медали – Kurir.mk

Кик-боксерите од клубот „АС“ од Делчево освоија 9 медали на Балкан Опен Куп во Тешањ, Босна и Херцеговина

Тале Кристо — Sun, 22 Oct 2023 18:05:29 +0000

Кик-боксинг клубот „АС“ од Делчево со девет освоени медали го заврши учеството на Меѓународниот кик-боксинг „Балкан Опен Куп“ што се одржа во Тешањ, Босна и Херцеговина, на кој настапи со четири натпреварувачи. Тренерот на екипата Љупчо Стојчевски изрази задоволство од постигнатите резултати, напоменувајќи дека резултатите се уште позначајни ако се има предвид дека конкуренцијата била многу тешка. -Само што се вративме од Босна и Херцеговина, каде на Меѓународниот Кик-боксинг Куп освоивме девет медали и тоа еден златен, пет сребрени и три бронзени медали. Златниот медал му припадна на Павел Стојчевски во кик-лајт до 63 килограми, сребрени медали освоија Арнес Хајдер и Андреј Митков, додека бронзи освоија Павел Стојчевски и Лука Пешов, информираше тренерот на делчевскиот клуб. За Стојчевски, покрај златото, за одбележување е настапот на дебитантот Арнес Хајдер, кој освои два бронзени медали во дисциплината кик-лајт. -Исто така радува и настапот на најмладиот Лука Пешов во борбата за натпреварувачи до +36 килограми, освои сребрен медал. Освојувачот на златниот медал Павел Стојчевски поради повреда во финалето во лајт контакт - 63 килограми остана со сребрениот медал, додека во полуфиналната борба за поени до 69 килограми, Стојчевски не можеше да продолжи и се откажа од борбата освојувајќи бронзен медал, но секако е задоволен од златниот медал во кик-лајт, додаде тренерот Љупчо Стојчевски. На Балкан Опен Купот на кој настапија 492 натпреварувачи од 12 земји, Стојчевски покрај тренер на екипата ја имаше и улогата на меѓународен судија.

Македонската репрезентација во традиционално карате освои вкупно 30 медали 14 златни, 10 сребрени и 6 бронзени медали

Тале Кристо — Mon, 27 Feb 2023 07:02:27 +0000

Македонската репрезентација во традиционално карате на меѓународниот карате турнир во Крушевац, Србија, кој се одржа на 26 февруари 2023 година освои вкупно 30 медали 14 златни, 10 сребрени и 6 бронзени медали. Камелија Недев беше најуспешна со освоени 4 златни медали во кати, енбу, ката тим и џиу кумите тим и една бронзена во џиу кумите во категорија деца 10 години. Мила Младеновска во јуниорска конкуренција освои 3 златни медали во кого-кумите, фукуго и ката тим. Филип Недев освои 2 златни, 2 сребрени и една бронзена, Софија Јарчевска освои 2 златни и 3 бронзени медали, Матеј Мангаровски освои 3 златни и една бронзена и Георги Кокорманов освои 2 златни, 2 сребрени и 1 бронзена. Исто така и останатите македонски натпреварувачи беа доста успешни, Мариастела Топалоска, Марта Димковска, Изабела Пренковска, Максим Поп Трпев, Срна Вапски, Ива Спасеновска, Марија и Ана Ѓуриќ и Марко Илиевски освоија повеќе медали во поединечна и екипна конкуренција. На меѓународниот турнир во Крушевац учествуваа над 600 напреварувачи од 5 држави.

Македонската репрезентација во традиционално карате освои вкупно 54 медали на ИТКФ Светскиот шампионат

