мече теди – Kurir.mk

ФОТО: Мечето Теди од штипската зоолошка се сели во Бугарија

Ивона Петрова — Thu, 05 Nov 2020 09:47:40 +0000

Мечето Теди кое со години во штипската зоолошка градина живееше во несоодветни услови се сели во Белица, Бугарија. Тој денес замина за Бугарија, каде ќе има подобри услови и ќе биде сместен во резерватот „Паркот на танцувачките мечки" во Белица. Покрај Зоо Скопје, во процесот за преселбата на Теди учествувале и 4Paws, најдобрата светска организација за заштита на животните.

Мечето Теди ќе живее во скопската зоолошка, Штип нема дозвола за чување на вакво диво животно

Ивана Ефремовски — Fri, 27 Dec 2019 14:33:39 +0000

Според дозволите издадени во 2015 година од страна на Министерство за животна средина до ,,ЈП ИСАР'' во дозволата нема одобрување за чување на мече. Во тој период е дадена дозвола за чување на единаесет видови на диви животни точно наброени. -За да добиеме дозвола за чување на ова животно тоа се посебни процедури, изградба на посебни кафези, објекти со заштитни зони што ние во моментов како урбанизам на град Штип ги немаме во тој дел од градот. Општина Штип не преферира да инвестира во диви објекти кои не можат да се вклопат во детален урбанистички план во градот. Разговарано е со директорот на ЗОО Скопје кој што има поголем број на вакви животни одошто треба, но ќе излезат во пресрет да привремено го сместат мечето а тие со нивните стручни служби ќе ги започнат сите постапки за изнаоѓање на најдоброто решение за ова мече, информираат од општината. Има неколку организации кој што се заинтересирани во најдобри услови да го превземат и да го чуваат ова животно во најдобри услови тоа се „Brigitte Bardot“ и „4 Paws“. ЗОО Скопје во координација со овие организација ќе продолжи со постапката. Претставници од овие организации веќе беа во Штип и го дадоа овој предлог. Мечето Теди заслужува да живее во хумани услови како што доликува.

Од глетката ќе ви надојдат солзи: Во несоодветни услови Зоолошката градина во Штип чува мече (ФОТО)

Дарко Андоновски — Sun, 11 Aug 2019 16:30:08 +0000

Ќе остане ли мечето Теди во штипскиот зоо парк или ќе мора да биде вратен во скопската зоолошка градина, објавува Сител. Теди беше донесен пред 2 години и е вистинска атракција за посетителите во единствената зоолошка градина на истокот. Сепак долго време мечето живееше во субстандардни услови, односно, во малечок кафез, во кој му беше лимитирано движењето. - За мечето создадовме некои подобри услови што го зголемивме кафезот- изјави ЖИВКО ТАСЕВ, ДИРЕКТОР НА ЈП ИСАР Зоо паркот во Штип го менаџира јавното комунално претпријатие кои се во преговори за згрижување на Теди во зоолошката во Скопје, но се уште се чека на одговор, каде мечето ќе го продолжи својот живот и во какви услови. - Ако не дојде до преселување на мечето, ќе мора да направиме уште еден кафез, да го зголемиме просторот, за да може мечето Теди да има подобро живеалиште-додаде Тасев Од пред една недела зоо паркот има и привремени посетители, два штркови кои се повредени во пожар. На едниот му е скршена ногата, па ветеринарите му ја санираа повредата. Другиот е во подобра здравствена кондиција и сигурно заминува на југ.

Мечето Теди ќе добие ново живеалиште во штипскиот ЗОО парк

Ивона Петрова — Thu, 02 Aug 2018 10:39:34 +0000

Двегодишното мече Теди од штипскиот ЗОО парк нема доволно простор за живеење и наскоро ќе добие ново живеалиште. Директорот на штипското Комунално претпријатие „Исар“ Живко Тасев под чија надлежност е работната единица ЗОО парк изјави дека се свесни оти мечето Теди нема доволно простор за живеење. Посочи дека веќе имаат решение за што се обратиле и до донаторот, лекарот Угриновски. - Ние утврдивме дека живеалиштето на мечката е мало. Со неговото растење се доведува до ситуација живеалиштето на мечето да не ги задоволува стандардите. Испративме проекти и писмо до донаторот, лекарот Угриновски и чекаме одговор за да се направи ново живеалиште, кое ќе ги задоволува сите стандарди за живеење на мечката, вели Тасев. Тој истакна дека веќе имаат избрано и нова локација за живеалиштето на мечката Теди, која се наоѓа во подолниот дел на ЗОО паркот, каде нема бучава од движењето на автомобилите и моторите низ паркот Суитлак. Тасев информира дека останатите живеалишта се во добра состојба, а вработените постојано се грижат за нив, како и за уредувањето околу нив. Во штипскиот ЗОО парк, кој е единствен на истокот има педестина животни, а е отворен пред четири години. Мечето Теди е атракција во штипскиот ЗОО парк. Живее во кафез на простор од петнаесетина метри и секојдневно го вознимирува бучавата од автомобилите и високите температури. Пред десетина дена го скршил вратат меѓу затворениот и отворен простор. Одгледувачите сега не смеат да се приближат и да му го исчистат кафезот. МИА