мдс – Kurir.mk

ДА ГО ПРЕНЕСЕМЕ НА ИДНИТЕ ГЕНЕРАЦИИ ОНА ШТО НИ ГО ПРЕНЕСОА НАШИТЕ ПРЕДЦИ: Апел од МДС до сите Македонци да се попишат на престојниот попис во Албанија

Тале Кристо — Mon, 18 Sep 2023 13:27:18 +0000

ДА ГО ПРЕНЕСЕМЕ НА ИДНИТЕ ГЕНЕРАЦИИ ОНА ШТО НИ ГО ПРЕНЕСОА НАШИТЕ ПРЕДЦИ, ПОПИШЕТЕСЕ Почитувани, браќа и сестри, денеска и официјално започна пописот во Република Албанија, должност е, а и обврска е на сите да го пренесеме она што нашите предци ни го оставија за да го пренесеме на идните генерации. Деновиве сме сведоци на бугарска пропаганда, од посетата на Јотова па се до разни тукашни инсталации во Албанија кои сакаат да не конвертираат во бугари. Сакаме да појасниме дека бугарскиот пасош и папири се вадат од економски причини и не претставуваат никаков проблем да се попишиме што сме, и од каде потекнуваме. Ова го знаат и бугарските власти, знаат дека бугари во Република Албанија постојат само во амбасадата во Тирана, се друго е мачкање очи на маѓународната заедница. Затоа, драги наши Македонци, аманетот од нашите предци да го пренесеме на идните генерации за да знаат кои се и што се. Попишетесе за нашинците од Пиринска Македонија, попишетесе и за тие од Егејска Македонија, попишетесе за сите Македонци ширум светот... Бугарските пасоши сите да ги искористиме на правилен начин, но никогаш да не заборавиме кои сме и што сме... Попишетесе Македонци, попишетесе за нашите дечиња и идни поколенија, попишете се како Македонци... Да сте живи и здрави..., апелираат од македонско движење МДС (Македонско движење за самоопределување).

Македонското движење (МДС) од Албанија со остра реакција: На бугарските шарлатани да им се забрани влез во државата – општината, македонската партија и самата држава да го заштитат македонското население!

Тале Кристо — Wed, 24 May 2023 13:25:36 +0000

Во Република Албанија не живее никакво бугарско малцинсто, отварањето на бугарски клуб во Пустец претставува провокација и омаловажување, како и обид за асимилација на Македонците што живеат во Албанија, реагираат од Македонското движење за самоопределување (МДС) од Албанија. Бугарската пропаганда пуштена е на најако во Република Албанија, во населените места каде што претежно живеат Македонци. Обидот за отварање на бугарски клуб во село Пустец, Мала Преспа не претставува ништо друго освен провокација и омаловажување на Македонците од страна на Бугарија и бугарските агентури, задскриени под превезот на таканаречената Фондација „Фондација Македонија“ предводена од Виктор Стојанов. Државата, Република Албанија мора да застани во заштита и одбрана на своето население и на овие шарлатани кои што како шерифи се шетаат низ Мала Преспа да му се забрани влез во државата. Овие лица од Бугарија треба еднаш и засекогаш да разберт дека од Македонец, „бугарин“ не бидува. Бидејќи македонизмот и македонштината со нас се раѓа, со нас живее и се пренесува од колено на колено, и затоа ќе биде вечна. Македонизмот ќе го надживее договорот за добрососедство помеѓу Македонија и Бугарија, како и Преспанскиот договор помеѓу Македонија и Грција, со кој за жал беше сменето уставното име на нашата матична земја МАКЕДОНИЈА, исто како што ќе ги надживее сите негатори на МАКЕДОНЦИТЕ. Во меѓувреме, македонската партија (МАЕИ) како дел од власта на Еди Рама, и општина Пустец цврсто да застанат во одбрана на Македонското население и да не дозволат никакви провокации од страна на овие еден-двајца бугари кои што шпартаат низ Мала Преспа. МДС застанува цврсто во заштита на Македонците во Република Албанија и во заштита на македонското културно наследство. Македонија и Македонците вечни!, стои во реакцијата на МДС.