Тале Кристо — Tue, 15 Nov 2022 07:14:40 +0000

Македонската репрезентација во традиционално освои вкупно 54 медали – 19 златни, 14 сребрени и 21 бронзени медали на 21. ИТКФ светскиот шампионат за ветерани, сениори, младинци, јуниори и кадети како и на 1. ИТКФ Светски куп за деца „Хидетака Нишијама“ кој се одржа на викендот во Скопје. Златни медали освоија: Аљоша Недев – 1 место во фукуго и кати за сениори – (светски шампион) Јадранка Недев – 1 место во кати за сениорки – (светски шампион) Мила Саздова – 1 место во ката, кого кумите и фукуго за младинки – (светски шампион) Мила Младеновска – 1 место во ката и кого-кумите за кадетки – (светски шампион) Мила Саздова и Димитри Влахо – 1 место во енбу м/м за младинци- (светски шампион) Берта Милевска и Бојан Богдановиќ- 1 место во енбу м/м за сениори – (светски шампион) Марта Димковска – 1 место во кихон за деца 12-13г. Тиме Крстев – 1 место во кихон ипон за деца 6-7 г. Филип Недев – 1 место во ката и кихон ипон за деца 8-9 г. Лука Крстевски – 1 место во кихон за деца 8-9 г. Ива Димковска – 1 место во џиу ипон кумите за деца 10-11г. Бране Клепов – 1 место во кихин за деца 10-11г. Филип Пасков – 1 место во ката и кихон за деца 12-13 г. Сребрени медали освоија: Аљоша Недев – 2 место во кого кумите за сениори Берта Милевска – 2 место во кого-кумите сениорки Ристо Сакалиев – 2 место во ката за ветерани Антонија Белазелкоска – 2 место во ката младинки Димитри Влахо – 2 место во фукуго и кого-кумите за јуниори| Мила Младеновска – 2 место во фукуго кадетки Мила Младеновска и Димитри Влахо – 2 место во енбу м/ж за јуниори Марта Димковска – 2 место во кати и џиу ипон кумуте за деца 12-13г. Мариастела Топаловска – 2 место во кихон за деца 10-11г. 2 место во ката тим деца 8-9г. (Филип Недев, Лука Крстевски и Дамјан Трајковски) 2 место ката тим деца 6-8г. (Срна Вапски, Ива Спасеновска, Ана Ѓуриќ) Војдан Паламидовски – 2 место во ката за деца 6-7г. Бронзени медали освоија: Јадранка Недева – 3 место во фукуго сениорки Антонија Белазелкоска – 3 место во фукуго за младинки Јана Милевска – 3 место во фукуго и кого кумите за младинки Ристо Сакалиев – 3 место во кумите за ветерани Кочо Василевски – 3 место во кумите за ветерани Елена Бичева – 3 место во кумите и кого-кумите за сениорки Сашо Спасовски – 3 место во кумите за сениори Наум Јаковлев – 3 место во кумите јуниори Изабела Пренковска – 3 место во ката деца 12-13г. Мариастела Топалоска – 3 место во џиу ипон кумите за деца 12-13г. Бране Клепов – 3 место во џиу ипон кумите за деца 10-11г. Жика Манасов – 3 место во кихон ипон за деца 8-9 г. Георги Кокорманов – 3 место во кихон деца 6-7г. 3 место кумите тим сениорки (Мила Саздова, Берта Милевска, Јана Милевска и Елена Бичева) 3 место кумите тим младинки (Мила Саздова, Антонија Белазелкоска, Јана Милевска) 3 место ката тим деца 6-9г. (Ирина Крстевска, Неда Костадиновска, Софиа Топалоска) 3 место ката тим деца 6-7г. (Георги Кокорманов, Војдан Паламидовски, Максим Поп-Трпев) 3 место џ.ипон кумите тим деца 10-11г. (Камелија Недев, Ива Димковска, Марија Ѓуриќ, Софија Јарчевска) 3 место ката тим деца 10-11г. (Ива Димковска, Марија Ѓуриќ, Софија Јарчевска). ИТКФ светскиот шампионат и куп беше организиран од страна на Македонската традиционална карате федерација. Учествуваа 456 напреварувачи од 44 земји.

Македонски ученици освоија еден сребрен и два бронзени медали на Јуниорската Балканска олимпијада по информатика

Ивона Петрова — Sat, 03 Sep 2022 09:57:51 +0000

Јуниорскиот тим на македонски информатичари годинава доста успешно се претстави на 15-тата Јуниорска балканска олимпијада по информатика (ЈБОИ 2022), која од 28-ти август до 3-ти септември се одржува во Дорохои, Романија, оставајќи ги тимовите на повеќето балкански држави зад нив. Тимот составен од учениците Благој Рујаноски Стојановски од Прилеп, Никола Стојковски од Скопје, Дамјан Давков од Штип и Владимир Грчев од Кочани, предводени од лидерите, Владислав Бидиков и д-р Миле Јованов од Факултетот за информатички науки и компјутерско инженерство (ФИНКИ), освои еден сребрен и два бронзени медала. После една година пауза и една година како онлајн натпреварување, ЈБОИ се одржува како регуларен настан. Покрај учеството на повеќето земји од балканската иницијатива во информатика, беа присутни и Украина и Азербејџан како земји гости. Во силна конкуренција во која скоро сите земји учеснички се поголеми од Македонија, сребрениот медал за нашиот тим го освои Благој Рујаноски Стојановски, ученик со штотуку завршено основно образование. Учениците Никола Стојковски и Дамјан Давков од Скопје освоија бронзени медали, а најмладиот учесник од Македонија се врати со олимписка пофалба. До сега, во овие 15 изданија на олимпијадата македонските натпреварувачи имаат освоени 5 сребрени и 24 бронзени медали. Овој резултат на нашиот јуниорски тим покажува дека континуираната работа на членовите на Здружението на информатичарите на Македонија (ЗИМ) создава не само врвни резултати туку и иднина. Добро би било и фокусот на државните институции да се насочи кон поддршка и развој на талентите преку средување на законската легислатива и вистинска поддршка на организациите и поединците кои работат на тоа. Талентите, во која било област, може да бидат потребната сила за придвижување на државата во вистинска насока, а, во денешно време, особено идните информатички инженери. Благодарни сме до Факултетот за информатички науки и компјутерско инженерство (ФИНКИ) и општествено одговорните компании Мелон Технологии, Нетцетера и Семос Едукација, кои годинава го поддржаа циклусот на натпревари, вели д-р Миле Јованов, претседател на ЗИМ. Во периодот кој следи ни претстои учество на Балканска олимпијада за во Букурешт, Романија, Европска олимпијада за јуниорите во Украина – онлајн, како и Европска олимпијада за девојки во Турција, а учениците од сите тимови следниот викенд ќе бидат гости во вилата Билјана во Охрид, на покана на Претседателот на државата.

ГОЛЕМО БРАВО: Четири медали за македонски математичари на Јуниорската балканска математичка олимпијада

Магдалена Андонова — Sun, 03 Jul 2022 10:06:33 +0000

Македонски тим математичари освои четири медали на Јуниорската балканска математичка олимпијада (ЈБМО) 2022 која се одржа во Сараево од 28 јуни до 3 јули. Како што соопшти Сојузот на математичари на Македонија, Дамјан Давков освои златен медал, Леонид Тодороски – сребрен медал, а Димитар Фидановски и Марко Митевски освоија бронзени медали. -На ЈБМО 2022 успешно учествуваа и Марко Серафимовски и Нина Ламева. Дамјан Давков го освои златниот медал со максимален број бодови. Ова е најголем успех во последните десетина години, информира Сојузот на математичари. (МИА)

Македонија со неверојатен успех на светското во Карате во Белград: Освоени вкупно 24 медали, од кои дури 5 златни!

Тале Кристо — Fri, 17 Jun 2022 10:27:45 +0000

Македонските натпреварувачи на WKDU (Wado Karate do Union) во Белград постигнаа неверојатен успех. Нашите натпреварувачи освоија 5 златни, 9 сребрени и 10 бронзени медали. -Фантастични резултати на WKDU (Wado Karate do Union) - Македонија, која освои 5 златни, 9 сребрени и 10 бронзени медали! Секоја чест!, стои во објавата на Фејсбук страницата на Светската Карате КОнфедерација.

ЗОИ: Медали освоија 29 држави, Норвешка убедливо пред сите

Ивона Петрова — Sun, 20 Feb 2022 10:42:10 +0000

Норвешка е најуспешна нација на 24. Зимски олимписки игри (ЗОИ), кои денеска завршија во Пекинг, со рекорден број златни медали во конкуренција на 29. држави, кои освоија одличја. На последниот ден од Игрите, Тереза Јохаунг го освои и 16. златен медал за Норвешка, чиј спортисти во Пекинг се закитија и со осум сребрени и 13 бронзени одличја. Конечна табела на освоени медали на Игрите во Пекинг: Норвешка 16 8 13 37 Германија 12 10 5 27 Кина 9 4 2 15 САД 8 10 7 25 Шведска 8 5 5 18 Холандија 8 5 4 17 Австрија 7 7 4 18 Швајцарија 7 2 5 14 Русија 6 12 14 32 Франција 5 7 2 14 Канада 4 8 14 26 Јапонија 3 6 9 18 Италија 2 7 8 17 Јужна Кореја 2 5 2 9 Словенија 2 3 2 7 Финска 2 2 4 8 Нов Зеланд 2 1 0 3 Австралија 1 2 1 4 Велика Британија 1 1 0 2 Унгарија 1 0 2 3 Белгија 1 0 1 2 Словачка 1 0 1 2 Чешка 1 0 1 2 Белорусија 0 2 0 2 Шпанија 0 1 0 1 Украина 0 1 0 1 Естонија 0 0 1 1 Летонија 0 0 1 1 Полска 0 0 1 1.

