медицинска сестра – Kurir.mk

Судењето против медицинската сестра од Онкологија одложено за 4 декември

Дарко Андоновски — Mon, 30 Oct 2023 13:50:55 +0000

Судењето против медицинската сестра од Клиниката за онкологија која е обвинета за проневера во службата со сомнение дека крадела цитостатици е одложено за 4 декември, информираат од Основен Кривичен суд Скопје. - Главната расправа за предметот со К.бр. 1990/23 против А.О. за кривичното дело Проневера во службата од чл. 354 ст.1 од КЗ, а поврзано со работењето во Универзитетската клиника за радиологија и онкологија Скопје, се одложи, стои во соопштението од Кривичен суд. Причина за одлагањето, како што констатира Судот, е тоа што Јавниот обвинител не примил уредна покана заради штрајк на јавно обвинителската служба, како и отсуство на обвинетата за која не е вратена достава за прием. - Присутен на расправата беше адвокат на обвинетата, ангажиран од семејството, со уредно полномошно, дополнуваат од Кривичен. Според обвинението, обвинетата, со намера да прибави противправна имотна корист за себе, присвоила поголем број ампули со различна намена во вкупна вредност од 59 760 денари кои ѝ биле доверени во службата. Ампулите ги изнесувала од работното место, а потоа ги оставала во автомобил со намера да ги предаде на друго лице.

Вработен на кардиохирургија истепал медицинска сетрса

Тале Кристо — Mon, 18 Sep 2023 14:55:15 +0000

На 18.09.2023 околу 10.00 часот во СВР Скопје добиена е пријава од Клиниката за кардиохирургија дека С.Ј. (вработен во клиниката) вербално нападнал медицинска сестра, а потоа физички го нападнал М.Ш. (директор на клиниката), по што ја напуштил клиниката и самиот се пријавил во ПС Центар. Известен е јавен обвинител и се преземаат мерки за расчистување на настанот.

Доживотен затвор за медицинската сестра од Англија која уби седум бебиња

Ивона Петрова — Mon, 21 Aug 2023 14:42:28 +0000

Поранешната неонатална медицинска сестра Луси Летби (33), која уби седум бебиња и се обиде да убие уште шест во болница во северна Англија, денеска е осудена на доживотен затвор без можност за условно ослободување, што претставува најстрога можна казна во британското законавство. Таа одби на суд да се соочи со родителите на убиените бебиња кои зборуваа за нивната болка поради загубата на нивните деца. Судијата Џејмс Гос кажа дека бројот на убиени деца, како и природата на убиствата извршени од медицинска сестра на која и е доверена грижата за бебињата, ги сочинуваат „исклучителни околности“ потребни за да се изрече „доживотна затворска казна без условна слобода“, што беше исклучително ретко во Велика Британија. По 22 дена советување, поротата на судот во Манчестер ја осуди Луси Летби за убиство на бебињата во неонаталната единица во болница во северозападна Англија меѓу јуни 2015 и јуни 2016 година. Адвокатот на одбраната Бен Мајерс остана на тврдењето за нејзината невиност. Таа била на должност во сите смртни случаи на бебиња, а обвинителите ја опишаа како „постојано злонамерно присуство“ во неонаталното одделение кога бебињата колабираа или умираа. Утврдено е дека таа им наштетила на бебињата на начини на кои е тешко да се откријат, а по пат ги убедувала своите колеги дека сите овие смртни случаи се нормални. Летби конечно беше отстранета од нејзината функција на крајот на јуни 2016 година, а уапсена во јули 2 Ќе се спроведе и независна истрага за тоа што се случувало во болницата и како персоналот и менаџментот реагирале на порастот на смртните случаи.

Медицинска сестра убила седум бебиња – детали за монструозниот чин во Британија

Ивана Ефремовски — Fri, 18 Aug 2023 20:01:59 +0000

Медицинска сестра од одделот за неонатологија во британска болница денеска е прогласена за виновна за убиство на седум бебиња и обид за убиство на уште шест. Луси Летби (33) беше обвинета за убиство за смртта на пет машки и две женски новороденчиња, како и пет обиди за убиства на машки бебиња и пет обиди за убиства на девојчиња помеѓу 2015 и 2016 година кога работела во болницата во Честер во Северна Западна Англија. Таа беше обвинета за намерно повредување на новородените бебиња на различни начини, вклучително и вбризгување воздух во нивните крвотоци и внесување воздух или млеко во нивниот стомак преку назогастричните цевки (цевките што одат од носот до желудникот). Таа, исто така, беше обвинета за труење бебиња со интровенозно додавање инсулин и оштетување на цевките за дишење. Летби се изјасни дека не е виновна за ниту едно од обвиненијата. Поротата составена од седум жени и четворица мажи расправаше 22 дена пред да донесе пресуда. Еден од поротниците од првичниот совет не учествуваше во постапката откако побара да биде изземен од лични причини. Потоа судијата им даде право на поротниците да донесат пресуда со 10 гласа наместо потребната едногласност. (МИА)

