Медено срце со вишни: Рецепт за сочна торта која ќе им се допадне на сите

Ивона Петрова — Fri, 30 Jun 2023 08:19:27 +0000

Меденото срце е многу вкусна торта, која брзо се подготвува, а е одлична и за оние кои не се снаоѓаат добро во кујната. Состојки: 250 гр. брашно ќесичка сода бикарбона 3 лажици какао половина ќесична цимет 1 мускатно оревче 200 гр. шеќер 250 мл. кисела вода (може и кисело млеко, јогурт) 130 мл. зејтин 300 гр. чистени вишни 100 гр. чоколадо за готвење Подготовка: Измешајте брашно, сода бикарбона, какао, цимет, рендано морско оревче, шеќер, кисела вода и 120 милилитри масло. Сите состојки добро измешајте ги со блендер или миксер. Половина од смесата истурете ја во намрсена и набрашнета тава, па печете на 200 степени десетина минути или додека не се формира кора на површината на колачот. Извадете ја тавата од рерна, прелијте ја тортата со исчистените вишни (не мора да ги цедите), а потоа прелијте ги вишните со остатокот од смесата за колачот и повторно ставете ја во рерна да се пече. Колачот е готов кога ќе се оддели од страните на тавата. Оставете го колачот да се излади, а потоа прелијте го со глазурата која ќе ја направите од 10 милилитри масло и 100 грама чоколадо за готвење, растопено на тивок оган. Исечете ја тортата на коцки и послужете.

медено срце – Kurir.mk

Медено срце со вишни: Рецепт за сочна торта која ќе им се допадне на сите