Илина и Ева Соколовски се закитија со нови медали на натпераврот по ритмичка гимнастика во Германија

Тале Кристо — Tue, 28 Dec 2021 12:31:11 +0000

Илина победи, а Ева го освои третото место. Ваков е резултатот од натпераврот по ритмичка гимнастика на сестрите Соколовски, кој се одржа викендот во Германија. Илина и Ева, кои потекнуваат од Македонија, продолжуваат со успесите, продолжуваат да носат злато за Германија со македонски пасош и нивниот талент и успех секој ден е се поголем и поголем. На последниот натпревар што го имаа Илина и Ева се одржа во градот Гутерслох, Илина ги бранеше боите во Бундеслигата. Натпреварот се вика OWL-CUP, каде Илина и Ева настапија поединечно. Илина им одржа лекција на останатите натпреварувачки, кои се повозрасни од неа и тоа со голема предност од 4,50 поени го освои првото место. Ева го освои третото место и се закити со бронза по пауза поради корона од 20месеци. Кај Ева се натгпреваруваа 19 натпреварувачки додека кај Илина 10, бидејќи поради прописите многу натпреварувачки не настапија, не ги исполнуват условите за натпревар, односно не се вакцинирани. Во Германија правилото за натпревар е дека мора да се сите вакцинирани и плус дополнително корона тест не постар од 24 часа. Поради падемијата многу натпревари се откажани, токму поради се поголемиот ризик од зараза. Следниот натпревар е заказан во фебруар, но токму поради ова точните услви се уште не се знаат. Но, едно се знае и од овој следниов, како и од сите до сега сестичките Соколовски без медал нема да бидат.

БРАВО: Средношколци од Македонија освоија медали на третата Балканска олимпијада по физика

Ивона Петрова — Sat, 02 Oct 2021 12:57:52 +0000

На третата Балканска олимпијада по физика, што се одржа од 24 септември до 2 октомври, сите ученици кои ја претставуваа нашата држава добија медали. Сребрен медал добија учениците Јан Стојановски – втора година во ПСУ „Јахја Кемал“ во Скопје и Мајкл Георгиевски – трета година во гимназијата „Добри Даскалов“ во Кавадарци. Бронзени медали добија ученичките Емилија Николовска – втора година во „Математичко – информатичка гимназија“ и Сандра Недановска – трета година во ПСУ „ Јахја Кемал“, и двете од Скопје. Водачи на тимот на Третата Балканска Олимпијада беа м-р асс. Христијан Кочанковски – лидер и проф. д-р Ламбе Барандовски – заменик лидер. Третата Балканска Олимпијада по физика е организирана од Балканското унија на физичари и Бугарското друштво на физичари. Поради ковид пандемијата Oлимпијадата се одржа на далечина, а локални организатори беа Друштвото на физичари на Република Македонија (ДФРМ) и Институтот за физика при Природно-математичкиот факултет во Скопје. На Oлимпијадата учествуваа 57 ученици од нашата држава, од Србија, Црна Гора, Грција, Кипар, Турција, Романија, Бугарија, Албанија, Молдавија, Босна и Херцеговина, Словенија, Туркменистан, Казахстан и Иран.

ОИ: Медали освоија 93 држави, Македонија на 77. место со едно сребро

Тале Кристо — Sun, 08 Aug 2021 13:28:09 +0000

САД на последниот натпреварувачки ден ја престигна Кина според бројот на освоени златни медали на Олимписките игри во Токио на кои одличја освоија вкупно 93 држави, а македонскиот состав со еден сребрен медал заврши на 77. место во вкупниот поредок. Американците беа најуспешни со 39 златни, 41 сребрени и 33 бронзени, пред Кина (38, 32, 18), Јапонија (27, 14, 17), Велика Британија (22, 21, 22) и Русија (20, 28, 23). Единствениот олимписки медал од осумчлената македонска делегација го освои таеквондистот Дејан Георгиевски, кој заврши второпласиран во категоријата до 80 килограми.