Медлин Мекен – Kurir.mk

Исчезна пред 16 години: Почнува нова голема операција за потрага по Медлин Мекен

Ивана Ефремовски — Mon, 22 May 2023 18:27:47 +0000

Полицијата која го истражува исчезнувањето на Медлин Мекен утре треба да изврши нови претреси на акумулацијата, кај браната Араде, која е на околу 50 километри од местото каде што пред 16 години исчезна девојчето родено во Британија. На претресот ќе биде присутна и британската полиција, пренесуваат португалските медиуми, а истрагата на местото наводно доаѓа по барање на германската полиција, која во јуни 2020 година објави дека верува дека Медлин е мртва и оти за тоа веројатно е одговорен осомничениот Кристијан Б. Наводно, осудениот злоставувач на деца и дилер на дрога, Кристијан Б., често го посетувал овој резервоар и моментално е во затвор за силување на 72-годишна жена во истата област во регионот Алгарве каде што исчезнала Медлин, но сè уште не е обвинет за какво било кривично дело поврзано со исчезнувањето на девојчето. Кристијан отсекогаш негирал вмешаност во исчезнувањето на Медлин, а областа на браната Араде, наводно, веќе била претресена во 2008 година, откако португалски адвокат платил нуркачи специјалисти да ја проверат локацијата. Адвокатот тогаш тврдеше дека од криминални контакти бил информиран дека телото на Медлин е во резервоарот, но ништо не било пронајдено при претресот. Во 2014 година имаше и претрес на областа во близина на местото каде што исчезна, откако португалските власти и дадоа дозвола на британската полиција да ја пребара областа. Минатиот месец, германскиот суд ги отфрли дополнителните обвиненија за силување и сексуален напад против Кристијан Б. кои не се поврзани со случајот Мекен. Тој беше обвинет за три кривични дела тешко силување и две кривични дела сексуална злоупотреба на деца во Португалија во периодот од декември 2000 до јуни 2017 година. Медлин имаше три години кога исчезна во 2007 година додека беше на одмор со семејството. Минатата година, на 15-годишнината од нејзиното исчезнување, родителите на девојчето рекоа дека е од „суштинско“ значење да се дознае вистината за тоа што се случило со нивната ќерка. Кејт и Гери Мекен, исто така, го одбележаа 20-от роденден на Медлин претходно овој месец со ветување дека „никогаш нема да се откажат“ од нивната потрага по неа, пишува Скај Њуз. (МИА)

Таа и понатаму тврди дека е исчезнатата Медлин од 2007 година која ги потресе сите – се огласи и приватниот детектив, целиот свет не верува што чита! (ВИДЕО)

Дарко Андоновски — Wed, 22 Feb 2023 08:25:06 +0000

Џулија Ванделт е 21-годишна девојка од Полска која тврди дека можеби е Медлин Мекен, девојчето од Велика Британија кое исчезна додека беше на одмор со своето семејство во Португалија во 2007 година. Џулија го привлече вниманието на медиумите откако креираше профил на „Instagram“ со корисничко име „Iammadeleinemccann“, тврдејќи дека има пега на ногата и дамка во окото на истите места како и Меделин и дека личи на родителите на Меделин. Таа исто така изјавила дека била во контакт со семејството на Меделин и се надева дека ќе направи ДНК тест за да ги докаже нејзините тврдења.

@shellmc22 Thoughts? Is this Madeleine McCann? Why is no one helping her? Why is this not news? The police won’t listen apparently!? She’s asking for it to be shared! #madeleinemccann #findmaddie #findmadeleine #iammadeleinemccann #instagramlive #maddymccann #maddiemccann #katemccann #gerrymccann #share #help #missingpersoncases #madeleinemccanncase #isthismaddie? ♬ original sound - Shell Mc 🦋

Сепак, властите сметаат дека немаат докази кои сугерираат дека Меделин е сè уште жива. Семејството на Меделин Мекен, наводно, побарало ДНК тест за Ванделт, откако таа стана популарна на социјалните мрежи, по тврдењата што ги изнела на нејзиниот Instagram, пишува шпанскиот весник „Marca“. Член на семејството Мекен наводно понудил да направи ДНК тест како одговор на тврдењата на Џулија Ванделт дека таа е Меделин Мекен. Џулија изрази желба директно да контактира со родителите на Меделин во блиска иднина. Таа тврди дека почнала да го преиспитува нејзиниот идентитет пред неколку месеци откако наслушнала нешто што рекла баба ѝ. Иако тврди дека има 21 година, таа смета дека нејзината возраст можеби не е точна. Потсетуваме дека Медеин Мек имаше три години кога исчезна во Праја да Луз во Алгарве во мај 2007 година, по што случајот привлече меѓународно внимание. Истраги беа покренати неколку пати, но овој случај останува нерешен.

Морбидна песна за исчезнатата Медлин: Момче пее дека таа се наоѓа во неговиот фрижидер и дека од неа направил сендвичи (ВИДЕО)

Ивана Ефремовски — Sat, 06 Oct 2018 08:58:26 +0000

Едно момче е снимено додека пее песна за исчезнатото британско девојче Медлин Мекен. Во бизарниот текст на песната, тој нагласува дека детето се наоѓа во неговиот замрзнувач. Сем Кларк (26), објавил видео од својот братучед на Фејсбук, како пее и свири во Њукасл. Момчето во својата песна го пее следново: „Знам каде се наоѓа Медлин Мекен. Таа е во мојот фрижидер, во замрзнувачот. Таа е во мојот фрижидер, до замрзнатата пица. Направив неколку сендвичи од неа, Медлин Мексендвичи“. Додека момчето пеело, неколку луѓе го гледале, слушале и се смееле, а сето тоа е забележано на видео снимката. Многумина на социјалните мрежи ја осудија оваа снимка, а некој човек истакнал дека полицијата мора да го приведе за испрашување, пренесува „Daily Mail“. „На сите ова им е смешно, но од каде да знаеме дека таа навистина не се наоѓа во неговиот замрзнувач, покрај пицата“, рекол истиот човек. Друг пак, истакнал дека е изненаден што никој не го удрил по носот додека го пеел тоа. Малата Медлин имала три години кога исчезнала, за време на летниот одмор во Португалија, додека нејзините родители вечерале во близина. Таа исчезнала во 2007-ма година, од апартманот кадешто спиела со братот и сестрата. Минатиот месец детективите побарале повеќе пари за истрагата да продолжи. Погледнете го видеото во продолжение: