаш потоа, традиционално, дел од номинираните ќе ги поставиме јавно на гласање, и со помош на публиката ќе го избереме Мажот на годината за 2021 во избор на социјалните медиуми. Таа награда е некако посебна, знаејќи дека нашата јавност знае да биде навистина многу критична и реална.” – додадоа организаторите. Оваа година, организаторите на настанот најавуваат специјална вечер со многу забава и интеракција, која никого нема да остави рамнодушен.

Избор на мажи на годината оваа година на МРТ1: Нов концепт и комплетно уживање за целата јавност

Дарко Андоновски — Thu, 05 Nov 2020 11:38:29 +0000

Во година полна со предизвици, борбата за нормално функционирање на работите е најважна. Затоа и оваа година ќе ги славиме успесите на најуспешните мажи во нашата држава, успеси кои ќе бидат мотив за секој од нас. Овогодинешниот избор на Мажи на годината за 2020 година во организација на Џентлмен Магазин, оваа година ќе биде посебен. Посебен пред се поради големиот интерес во јавноста, но и поради приликите кои ги диктира ситуацијата со пандемијата. Имуни не бевме и ние, и затоа, како и насекаде во светот оваа година одлучивме изборот на Мажи на годината да биде во еден друг концепт. Концепт кој ќе придонесе целокупната јавност да го проследи. Официјално сакаме да ви најавиме дека Мажи на годината за 2020 година ќе оди на МРТ1 во формат на светско шоу каде ќе ги наградиме традиционално најуспешните мажи во Македонија. Настанот ќе се одржи на 25.11.2020 (Среда) со почеток во 20:00 часот на МРТ1. „Мотивот да ги избереме најуспешните мажи во нашата држава е огромен, пред се поради ситуацијата со коронавирусот и пандемијата која буквално ни ги поремети плановите и навиките. Затоа, иако се наоѓаме во исклучително тешка година, година која е комплетно различна и која едвај чекаме да помине, ние традиционално, ќе ги славиме најуспешните мажи и оваа 2020 година.“ – изјавија од организаторите. Мажи на годината е настан кој за прв пат се појави во 2018 година во организација на Фрајдеј Комуникации, и првиот специјализиран онлајн магазин кај нас www.friday.mk или по ново Џентлмен Магазин, и ова е негово трето издание. „Горди сме што успеавме да креираме настан, кој стана препознатлив белег на џентлмените, на мажите кои негуваат навики кои носат до успех, на хедонизмот, на општествената одговорност. Нашата цел е јасна, а таа е да не мотивира меѓусебно во правец на поместување на сопствените граници, да се поттикнеме на донесување позитивни одлуки кои влијаат на квалитетот на нашиот живот и работа, притоа создавајќи еден позитивен имиџ во јавноста.” – изјавија од организаторите на официјалниот избор на Мажи на годината. Во изборот се вклучени голем број на докажани професионалци во разни области кои се дел од жири комисијата на официјалниот избор, како и целокупната јавност која номинира и дава свој директен придонес во целокупниот избор. За маж на годината во 2018 година беше избран доктор Владимир Чадиковски, а во 2019 година Мислав Галер кој ја понесе титулата за маж странец, како и Божидар Јанковски, кој беше избран за Маж на годината во избор на организаторите. Помеѓу останатите добитници минатата година беа и Арсим Папранику, Енвер Малиќи, Стојанче Стоилов, Елиф Елмас, Владимир Стајиќ, Ненад Пантовски и Крис Поповски, Влатко Лозановски, Филип Ивановски, и Габриел Стибел. Затоа, македонски џентлмени, засукајте ги ракавите оваа година, направете нешто кое ќе биде поттик за сите, нешто што ќе го препознае вашиот труд, и бидете дел од оваа престижна манифестација.