МДС бара итно запирање на незаконската постапка против нивниот претседател Дабиќ

Магдалена Андонова — Mon, 25 Jul 2022 13:04:50 +0000

Најостро се спротивставуваме наповедувањето дисциплинска постапка против нашиот претседател, амбасадорот Зоран Дабиќ. Веќе три години, од основањето на Македонскиот дипломатски синдикат, амбасадорот Дабиќ е наш претседател и бескомпромисен борец за остварување на принципите и заложбите зад кои стои МДС, а тоа се пред се подобрување на социјалните, економските, здравствените и професионални права на вработените во МНР. Со своите активности и резултати во насока на реализирање на принципите и заложбите на МДС и пред се враќањето на дигнитетот на дипломатската професија тој ужива висок углед во нашето членство, стои во отвореното писмо на Извршниот одбор на Македонскиот дипломатски синдикат. Имајќи ја предвид законската заштита на синдикатите, како и на претставниците на синдикатите за искажан став или мислење, која е, согласно основните демократски принципи, насочена токму кон овозможување на слободно дејствување на синдикатите, тие го информираат за следното: - Со Одлука на Извршниот одбор на МДС, претседателот Зоран Дабиќ е задолжен да ги афирмира ставовите на МДС во самото министерство, но и во пошироката јавност и е овластен тоа да го прави преку директно комуницирање со министерот за надворешни работи и раководството на МНР, преку соопштенија за јавност, јавни написи, предавања, учество на конференции, јавни настапи, интервјуа, присуство во медиуми, социјални мрежи и други форми на обраќање до јавноста кои што ќе имаат ефект на доближување на нашите пораки до широката јавност. Согласно ова, нашиот претседател, амбасадорот Зоран Дабиќ не може, ниту смее да биде предмет на лична дисциплинска постапка, поради тоа што како Претседател на МДС ги застапува ставовите на МДС. Сите ставови изнесени на неговото обраќање пред Собранието на 5 јули 2022 година се ставови на Македонскиот дипломатски синдикат. Сите забелешки „околу начинот на работењето на министерот за надворешни работи Бујар Османи и функционирањето на Министерството за надворешни работи“ се исто така забелешки на Македонскиот дипломатски синдикат. Овие забелешки не се нови и се однесуваат на супер-централизираниот начин на неговото раководење преку создавање „мини МНР“ во Кабинетот на министерот, одн.двојни паралелни структури за веќе постоечки области. На тој начин директно се запоставува 90% од редовните работни единици врз кои дипломатијата како структура почива, преку нивно маргинализирање или целосно невклучување во активностите. Ваквата пракса непосредно доведе до релативизирање на највисоките дипломатски структури, а со тоа и до атрофирање на целосната дипломатската служба, која станува „одвишна и непотребна“. Долгорочно, ваквата поставеност води кон јакнење на клиентелизмот ипартизираноставо МНР, какои појава на тешки дефекти во процесот на градење квалитетни дипломати. Оттаму нашата загриженост за иднината на нашата куќа, се појаснува во писмото. Извршниот одбор на МДС истакна дека како претседател на Македонскиот дипломатски синдикат, амбасадорот Дабиќ на нивно барање јавно го изнесл нивниот став против злоупотреба на нивните имиња и професии од страна на министерот Османи, кога неточно изјавил во јавноста дека „францускиот предлог го разгледуваат и анализираат најискусните дипломати во МНР“. - И на крај, како МДС сметаме дека несмасната изјава на МНР Османи дека неприфаќањето на францускиот предлог може да доведе до етнички тензии е целосно несоодветна за еден министер за надворешни работи и заради тоа го овластивме нашиот претседател јавно да побара одговорност од министерот Осамни. Како што гледате, вистинскиот субјектот на дисциплинска постапка што се предлага да се поведе е всушност Македонскиот дипломатски синдикат. МДС е доброволно здружение на граѓани и нема некакви институционални или финансиски можности за некакво влијание, освен преку изнесување на вистината. А за вистината да допре, таа треба да излезе во јавност. Никој, па макар бил и министер или друг висок раководител не може да биде однапред амнестиран од одговорност за штетни последици. Нашиот законски претставник, амбасадорот Зоран Дабиќ ги афирмира нашите познати ставови во јавноста, кои ставови ги градиме сите подеднакво и тоа се наши заеднички ставови, па согласно тоа не гледаме поради што некој треба поединечно да одговара, се појаснува во писмото, децидни се. Од Извршниот одбор се надеваат дека ќе се препознае дека дисциплинска постапка против нашиот претставник амбасадорот Дабиќ, поради тоа што изнесува наши ставови, не е законски дозволена и дека соодветно на тоа, ќе донесете исправна одлука да не ја поведете постапката. - Доколку сепак се решите да поведете незаконска постапка, бидете сигурни дека до крај ќе ги браниме нашиот интегритет и нашите законски права како синдикална организација, јавно и гласно. За ваквиот незаконски преседан веднаш ќе ги информираме нашите повисоки структури, и тоа: Конфедерацијата на слободни синдикати (КСС) и Синдикатот на администрацијата и државната управа (САДУ) на домашен, како и Меѓународната конфедерација на синдикати (ITUC – International Trade Union Confederation) и Светската работна организација(ILO - International Labor Organization)од системот на Обединетите нации, на меѓународен план. Исто така, ќе продолжиме да ги известуваме медиумите за авторитарниот недемократски третман на синдикатот во Министерството за надворешни работи и за обиди за негово замолкнување преку застрашување на неговото членство, одн. самиот претседател. Доколку биде потребно, нема да исклучиме и поведување приватни судски постапки против одговорни лица во МНР, вклучително и членови на Дисциплинската комисија.