Вработување на Медицинска сестра во здравниот дом во Делчево ги бранува „завојуваните“ фракции и групи на локални моќници на СДСМ во Делчево и Македонска Каменица

Дарко Андоновски — Fri, 30 Jun 2023 12:43:09 +0000

Вработување на Медицинска сестра во здравниот дом во Делчево ги бранува "завојуваните" фракции и групи на локални моќници на СДСМ во Делчево и Македонска Каменица, ова преку статус на Фејсбук го пишува сајтот Брегалнички. Министерството за здравство со оглас за вработување на Медицинска сестра во Здравниот дом во Делчево ги разбранува локалните функционери и моќници на СДСМ во Делчево и во Македонска Каменица. Според информации доставени до нашата редакција од страна на укажувач откако претходно од здравниот дом во Делчево останаа без договор за вработување 6 медицински сестри, Министерството за здравство реализира оглас за вработување на Медицинска сестра во оваа подрачна установа на Министерството за здравство. За збрката и хаосот во редовите на СДСМ во Македонска Каменица и Делчево да бидат поголеми ова вработување според реакции на социјалните мрежи е резервирано за претседателката на Советот на општина Македонска Каменица која доаѓа како независен кандидат на претходните локални избори а од која зависи мнозинството во самиот совет за носење одлуки. Овој оглас за вработување добива третман на највисока важност за СДСМ што се гледа на објава на фејсбук (достапна ТУКА) на која може да се прочита прикажана меѓусебна комуникација меѓу Влатко Стојов- Претседател на СДСМ Македонска Каменица и Премиерот Димитар Ковачевски. Според наши информации добиени од укажувач хаосот и меѓусебните препукавања меѓу локалните функционери на СДСМ во Делчево и Македонска Каменица се огромни и постои огромен револт што на местото на заслужни сдсмовци решение за вработување добива лице што произлегува од независна листа на граѓани инаку блиска до локален функционер и советник во делчевскиот совет. Едит: За сомнежот во врска со овој оглас да биде кренат до максимум говори фактот што истиот е објавен во ден петок и траел до ден недела минатиот месец мај, стои во нивниот пост на Фејсбук.

Комисија за здравство на ВМРО-ДПМНЕ: Медицинска сестра – од најпочитувана до најдеградирана професија!

Тале Кристо — Fri, 12 May 2023 17:50:54 +0000

Под мотото "Сплотени до целта" во салата на Советот на Општина Кисела Вода, а во организација на Комисијата за здравство на ВМРО-ДПМНЕ се одржа дебата посветена на Неделата на сестринство на која присуствуваа претставници на здруженијата на медицински сестри и други медицински профили. Анита Димовска, специјалист по семејна и патронажна грижа Од земја расадник на квалитен медицински кадар до земја на аматери во сестринството. Од земја лидер во сестринските практики до земја со најголема смртност во периодот на пандемијата. Од најпочитувана, до најдеградирана професија. Можеме да молчиме и да гледаме стихијно како тонеме, но можеме да го одбереме и другиот пат сплотени сите професионалци со средно, високо образование, специјализации, магистри или доктори на сестрински науки,како и нашите логопеди, физиотерапевти, ртг технолози, биотехнолози, лаборанти, акушерки да ги обединиме нашите барања и со заедничка платформа да настапиме пред надлежните институции Снежана Исаковска, медицинска сестра Потребен е закон за медицински сестри Условите за работа на медицинските сестри се потпросечни Потребно е зголемување на коефициентот на плата со оглед дека во моментов платите на медициските сестри се демотивирачки, или се близу минималната плата Гоце Марков, специјалист по семејна нега и патронажна медицина Иако медицинските сестри и техничари се вклучени во примарно, секундарно и терциерно ниво и поминаа тежок период во ковид кризата не се соодветно вреднувани Нема довлно медицински сестри и техничари, нивната бројка е алармантно ниска.

На денешен ден: 35 години од смртта на Славјанка Влахчева, првата медицинска сестра во Македонија

Ивона Петрова — Tue, 04 Apr 2023 06:35:39 +0000

На 4 април во 1988 година во Скопје почина Славјанка Влахчева, прва медицинска сестра во Македонија и основач на првото училиште за медицински сестри во Македонија. Влахчева е родена во Штип во 1900 година. Го завршила Училиштето за медицински сестри на Друштвото на црвениот крст во Белград во 1924 година. Откако се вратила во родниот град, активно се вклучила во борба против маларијата. Подоцна преминала на работа во Антитуберкулозниот диспанзер во Скопје. Имала особена заслуга за воведувањето на патронажната служба и спроведувањето на бесеже вакцинацијата. Активно ја помагала НОАВМ и во борбите за ослободувањето на Скопје се приклучила во Четиринаесеттата македонска младинска НО ударна бригада „Димитар Влахов“. По Ослободувањето добила задача да основа Училиште за медицински сестри во Скопје во 1945 година и била именувана за негов прв директор. Пројавила и особена активност во Црвениот крст на Македонија.

