меч – Kurir.mk

Еве кој судија ќе го суди мечот Италија – Македонија

Ристе Здравков — Tue, 22 Mar 2022 11:55:39 +0000

Францускиот судија Клемен Турпан, кој го судеше ланското финале во Лига Европа помеѓу Манчестер јунајтед и Вилјареал, ќе биде главен судија на натпреварот меѓу Италија и Македонија в четврток, во Палермо. Негови помошници на стадионот „Ренцо Барбера“ ќе му бидат сонародниците Николас Дано и Сирил Грингор. Четврти судија е Беноа Бастиен, а за ВАР ќе бидат Далажо Вили (главен) и Жером Бисар. Турпан е ФИФА судија од 2010 година, а досега ниту еднаш не и судел на Македонија.

ИХФ: Денешниот меч помеѓу Германија и Зеленортските острови откажан – 10:0 за германската репрезентација

Магдалена Андонова — Sun, 17 Jan 2021 11:53:12 +0000

Меѓународната ракометна федерација (ИХФ) соопшти претпладнево дека денешниот меч од второто коло во групата А на Мундијалот во Египет меѓу Германија и Зеленортските острови е откажан и регистриран со службени 10:0 за германската репрезентација. Одлуката доаѓа откако Зеленортските острови во саботата останаа без доволен број играчи по два позитивни случаи на коронавирус. Мечот од третото коло во групата А меѓу Зеленортските острови и Уругвај засега останува на распоредот, откако африканската репрезентација ја известила ИХФ дека ќе повика нови ракометари во својот табор. (МИА)

Сума од која боли глава: Мајк Тајсон заработените пари од мечот против Рој Џонс ќе ги донира во хуманитарни цели

Тале Кристо — Tue, 01 Dec 2020 22:05:39 +0000

Дуелот на великаните помеѓу Мајк Тајсон и Рој Џонс Јуниор, кој се одржа во Лос Анџелес, заврши нерешено. Тајсон беше подоминантен во рингот, како што покажа статистиката, но судиите одлучија борбата да заврши без победник. Мајк Тајсон од оваа борба заработи речиси 10 милиони долари за учество во ревијалниот бокс меч, а неговиот ривал, Џонс Јуниор, доби три пати помалку пари. Она што е интересно е што Тајсон вети дека сите пари што ги заработи од овој меч ќе ги донира во хуманитарни цели. -Задоволен сум од овој исход. Среќен сум што се борев и сигурно ќе се повтори, рече Тајсон

Мислеле дека е обичен стап, но тоа што го извлече ова мало девојче е вистинско античко богатство (ФОТО)

Ивана Ефремовски — Fri, 05 Oct 2018 14:15:33 +0000

Осумгодишно девојче извлекло меч од пред викиншката ера, пливајќи во езеро во Шведска за време на летото, објави Би-би-си. Според информациите, мечот е стар 1000 години, а експертите во локалниот музеј веруваат дека е од пред 1 500 години. Во моментот кога девојчето пливало, нивото на водата во езерото било многу ниско, што најверојатно е причина да го пронајде мечот. -Почувствував нешто во водата и се наведнав. Веднаш отидов да му кажам на татко ми дека во водата има нешто што личи на меч, изјавила Сага. Таткото на девојчето рекол за локалните медиуми дека ќерка му нашла невообичаен стап или нешто слично во водата. Кога подобро виделе, сфатиле дека се работи за античко оружје. Локалниот музеј, кој го зачува историскиот предмет, соопшти дека мечот е во многу добра состојба. Оттаму велат дека истрагата на езерото сè уште не е завршена и дека може да бидат пронајдени уште антички предмети.

Навивачи прекина натпревар од Копа Либертадорес

Ристе Здравков — Wed, 29 Aug 2018 08:31:50 +0000

Натпреварот меѓу бразилски Сантос и аргентински Индепендиенте не го дочека својот крај поради дивеење на навивачите на домашната екипа. Фановите на Сантос фрлаа факели кон резервната клупа на аргентинскиот тим, а потоа се обидоа да влезат на терен, па судијата се одлучи да го прекине мечот на осум минути пред крајот. Енергичната интервенција на полицијата спречи поголеми инциденти. И пред синоќешниот натпревар низ улиците на градот имаше инциденти, а еден навивач беше прободен со нож. Мечот беше од осминафиналната фаза во Копа Либертадорес. Во четвртфиналето оди Индепендиенте, а Сантос го очекува казна.

Момчето ја изневерило, па го нападнала со самурајски меч: Едвај преживеал по жестокиот напад

Ивана Ефремовски — Thu, 08 Mar 2018 13:33:25 +0000

Неретко се случува откако ќе го фати партнерот или партнерката на дело, изневерена личност да изгуби контрола врз себе, но Емили Хавиер сепак отишла малку предалеку. Девојката од американската сојузна држава Вашингтон викендов била уапсена поради напад на нејзиното момче со самурајски меч. Кога полицијата дошла во нивниот дом, 29-годишниот Алекс Ловел лежел тешко повреден во спалната, облиен во крв, а Хавиер се пофалила дека го убила. Причината била неговото неверство, односно тоа што таа нашла докази дека тој ја изневерувал, по две години заеднички живот. - Алекс само седи дома и игра видео игри. Не ми помага во ништо, додава таа. На девојката и пукнал филмот кога открила дека Ловел ја инсталирал популарната апликација Тиндер која се користи за поврзување интернет врски, а тој имал и сомнителни траги по телото. Нападот со меч не бил во афект. Девојката признава дека го планирала убиството со денови, купила оружје, го залепила под креветот за да и биде при рака, чекала Ловел да заспие и потоа го нападнала. Судот и определи кауција од 350.000 долари. (МИА)