MДС: Уште ги чувствуваме последиците од времето на Димитров кога е направена голема штета на мaкeдонската дипломатија

Ивона Петрова — Sat, 01 May 2021 11:46:03 +0000

На големиот празник на трудот и работниците 1-ви мај, потсетуваме дека голем број прашања и барања на вработените во Министерството за надворешни работи не се одговорени. Едно од нив е на пример и барањето за исправање на неправдите на претходното раководство на МНР на чело со Никола Димитров, кога триесетина вработени беа неосновано деградирани, а со тоа и нивните приходи и пензиски стапки драстично намалени, а заминувањето на некои од нив на работа во странство спречено, се вели во денешното соопштение на Македонскиот дипломатски синдикат. „Залагањата за силна дипломатија ќе останат празни зборови се додека дипломатската служба не се реформира од внатре. Изминатите години Македонскиот дипломатски синдикат укажуваше на бројни девијации, од процесот на вработување, до процесот на упатување на работа во дипломатско-конзуларните претставништва. И двата процеси се киднапирани од авторитарна злоупотреба на службена позиција. Уште го паметиме најцрниот период, времето на Никола Димитров, кој имаше полна уста со убави зборови, а и нанесе долгорочна и тешко поправлива штета на македонската дипломатија. Поделбата на „наши” и „ваши” беше свесно користена за „расчистување” преку развивање на клиентелизмот и пресметка со неистомислениците. Дипломати беа незаконски бркани од работа, редица монтирани дисциплински постапки беа отварани против „неподобните”, со помош на киднапирана и злоупотребена систематизација вршен е незаконски погром на најквалитетните, поништувани се веќе завршени процедури за упатување на работа во странство, а на место на вратените се испраќани други, по партиски клуч или според лични афинитети. Работникот е заборавен, а мерит системот изгазен. Негрижата за вработените оди до таму што „началството” воопшто не го интересира професионалната, економската и социјалната положба на вработените, која е далеку од блескава. МДС, која што делува во рамките на КСС (Конфердерацијата на слободните синдикати), ќе продолжи активно да се бори за положбата на вработените во дипломатската служба и за таа цел работи и на меѓународно ниво, со Меѓународната конфердерација на синдикати во Брисел и развива меѓународна соработка со останатите струкови организации надвор од земјата. Поминуваат времињата кога гласот на работникот не беше слушнат. Нашата сила се вистината и искажаниот збор. Друго оружје немаме, за разлика од раководството кое целосно го има институционалниот систем зад себе и не ретко го злоупотребува. МДС е активен чинител за враќање на угледот на нашата дипломатија, зашто тој се гради од внатре, со здрави корења. Јакнењето на интегритетот и способноста на дипломатите се единствен пат за градење македонска дипломатија на чии успеси сите ќе се гордееме“, соопшти МДС.