ОВА СЕ ПРВИТЕ ЖРТВИ НА МОНСТРУОЗНИОТ УБИЕЦ ОД ЦЕТИЊЕ! Медицинската сестра Наташа и нејзините 2 сина се убиени на првиот кат од куќата (ФОТО)

Магдалена Андонова — Sat, 13 Aug 2022 09:59:50 +0000

Медицинската сестра Наташа Пајовиќ Мартиновиќ и нејзините два сина - единаесетгодишниот М. и три години помладиот М. беа првите жртви на Вук Бориловиќ (34) во Цетиње. Според првичните податоци на истрагата, вчера во 15.30 часот, пореметениот Бориловиќ дошол на катот од куќата во која живееле Мартиновиќи како станари. Дома биле само децата и нивната мајка. Сопругот на Наташа и татко на децата во тој момент не бил дома. Наводно, до расправијата дошла за киријата - како и што точно, никој не знае. Избезумен, Бориловиќ земал оружје и пукал - прво во децата, кои се обиделе да се сокријат зад вратата, а потоа и кон Наташа. Децата починале на лице место, а несреќната жена им подлегнала на повредите во болница. Жителите на Цетиње на социјалните мрежи почнаа да споделуваат фотографии од убиеното семејство. Како што пишуваат црногорските медиуми, тогаш Бориловиќ телефонски му се јавила на нејзиниот сопруг Милош и му рекол: „Ги убив твоето семејство и моето семејство“, а потоа отишол во својот крвав поход. Влегол во домот на соседите, семејството Дрецун, отворил оган и таму убил три лица (Даниела, Димитрије и Рајко Дрецун), а потоа ги застрелал и тешко ги ранил нивниот внук Александар Дрецун (32). Продолжил да пука - не ги поштедил ниту вујко му Горан Ѓуришиќ, ниту соседите Милан Митровиќ, Александар и Данијела Радуновиќ. Потоа продолжил и повредил уште четворица соседи, како и полицаецот Љубиша Максимовиќ, кој се обидел да го задржи. Крвавиот поход го спречил Ненад Калуѓеровиќ, мештанин, кој отвори оган врз него и го уби. Се вели дека Бориловиќ и самиот е татко на три деца. Неговата сопруга и децата на кобниот ден не биле дома, туку во Херцег Нови. Бориловиќ работел во Националниот парк Ловќен, велат дека бил мирен и повлечен човек, но дека во последно време видно се променил. - Се однесуваше како волк самотник, кој не го сакаше, тоа му го кажа - рекол еден од неговите колеги.

Пациентите чекаат на ред во болницата во Куманово додека медицинска сестра има интимни моменти со момче качено на биро (ВИДЕО)

Дарко Андоновски — Fri, 24 Jun 2022 11:33:17 +0000

Читателите на Алсат испратија видео снимка на која се тврди дека ден претходно во Итната помош на градската болница во Куманово медицинска сестра била фатена во интимни моменти додека била на работа. Снимката докажува дека странец кој најверојатно не е пациент, седи на биро и ја придружува медицинската сестра додека ја чекаат пациентите. Неофицијално се дознава дека за скандалот бил информиран директорот на болницата, од каде се очекува да преземат дисциплински и законски мерки против медицинската сестра.

https://alsat.mk/mk/wp-content/uploads/2022/06/Kumanove-motra-medicinale-momente-intime-ne-emergjence.mp4

Додека нејзината директорка даваше изјава во живо на РТС, медицинската сестра започна да се соблекува – хит видео го вжешти регионот

Дарко Андоновски — Wed, 01 Sep 2021 07:49:05 +0000

Директорката на КБЦ Бежанијска коса зборувала во живо за коронавирусот и важноста на вакцинацијата, но изгледа дека нејзината колешка сакала да го привлече целото свое внимание. Имено, медицинската сестра помина низ екранот, седна на стол и почна да го соблекува горниот дел од медицинската униформа. Причината за соблекување на униформата е поради нејзино примање на вакцина, а видеото по снимката на националната телевизија стана хит на социјалните мрежи. Многу коментари се собраа под снимката, а некои дури и не забележале дека медицинската сестра влетала во директен пренос. „Ова е намерно така насочено за да сними повеќе луѓе“, „Кога првпат гледав, не видов жена како се соблекува“, „А зошто остана оваа гола?“, „Удобно“, „Ова е повеќе за третиот дневник“, се само дел од многуте коментари под ова видео.

Rts dnevnik u podne, tema vakcinacija 😳😅🤣 pic.twitter.com/5mu4kQwhXX
— Anastasija (@Anastas10872080) August 31, 2021