Медицинската администрација од Клинички излезе на протест пред Министерството за здравство

Ивона Петрова — Thu, 28 Nov 2019 12:35:26 +0000

Администрацијата вработена во Клиничкиот центар и јавните здравствени установи како и помошниот немедицински кадар денес излезе од своето работно место за да го покаже незадоволството од месечните примања. Тие се незадоволни бидејќи не добија зголемување на платата заедно со лекарите и медицинските сестри. Протестот на администрацијата од Клиничкиот центар се одржа денес пред зградата на Министерството за здравство. Револтот кај овие вработи дополнително е зголемен откако имале два обиди за средба со министерот за здравство Венко Филипче, но во двата случаи тој им ја откажал средбата објаснувајќи им дека има други обврски. Претходно, тие преку соопштение до јавноста велат дека се изманипулирани и оставени да преживуваат со минимални примања. Велат дека нивните плати се минимални и се движат од 12.000 до 20.000 денари. Само во јавните здравствени установи во Скопје работат околу 6.000 вработени. Кон протестот на вработените од Клинички се придружија и нивните колеги од повеќе поликлиники во Скопје. Детали за тоа може да прочитате ТУКА.

Администрацијата во повеќе медицински јавни установи во Скопје денеска излезе на протест

Дарко Андоновски — Thu, 28 Nov 2019 10:25:22 +0000

Администрацијата и помошно- техничкиот персонал вработен во рамки на клиниките во Комплексот Мајка Тереза денеска излегува на протест во 12:30 часот, а по тој повод кон протестот се придружија и нивните колеги од повеќе поликлиники во Скопје. Имено вработените во администрацијата во поликлиниките Ѓорче Петров, Букурешт, Чаир Бит Пазар и неколку останати денеска излегоа на протест. Тие протестираа малку пред закажаниот протест на нивните колеги од Клиничкиот центар за 12.30 часот, а поради незадоволството од нивните плати. Медицинската администрација е револтирана поради тоа што не добиле зголемување на платата заедно со лекарите и медицинските сестри. Тие во неколку наврати имале два обиди за средба со министерот за здравство Венко Филипче, но во двата случаи тој им ја откажал средбата објаснувајќи им дека има други обврски. Инаку нивните плати се движат од 12 илјади до 20 илјади денари, а само во јавните установи во Скопје работат околу 6 илјади вработени.

медицинска администрација – Kurir.mk

Медицинската администрација од Клинички излезе на протест пред Министерството за здравство

Администрацијата во повеќе медицински јавни установи во Скопје денеска излезе на протест