медицински прегледи – Kurir.mk

Кулушевски пристигна на лекарски прегледи во Јувентус

Ивона Петрова — Thu, 02 Jan 2020 09:27:01 +0000

Швеѓанецот со македонско потекло, Дејан Кулушевски пристигна во Медицинскиот центар Јувентус, каде треба да изврши лекарски преглед. Ова е објавено од голем број медиуми во Италија. Деветнаесет годишниот Кулушевски е фудбалер на Аталанта, а игра за Парма како позајмен фудбалер. Оваа сезона тој настапи 19 натпревари за Парма и постигна четири гола со седум асистенции.

In corso al #JMedical le visite per Dejan #Kulusevski https://t.co/1ivNcRZERq pic.twitter.com/Ufc7yTn5B4
— JuventusFC (@juventusfc) January 2, 2020

Видал веќе ги поминал медицинските прегледи во Барса

Дарко Андоновски — Fri, 03 Aug 2018 08:51:37 +0000

Трансферот на Артуро Видал од Баерн Минхен во Барселона се приближува. Според некои медиуми, Чилеанецот веќе ги поминал медицинските тестови кај каталонците и ги договорил сите услови за неговиот личен договор. Двата клуба, исто така, се разбраа за зделката, при што Шпанците платиле за играчот од средниот ред околу 30 милиони евра. Трансферот на Видал во Барселона доаѓа по напуштањето на Паулињо и Андрес Иниеста. Се очекува дека договорот за привлекување на играчот од средниот ред да биде објавен денеска.

Бонучи среќен што се вратил дома, навивачите го исвиркаа

Дарко Андоновски — Fri, 03 Aug 2018 07:52:11 +0000

Италијанскиот репрезентативец Леонардо Бонучи предизвика контроверзни емоции при неговото враќање во Јувентус. Дел од навивачите на „старата дама“ се задоволни дека Лео повторно ќе биде дел од тимот, но други не можат да му простат затоа што пред една година избра да премине во Милан и во дербито помеѓу двата тима се израдува бурно по голот против „бјанконерите“. При пристигнувањето на аеродромот вчера тој не беше пречекан од приврзаници на Јуве, а подоцна подели неколку автограми и се сликаше со неколку навивачи пред медицинските прегледи. Сепак, имаше и свирежи и навреди на негова адреса. Некои од поддржувачите иронично извикуваа: „Ние сме тука за Роналдо, каде е Роналдо?“ Но, самиот Бонучи е многу задоволен што ќе игра за Јуве. - Беше тешко да замислам дека тоа може да се случи, но фантастично е дека веќе е факт. Јас сум возбуден. Торино е мојот дом и јас сум многу среќен што повторно сум тука, изјави дефанзивецот пред официјалниот канал на клубот на Јутјуб. Бонучи освои шест последователни титули со Јувентус, но по крајот на сезоната 2016/17 се скара со тренерот Масимилиано Алегри и сензационално потпиша со Милан. Сега тој се враќа на „Алијанц“ стадионот, а во обратна насока презеде Матија Калдара.